ଯଦି ଆପଣ ଆଜି ସୁନା ଗହଣା କିଣିବାକୁ ଯୋଜନା କରୁଛନ୍ତି କିମ୍ବା ନିକଟ ଭବିଷ୍ୟତରେ ସୁନା କ୍ରୟ କରିବାର ଚିନ୍ତା ଅଛି, ତେବେ ପ୍ରଥମେ ଆଜିର ସୁନା ଦର ଜାଣିନେବା ଆବଶ୍ୟକ । ଭାରତୀୟ ବଜାରରେ ଆଜି ସୁନା ମୂଲ୍ୟ ଉଚ୍ଚ ସ୍ତରରେ ରହିଥିବା ଦେଖାଯାଇଛି । ବିଶେଷକରି ବିବାହ ଋତୁ ଓ ପର୍ବପର୍ବାଣି ନିକଟ ଆସୁଥିବାରୁ ସୁନା ଉପରେ ଗ୍ରାହକଙ୍କ ଚାହିଦା ବଢ଼ିଛି, ଯାହାର ସିଧା ପ୍ରଭାବ ମୂଲ୍ୟ ଉପରେ ପଡ଼ୁଛି । ଆଜି ଭାରତୀୟ ବଜାରରେ ୨୪ କ୍ୟାରେଟ ସୁନାର ମୂଲ୍ୟ ୧୦ ଗ୍ରାମ ପିଛା ୧,୫୪,୪୨୦ ଟଙ୍କା ରହିଛି । ସେହିପରି ୨୨ କ୍ୟାରେଟ ସୁନାର ଦର ୧,୪୧,୫୫୦ ଟଙ୍କାକୁ ପହଞ୍ଚିଛି । ସୁନା ଦରରେ ଏହି ବୃଦ୍ଧି ନିବେଶକ ଓ ସାଧାରଣ ଗ୍ରାହକ ଉଭୟଙ୍କୁ ପ୍ରଭାବିତ କରୁଛି।
ଓଡ଼ିଶାର ରାଜଧାନୀ ଭୁବନେଶ୍ୱରରେ ମଧ୍ୟ ସୁନା ଦର ପ୍ରାୟ ଜାତୀୟ ସ୍ତର ସହ ସମାନ ରହିଛି। ଏଠାରେ ୨୪ କ୍ୟାରେଟ ସୁନାର ମୂଲ୍ୟ ୧୦ ଗ୍ରାମ ପିଛା ୧,୫୪,୪୨୦ ଟଙ୍କା ଥିବା ବେଳେ ୨୨ କ୍ୟାରେଟ ସୁନା ୧,୪୧,୫୫୦ ଟଙ୍କାରେ ବିକ୍ରି ହେଉଛି। ସ୍ଥାନୀୟ ସ୍ୱର୍ଣ୍ଣ ବ୍ୟବସାୟୀମାନଙ୍କ କହିବା ଅନୁଯାୟୀ, ଦର ଅଧିକ ଥିଲେ ମଧ୍ୟ ଗ୍ରାହକଙ୍କ ଭିଡ଼ କମିନାହିଁ।
ମୁମ୍ବାଇ ସୁନା ବଜାରରେ ମଧ୍ୟ ଆଜି ୨୪ କ୍ୟାରେଟ ସୁନା ୧,୫୪,୪୨୦ ଟଙ୍କା ଓ ୨୨ କ୍ୟାରେଟ ସୁନା ୧,୪୧,୫୫୦ ଟଙ୍କାରେ ବିକ୍ରି ହେଉଛି। ଦିଲ୍ଲୀ ବଜାରରେ ତୁଳନାତ୍ମକ ଭାବେ ସୁନା ଦର କିଛିଟା ଅଧିକ ରହିଛି। ନୂଆଦିଲ୍ଲୀରେ ୨୪ କ୍ୟାରେଟ ସୁନା ୧,୫୪,୫୭୦ ଟଙ୍କା ଓ ୨୨ କ୍ୟାରେଟ ସୁନା ୧,୪୧,୭୦୦ ଟଙ୍କା ରହିଛି। ଦକ୍ଷିଣ ଭାରତର ପ୍ରମୁଖ ସହର ଚେନ୍ନାଇରେ ସୁନା ଦର ସବୁଠାରୁ ଅଧିକ ଦେଖାଯାଇଛି। ଏଠାରେ ୨୪ କ୍ୟାରେଟ ସୁନା ୧,୫୬,୨୨୦ ଟଙ୍କା ଓ ୨୨ କ୍ୟାରେଟ ସୁନା ୧,୪୩,୨୦୦ ଟଙ୍କାରେ ବିକ୍ରି ହେଉଛି। ପୂର୍ବ ଭାରତର ପ୍ରମୁଖ ସହର କୋଲକାତାରେ ୨୪ କ୍ୟାରେଟ ସୁନା ୧,୫୪,୪୨୦ ଟଙ୍କା ଏବଂ ୨୨ କ୍ୟାରେଟ ସୁନା ୧,୪୧,୫୫୦ ଟଙ୍କା ରହିଛି।
ଅନ୍ୟପଟେ ରୁପା ମୂଲ୍ୟରେ ମଧ୍ୟ ବଡ଼ ଉଛାଳ ଦେଖାଯାଇଛି। ଆଜି ଭାରତୀୟ ବଜାରରେ ରୁପା ଦର କିଲୋଗ୍ରାମ୍ ପିଛା ୩,୦୦,୦୦୦ ଟଙ୍କାକୁ ପହଞ୍ଚିଛି। ଗହଣା କିଣିବା ସମୟରେ କେବଳ ମୂଲ୍ୟ ନୁହେଁ, ସୁନାର ଶୁଦ୍ଧତା ଯାଞ୍ଚ କରିବା ମଧ୍ୟ ଅତ୍ୟନ୍ତ ଜରୁରୀ। ସୁନାର ଶୁଦ୍ଧତା ଯାଞ୍ଚ ପାଇଁ ଗ୍ରାହକମାନେ ‘BIS Care App’ର ସହାୟତା ନେଇପାରିବେ। ଏହି ଆପ୍ ମାଧ୍ୟମରେ ହଲମାର୍କ, ଲାଇସେନ୍ସ ନମ୍ବର କିମ୍ବା ପଞ୍ଜୀକରଣ ସଂଖ୍ୟା ଯାଞ୍ଚ କରିହେବ। ଯଦି କୌଣସି ଅନିୟମିତତା ମିଳେ, ତେବେ ଗ୍ରାହକ ସିଧାସଳଖ ସରକାରଙ୍କ ନିକଟରେ ଅଭିଯୋଗ ମଧ୍ୟ କରିପାରିବେ। ଅଭିଯୋଗ ପରେ କ’ଣ ପଦକ୍ଷେପ ନିଆଯାଇଛି, ସେ ସମ୍ବନ୍ଧରେ ମଧ୍ୟ ସୂଚନା ପାଇପାରିବେ।
also read https://purvapaksa.com/samsung-galaxy-f70e/
Samsung Galaxy F70e ।। ଏତେ କମ ଦାମରେ Samsung ଫୋନ ଆଜି ହଁ କିଣନ୍ତୁ
