ଆଜିକାଲି ମୋବାଇଲ୍ ରିଚାର୍ଜ ଦର ବଢ଼ିଥିବା ବେଳେ ଗ୍ରାହକମାନେ କମ୍ ମୂଲ୍ୟରେ ଭଲ ସୁବିଧା ଥିବା ପ୍ଲାନ୍ ଖୋଜୁଛନ୍ତି। ଏହି ପରିସ୍ଥିତିରେ Reliance Jioର ୧୨୩ ଟଙ୍କାର ପ୍ରିପେଡ୍ ରିଚାର୍ଜ ପ୍ଲାନ୍ ଏକ ଭଲ ବଜେଟ୍ ଅପ୍ସନ୍ ଭାବେ ସାମ୍ନାକୁ ଆସିଛି । ତେବେ ଏହି ପ୍ଲାନ୍ ସମ୍ପର୍କରେ ଅନେକ ଲୋକ ଜାଣିନଥାନ୍ତି, କାରଣ ଏହା ସାଧାରଣ ସ୍ମାର୍ଟଫୋନ୍ ବ୍ୟବହାରକାରୀଙ୍କ ପାଇଁ ନୁହେଁ। Jioର ୧୨୩ ଟଙ୍କାର ପ୍ଲାନ୍ ୨୮ ଦିନର ଭାଲିଡିଟି ସହିତ ଆସେ। ଏହାର ଅର୍ଥ ହେଉଛି, ମାସକୁ କେବଳ ଏକଥର ରିଚାର୍ଜ କଲେ ଆପଣଙ୍କ କନେକ୍ସନ୍ ଚାଲୁ ରହିବ। ଯେଉଁ ଗ୍ରାହକମାନେ ବାରମ୍ବାର ରିଚାର୍ଜ କରିବାକୁ ଚାହାନ୍ତି ନାହିଁ, ସେମାନଙ୍କ ପାଇଁ ଏହା ଏକ ସହଜ ସମାଧାନ।
ଏହି ପ୍ଲାନ୍ରେ ପ୍ରତିଦିନ ୦.୫GB ଡାଟା ମିଳେ, ଯାହା ୨୮ ଦିନରେ ମୋଟ ୧୪GB ଡାଟା ହୁଏ। ଏହି ଡାଟା ପରିମାଣ କମ୍ ବ୍ୟବହାରକାରୀଙ୍କ ପାଇଁ ଯଥେଷ୍ଟ। WhatsApp ମେସେଜ୍, ଅଳ୍ପ ସମୟ ପାଇଁ ଇଣ୍ଟରନେଟ୍ ସର୍ଚ୍ଚ, ବେଳେବେଳେ YouTube ଭିଡିଓ ଦେଖିବା ଭଳି ସାଧାରଣ କାମ ପାଇଁ ଏହି ଡାଟା ।
ଡାଟା ସହିତ , ଏହି ପ୍ଲାନ୍ରେ ସାରା ଭାରତରେ ଯେକୌଣସି ନେଟୱାର୍କକୁ ଅନଲିମିଟେଡ୍ ଭଏସ୍ କଲିଂ ସୁବିଧା ମିଳେ। ଯେଉଁ ଲୋକ ଅଧିକ କଲ୍ କରନ୍ତି କିନ୍ତୁ ଇଣ୍ଟରନେଟ୍ କମ୍ ବ୍ୟବହାର କରନ୍ତି, ସେମାନଙ୍କ ପାଇଁ ଏହା ଏକ ବଡ଼ ଫାଇଦା। ଏହାସହିତ Jio ପ୍ରତି ମାସ ୩୦୦ଟି ମାଗଣା SMS ମଧ୍ୟ ପ୍ରଦାନ କରୁଛି। ଯଦିଓ ଆଜିକାଲି SMS ବ୍ୟବହାର କମିଛି, ତଥାପି OTP ବ୍ୟାଙ୍କ ଆଲର୍ଟ ଓ ଆବଶ୍ୟକୀୟ ସୂଚନା ପାଇଁ ଏହା ଦରକାରୀ। ଏହି ପ୍ଲାନ୍ରେ Jioର ଡିଜିଟାଲ୍ ସେବା ମଧ୍ୟ ମିଳୁଛି। ଗ୍ରାହକ JioSaavn ମାଧ୍ୟମରେ ମାଗଣା ଗୀତ ଶୁଣିପାରିବେ ଏବଂ Jio TV ରେ ଲାଇଭ୍ ଟିଭି ଚ୍ୟାନେଲ୍ ଦେଖିପାରିବେ। ଏଥିପାଇଁ କୌଣସି ଅତିରିକ୍ତ ଶୁଳ୍କ ଦେବାକୁ ପଡ଼ିବ ନାହିଁ।
ତେବେ ଏଠାରେ ଏକ ଗୁରୁତ୍ୱପୂର୍ଣ୍ଣ ସତର୍କତା ରହିଛି। Jioର ୧୨୩ ଟଙ୍କାର ଏହି ପ୍ଲାନ୍ କେବଳ Jio Bharat ଫିଚର୍ ଫୋନ୍ ବ୍ୟବହାରକାରୀଙ୍କ ପାଇଁ ଉପଲବ୍ଧ। ସାଧାରଣ Android କିମ୍ବା iPhone ସ୍ମାର୍ଟଫୋନ୍ରେ ଏହି ପ୍ଲାନ୍ କାମ କରିବ ନାହିଁ। ତେଣୁ ଏହା ମୂଳତଃ ସୁଲଭ ଫିଚର୍ ଫୋନ୍ ବ୍ୟବହାରକାରୀଙ୍କୁ ଧ୍ୟାନରେ ରଖି ଆଣାଯାଇଛି। ସାରାଂଶରେ କହିଲେ, ଯଦି ଆପଣଙ୍କ ପାଖରେ Jio Bharat ଫୋନ୍ ଅଛି ଏବଂ ଆପଣ କମ୍ ମୂଲ୍ୟରେ ଏକ ସରଳ, ଦୀର୍ଘ ଭାଲିଡିଟି ଥିବା ପ୍ଲାନ୍ ଚାହୁଁଛନ୍ତି, ତେବେ Jioର ୧୨୩ ଟଙ୍କାର ପ୍ଲାନ୍ ନିଶ୍ଚିତ ଭାବେ ଆପଣଙ୍କ ପାଇଁ ଏକ ଭଲ ଅପ୍ସନ୍ ହୋଇପାରିବ।
ALSO READ https://purvapaksa.com/bombthreat/
https://purvapaksa.com/bombthreat/
