Author: TRUPTIMAYEE SAHOO

“ରାଜ୍ୟ ଆମର, ଖଣି ଆମର, ଖଣିଜ ସମ୍ପଦ ଆମର, ଜମି ଆମର, ମାଲିକାନା ବି ଆମର… ତେବେ ଆମେ କେନ୍ଦ୍ରର ହାତଟେକା ଦାନକୁ କାହିଁକି ଅପେକ୍ଷା କରିବୁ?” ଏ କଥା ଆମେ କହୁନୁ, ଏହା ହେଉଛି ରାଜ୍ୟର ପୂର୍ବତନ ଶାସକ ଦଳ ତଥା ବର୍ତ୍ତମାନର ମୁଖ୍ୟ ବିରୋଧୀ ଦଳ ବିଜେଡିର ତାଜା ଗର୍ଜନ। ଏହି ଗର୍ଜନ ସାଙ୍ଗକୁ ଆସିଛି ଆଉ ଏକ ବଡ଼ ଚେତାବନୀ— ‘ଅର୍ଥନୈତିକ ଅବରୋଧ’! ଗତ ପ୍ରାୟ ଏକ ମାସ ଧରି ଓଡ଼ିଶା ରାଜନୀତିରେ ଗୋଟିଏ ଶବ୍ଦ ବାରମ୍ବାର ଗୁଞ୍ଜରିତ ହେଉଛି— ଏମଏମଡିଆର ଆକ୍ଟ ସଂଶୋଧନ। ଖଣି ଆଇନରେ କେନ୍ଦ୍ରର ସଂଶୋଧନକୁ ବିରୋଧ କରି ବିଜେଡି ଚିଠି ଲେଖୁଛି, ପ୍ରେସମିଟ୍ କରୁଛି, ଆଉ ଏବେ ରାଜରାସ୍ତା ଅବରୋଧର ଧମକ ଦେଉଛି। କିନ୍ତୁ ପ୍ରଶ୍ନ ଉଠୁଛି— ଏହି ଲଢ଼େଇ ସତରେ କ’ଣ ଓଡ଼ିଶାର ସ୍ୱାର୍ଥ ପାଇଁ? ନା ଦଳ ଭିତରେ କୁହୁଳୁଥିବା ତୀବ୍ର ବିଦ୍ରୋହ ଓ ଗୋଷ୍ଠୀକନ୍ଦଳକୁ ଲୋକଲୋଚନରୁ ଲୁଚାଇବା…