ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ପାଇଁ ସମସ୍ୟା ବଢ଼ିବାରେ ଲାଗିଛି । ସାଂସଦଙ୍କ ବିଦ୍ରୋହ ପରେ, ତାଙ୍କ ନିଜ ଦଳର କୋଷାଧ୍ୟକ୍ଷ ଅରୂପ ବିଶ୍ୱାସ ତାଙ୍କୁ ଏକ ବଡ଼ ଆଘାତ ଦେଇଛନ୍ତି । ଅରୂପ ଟିଏମସିର ବ୍ୟାଙ୍କ ଆକାଉଣ୍ଟଗୁଡ଼ିକୁ ତୁରନ୍ତ ରୋକିବାକୁ ଅନୁରୋଧ କରି HDFC ବ୍ୟାଙ୍କକୁ ଚିଠି ଲେଖିଛନ୍ତି ।
ଚିଠିରେ, ସେ ବଡ଼ ଆଭ୍ୟନ୍ତରୀଣ ବିଦ୍ରୋହକୁ ଉଲ୍ଲେଖ କରି ଦଳ ଭିତରେ ଅଶାନ୍ତି ବିଷୟରେ ବ୍ୟାଙ୍କ ଅଧିକାରୀମାନଙ୍କୁ ଅବଗତ କରାଇଛନ୍ତି । ସେ ଉଲ୍ଲେଖ କରିଛନ୍ତି ଯେ ଅନେକ ଟିଏମସି ସାଂସଦ ଦଳ ଛାଡିଛନ୍ତି ଏବଂ ଅନେକ ବିଧାୟକ ଖୋଲାଖୋଲି ଭାବରେ ଏହା ବିରୁଦ୍ଧରେ ବିଦ୍ରୋହ କରିଛନ୍ତି।
କ’ଣ କ’ଣ ଉଲ୍ଲେଖ ହୋଇଛି ଚିଠିରେ ?
ସେ ଆହୁରି ଲେଖିଛନ୍ତି ଯେ ,’ଏହି ଆଭ୍ୟନ୍ତରୀଣ ଅସ୍ଥିରତା ମଧ୍ୟରେ, ଦଳ ଏବଂ ଏହାର ସମ୍ବଳ ଉପରେ ପ୍ରକୃତ ଆଇନଗତ ଅଧିକାର କାହାର ଅଛି ସେ ସମ୍ପର୍କରେ ଏକ ଆଇନଗତ ଏବଂ ସାଂଗଠନିକ ବିବାଦ ଉପୁଜିଛି। ତେଣୁ, ସେ ଅଖିଳ ଭାରତୀୟ ତୃଣମୂଳ କଂଗ୍ରେସର ନାମରେ ଥିବା ଆକାଉଣ୍ଟ ସହିତ ଜଡିତ ସମସ୍ତ କାରବାରକୁ ତୁରନ୍ତ ଫ୍ରିଜ୍ କରିବାକୁ ଅନୁରୋଧ କରିଛନ୍ତି।’
Kolkata, West Bengal: TMC Treasurer Aroop Biswas wrote a letter to the HDFC Bank Central Plaza branch requesting the immediate freezing of the All India Trinamool Congress (TMC) party bank accounts.
CPI(M) MLA Md. Mostafijur Rahaman says, “What he has done is right. He… pic.twitter.com/jDnNNUJ1Jf
— IANS (@ians_india) June 18, 2026
ଏହି ସମୟରେ, ଟିଏମସି ସୂତ୍ର ଅନୁଯାୟୀ, ୫ ଜୁନ୍, ୨୦୨୬ରେ ଅନୁଷ୍ଠିତ ଟିଏମସି ଜାତୀୟ କାର୍ଯ୍ୟ କମିଟି ବୈଠକରେ ଅରୂପ ବିଶ୍ୱାସଙ୍କୁ କୋଷାଧ୍ୟକ୍ଷ ପଦରୁ ହଟାଇ ଦିଆଯାଇଥିଲା ଏବଂ ତାଙ୍କ ସ୍ଥାନରେ ପୂର୍ବତନ ସାଂସଦ ଶୁଭାଶିଷ ଚକ୍ରବର୍ତ୍ତୀଙ୍କୁ ନିଯୁକ୍ତ କରାଯାଇଥିଲା।
ସିପିଆଇ(ଏମ୍) ବିଧାୟକ ଏହାକୁ ସଠିକ୍ ପଦକ୍ଷେପ ବୋଲି କହିଛନ୍ତି
ଏହା ଉଲ୍ଲେଖନୀୟ ଯେ ଟିଏମସି ଆକାଉଣ୍ଟରେ ୬୨୫ କୋଟି ୭୯ ଲକ୍ଷ ୮୭ ହଜାର ୨୬୪ ଟଙ୍କା ବାକି ଅଛି । ଫଳସ୍ୱରୂପ, ଅରୂପ ବିଶ୍ୱାସଙ୍କ ଚିଠି ମମତା ବାନାର୍ଜୀଙ୍କୁ ଗଭୀର ସଙ୍କଟ ମଧ୍ୟକୁ ଠେଲି ଦେଇଛି । ଏହି ମାମଲାରେ ରାଜନୈତିକ ପ୍ରତିକ୍ରିୟା ମଧ୍ୟ ପ୍ରକାଶ ପାଇବା ଆରମ୍ଭ ହୋଇଛି ।
West Bengal: During the TMC National Working Committee meeting held on June 5, 2026, Aroop Biswas was removed from the post of Treasurer. Former MP Subhasish Chakraborty was appointed in his place: TMC Sources pic.twitter.com/F6vbq04PPJ
— IANS (@ians_india) June 18, 2026
ସିପିଆଇ(ଏମ୍) ବିଧାୟକ ମହମ୍ମଦ ମୁସ୍ତାଫିଜୁର ରହମାନ ଅରୂପ ବିଶ୍ୱାସଙ୍କ ପଦକ୍ଷେପ ଉପରେ ମନ୍ତବ୍ୟ ଦେଇ କହିଛନ୍ତି ଯେ ତାଙ୍କର ପଦକ୍ଷେପ ସଠିକ୍ ଥିଲା । ସେ ମନ୍ତବ୍ୟ ଦେଇଛନ୍ତି ଯେ ବିଶ୍ୱାସ ହୁଏତ ଆକାଉଣ୍ଟଗୁଡ଼ିକୁ ଫ୍ରିଜ୍ କରିବା ଆବଶ୍ୟକ ମନେ କରୁଥିଲେ, ଯାହା ପାଇଁ ସେ ଏହି ପଦକ୍ଷେପ ନେଇଥିଲେ ; ଏହି ବିଷୟରେ ଆଉ କିଛି କହିବାର ନାହିଁ । ଏହି ସମୟରେ, ଏଜେୟୁପି ମୁଖ୍ୟ ଏବଂ ବିଧାୟକ ହୁମାୟୁନ୍ କବୀର କହିଛନ୍ତି ଯେ ,ମମତା ବାନାର୍ଜୀ ନିଜକୁ ଏପରି ପରିସ୍ଥିତିରେ ପକାନ୍ତି ଯେଉଁଠାରେ ସେ କରିବାକୁ ଚାହୁଁଥିବା କାମ କରିବାକୁ ଅସମର୍ଥ।
