ଓଡ଼ିଶା ଶାସନତନ୍ତ୍ରରେ ଦିନେ ଯେଉଁମାନଙ୍କର ନାଁ ଶୁଣିଲେ ବଡ଼ ବଡ଼ ନେତା ଓ ଅଫିସରମାନେ ଥରୁଥିଲେ, ଆଜି ସେହି ତାମିଲନାଡ଼ୁ ପାଣ୍ଡିଆନ ଦମ୍ପତିଙ୍କୁ ନେଇ ଏକ ବଡ଼ ସତ୍ୟ ସାମ୍ନାକୁ ଆସିଛି। ପୂର୍ବତନ ଆଇଏଏସ୍ ଅଧିକାରୀ ଭୈରବ କାର୍ତ୍ତିକେୟନ ପାଣ୍ଡିଆନ ଏବଂ ସୁଜାତା ରାଉତ କାର୍ତ୍ତିକେୟନଙ୍କ ସମ୍ପତ୍ତି କେତେ? ଏହି ପ୍ରଶ୍ନ ଆଜି ସାରା ଓଡ଼ିଶାବାସୀଙ୍କ ମନରେ ଆନ୍ଦୋଳିତ ହେଉଛି। ସ୍ୱଚ୍ଛତା ଓ ଉତ୍ତରଦାୟିତ୍ୱର ଡିଣ୍ଡିମ ପିଟୁଥିବା ତତ୍କାଳୀନ ଶାସନ ବ୍ୟବସ୍ଥାର ଅସଲ ଚେହେରା ଏବେ ସୂଚନା ଅଧିକାର ଆଇନ ବା RTI ବଳରେ ପଦାରେ ପଡ଼ିଛି।
କିନ୍ତୁ ସବୁଠୁ ଆଶ୍ଚର୍ଯ୍ୟର କଥା ହେଉଛି, ପାଣ୍ଡିଆନ ଦମ୍ପତିଙ୍କ କେଳେଙ୍କାରୀକୁ ସୁରକ୍ଷା ଦେବା ପାଇଁ କେବଳ ପୂର୍ବତନ ନବୀନ ସରକାର ନୁହେଁ, ବରଂ ବର୍ତ୍ତମାନର ବିଜେପି ସରକାର ମଧ୍ୟ ସମାନ ଆଭିମୁଖ୍ୟ ଗ୍ରହଣ କରିଥିବା ଅଭିଯୋଗ ହେଉଛି। ଓଡ଼ିଶାରେ ଏବେ ବିଜେପି ଏବଂ ବିଜେଡିର ଏକ ଅଘୋଷିତ ମେଣ୍ଟ ଚାଲିଛି କି? କାହିଁକି ପାଣ୍ଡିଆନ ସିଣ୍ଡିକେଟ୍ର ସମସ୍ତ ସଦସ୍ୟ ଏବେ ସୁରକ୍ଷିତ ଅଛନ୍ତି? ଆଜି ଆମେ ଏହି ଭିଡିଓରେ ସେହି ରହସ୍ୟମୟ ରିପୋର୍ଟ ଉପରୁ ପରଦା ହଟାଇବା, ଯେଉଁଥିରେ ସରକାରୀ ଅଧିକାରୀମାନେ ତଥ୍ୟ ଲୁଚାଇବା ପାଇଁ ପ୍ରବଳ ମିଛ କଥା କହିଛନ୍ତି।
ଦର୍ଶକବନ୍ଧୁ, ଘଟଣାଟି ହେଉଛି ସାମାଜିକ କର୍ମୀ ପ୍ରକାଶ ଦାସ ତାମିଲନାଡ଼ୁ ନିବାସୀ ପାଣ୍ଡିଆନ ଦମ୍ପତିଙ୍କ ସମ୍ପତ୍ତିର ସଠିକ ତଥ୍ୟ ପାଇବା ପାଇଁ କେନ୍ଦ୍ର ସରକାରଙ୍କ DoPT ଏବଂ ରାଜ୍ୟ ସରକାରଙ୍କ GA & PG ବିଭାଗକୁ ସୂଚନା ଅଧିକାର ଆଇନ (RTI) ରେ ଆବେଦନ କରିଥିଲେ। ତେବେ DoPT କାର୍ଯ୍ୟାଳୟର ଅଧିକାରୀମାନେ ଯେଉଁ ଉତ୍ତର ଦେଲେ, ତାହା ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ। ସେମାନେ କହିଲେ, “ଏହି ତଥ୍ୟ ୱେବସାଇଟ୍ରେ ଉପଲବ୍ଧ ଅଛି, କିନ୍ତୁ ବର୍ତ୍ତମାନ ବିଭାଗରେ ନାହିଁ। ତେଣୁ ଆମେ ଆପଣଙ୍କ ଆବେଦନକୁ ଓଡ଼ିଶା ସରକାରଙ୍କ ପାଖକୁ ପଠାଇ ଦେଉଛୁ, ସେମାନେ ଆପଣଙ୍କୁ ତଥ୍ୟ ପ୍ରଦାନ କରିବେ।”
ଏହା ପୂର୍ବରୁ ଓଡ଼ିଶା ସରକାରଙ୍କ GA & PG ବିଭାଗକୁ ମଧ୍ୟ ସମାନ ତଥ୍ୟ ମଗାଯାଇଥିଲା। କିନ୍ତୁ ଓଡ଼ିଶା ସରକାର ଏକ ବଡ଼ ଷଡ଼ଯନ୍ତ୍ର କରି ତଥ୍ୟ ଲୁଚାଇବାକୁ ଚେଷ୍ଟା କଲେ। ସେମାନେ ବି ସମାନ ବାହାନା କରି କହିଲେ ଯେ ଆପଣ ୱେବସାଇଟ୍ରେ ଦେଖନ୍ତୁ। କିନ୍ତୁ ଯେତେବେଳେ ଆବେଦନକାରୀ ପ୍ରକାଶ ଦାସ ୱେବସାଇଟ୍ ଯାଞ୍ଚ କଲେ, ସେଠାରେ କୌଣସି ତଥ୍ୟ ଉପଲବ୍ଧ ନ ଥିଲା।
ଏହା ପରେ ଆବେଦନକାରୀ ପ୍ରକାଶ ଦାସ ଏହି ମାମଲାରେ ଅପିଲ୍ ଫାଇଲ୍ କଲେ। କେଶ୍ ଶୁଣାଣି ସମୟରେ ସରକାରୀ ଅଧିକାରୀମାନେ ଯେଉଁ ସଫେଇ ଦେଲେ, ତାହା ସମ୍ପୂର୍ଣ୍ଣ ହାସ୍ୟାସ୍ପଦ ଥିଲା। ଅଧିକାରୀ କହିଲେ—”ଯେହେତୁ ଭୈରବ କାର୍ତ୍ତିକେୟନ ପାଣ୍ଡିଆନ ସ୍ୱେଚ୍ଛାକୃତ ଅବସର ବା VRS ନେଇସାରିଛନ୍ତି, ତେଣୁ ୱେବସାଇଟ୍ରୁ ତାଙ୍କ ସମ୍ପତ୍ତିର ସମସ୍ତ ତଥ୍ୟ ଡିଲିଟ୍ ହୋଇଯାଇଛି। ସରି!”
ଆସନ୍ତୁ ଏହି ସମ୍ପୂର୍ଣ୍ଣ ପ୍ରକ୍ରିୟାକୁ ଏକ ସରଳ ସାରଣୀ ମାଧ୍ୟମରେ ବୁଝିବା, ସରକାର କେମିତି ଜନସାଧାରଣଙ୍କୁ ଭଣ୍ଡାଇଛନ୍ତି: ଆବେଦନକାରୀ ଏତିକିରେ ଅଟକି ନଥିଲେ। ସେ ସିଧାସଳଖ କହିଲେ, ଯଦି ୱେବସାଇଟ୍ରୁ ଡିଲିଟ୍ ହୋଇଯାଇଛି, ତେବେ ଭୈରବ କାର୍ତ୍ତିକେୟନ ପାଣ୍ଡିଆନ ଓ ସୁଜାତା ରାଉତ କାର୍ତ୍ତିକେୟନ ସରକାରଙ୍କୁ ଦେଇଥିବା ସମ୍ପତ୍ତି ତାଲିକାର ହାର୍ଡ କପି କିମ୍ବା ଜେରକ୍ସ କପି ପ୍ରଦାନ କରନ୍ତୁ। କିନ୍ତୁ ସେଠାରେ ବି ଅଧିକାରୀମାନେ ବାହାନା କଲେ ଯେ, “ଏହା ସିଲ୍ କପି ଅଛି, ତେଣୁ ଦେଇ ହେବ ନାହିଁ।”
ଏଠାରେ ପ୍ରଶ୍ନ ଉଠୁଛି, ଯେଉଁ ତଥ୍ୟ ପୂର୍ବରୁ ସ୍ୱଚ୍ଛତା ଓ ଉତ୍ତରଦାୟିତ୍ୱ ପାଇଁ ସର୍ବସାଧାରଣ (Public Domain) ରେ ଛଡ଼ାଯାଇଥିଲା, ସେହି ସମାନ ତଥ୍ୟର କପି ଦେବାରେ ସରକାରଙ୍କର ଅସୁବିଧା କଣ? କାହିଁକି ଅଧିକାରୀମାନେ ତାମିଲନାଡ଼ୁ ପାଣ୍ଡିଆନ ଦମ୍ପତିଙ୍କ ତଥ୍ୟ ଲୁଚାଇବା ପାଇଁ ଏତେ ବଡ଼ ଷଡ଼ଯନ୍ତ୍ର ଓ ବେଆଇନ କାମ କରୁଛନ୍ତି? ଶୁଣାଣି ସମୟରେ ଆବେଦନକାରୀଙ୍କ ଏହି ପ୍ରଶ୍ନ ଆଗରେ ସରକାରୀ ଅଧିକାରୀମାନେ ସମ୍ପୂର୍ଣ୍ଣ ନୀରବ ରହିଥିଲେ। ସେମାନଙ୍କ ମୁହଁରେ ସରକାରଙ୍କ ଚାପ ଓ ଭୟ ସ୍ପଷ୍ଟ ବାରି ହୋଇପଡ଼ୁଥିଲା। ତତ୍କାଳୀନ ନବୀନ ସରକାର ତଥ୍ୟ ଦେଲେ ନାହିଁ ଏବଂ ଏହାହିଁ ଥିଲା ସେମାନଙ୍କ ସ୍ୱଚ୍ଛ ଶାସନ ଓ ୫T ର ବାସ୍ତବ ଚରିତ୍ର!
ଭୈରବ କାର୍ତ୍ତିକେୟନ ପାଣ୍ଡିଆନଙ୍କ ସମ୍ପତ୍ତି ତାଲିକା ତ ସମ୍ପୂର୍ଣ୍ଣ ଭାବେ କବର ନେଇଗଲା ଏବଂ ତାହା ଏକ ବଡ଼ ରହସ୍ୟ ହୋଇ ରହିଗଲା। କିନ୍ତୁ ଅନ୍ୟପଟେ ସୁଜାତା ରାଉତ କାର୍ତ୍ତିକେୟନଙ୍କ ଯେଉଁ ସମ୍ପତ୍ତି ତାଲିକା ୱେବସାଇଟ୍ରୁ ମିଳିଲା, ତାହା ଆହୁରି ଚକିତ କଲାଭଳି ଥିଲା। ସୁଜାତା ରାଉତ କାର୍ତ୍ତିକେୟନ ତାଙ୍କ ସମ୍ପତ୍ତି ତାଲିକାରେ ସମ୍ପୂର୍ଣ୍ଣ ତଥ୍ୟ ପ୍ରଦାନ କରିନାହାନ୍ତି। ସେ ସରକାରଙ୍କୁ ସପ୍ରମାଣ ଠକିଛନ୍ତି ଏବଂ ତଥ୍ୟ ଲୁଚାଇଛନ୍ତି।
ସେ ତାଙ୍କ ତାଲିକାରେ କେବଳ ଏତିକି ଦର୍ଶାଇଛନ୍ତି ଯେ ସେ କେତେ ଟଙ୍କା ଦରମା ପାଉଛନ୍ତି। କିନ୍ତୁ ଆଶ୍ଚର୍ଯ୍ୟର କଥା ହେଉଛି—ତାଙ୍କର ଘର, ଜମି, ସୁନା ଏବଂ ବ୍ୟାଙ୍କ ବାଲାନ୍ସ ଇତ୍ୟାଦି ସବୁ କିଛି NIL ବୋଲି ଦର୍ଶାଯାଇଛି!
ଏଠାରେ ଓଡ଼ିଶାର ଜନସାଧାରଣ ପ୍ରଶ୍ନ କରୁଛନ୍ତି:
• ଜଣେ ଏତେ ବଡ଼ ଉଚ୍ଚପଦସ୍ଥ ମହିଳା ଅଧିକାରୀଙ୍କ ପାଖରେ କଣ ସାମାନ୍ୟତମ ସୁନା ଗହଣା ନାହିଁ? ଚାଲନ୍ତୁ, ମାନିନେଲେ ଯେ ନଥାଇପାରେ।
• କିନ୍ତୁ ପ୍ରତି ମାସରେ ଲକ୍ଷାଧିକ ଟଙ୍କା ଦରମା ନେଉଥିବା ଜଣେ ବଡ଼ ଆଇଏଏସ୍ ଅଫିସରଙ୍କ ବ୍ୟାଙ୍କ ଆକାଉଣ୍ଟରେ କଣ ଟଙ୍କାଟିଏ ବି ବାଲାନ୍ସ ନାହିଁ? ବ୍ୟାଙ୍କ ବାଲାନ୍ସ ମଧ୍ୟ NIL?
ଏହାହିଁ ପ୍ରମାଣ କରୁଛି ଯେ ସେ ନିଜର ସମ୍ପତ୍ତି ଲୁଚାଉଛନ୍ତି। ଏନେଇ ପୂର୍ବରୁ ଅଭିଯୋଗ ହୋଇଥିଲା ଯେ ପାଣ୍ଡିଆନ ଦମ୍ପତି ତାଙ୍କ ସମ୍ପତ୍ତି ତାଲିକା ଲୁଚାଉଛନ୍ତି ଏବଂ ଉଭୟଙ୍କ ସମ୍ପତ୍ତିର ଉଚ୍ଚସ୍ତରୀୟ ଯାଞ୍ଚ କରାଯାଉ। କିନ୍ତୁ ଦୁର୍ଭାଗ୍ୟର କଥା, ତତ୍କାଳୀନ ନବୀନ ସରକାର କିମ୍ବା ବର୍ତ୍ତମାନର ବିଜେପି ସରକାର, କେହି ବି ଏହାର ତଦନ୍ତ କଲେ ନାହିଁ। ଉଭୟଙ୍କ ସମ୍ପତ୍ତି ଆଜି ବି ଏକ ବଡ଼ ରହସ୍ୟ। ଏଭଳି ଏକ ନିନ୍ଦନୀୟ ପରିସ୍ଥିତିରେ ଆମ ଶାସନ ବ୍ୟବସ୍ଥା ଚାଲିଛି।
୨୦୨୪ ନିର୍ବାଚନ ସମୟରେ ଏହି ବିଜେପି ନେତାମାନେ ହିଁ ଭୈରବ କାର୍ତ୍ତିକେୟନ ପାଣ୍ଡିଆନ ଓ ସୁଜାତା ରାଉତ କାର୍ତ୍ତିକେୟନଙ୍କ ବିରୋଧରେ ଦିନରାତି ଏକ କରି ଅଭିଯୋଗ କରୁଥିଲେ। ବିଜେପିର ଅଭିଯୋଗ ଆଧାରରେ ହିଁ ନିର୍ବାଚନ କମିଶନ ସୁଜାତା ରାଉତ କାର୍ତ୍ତିକେୟନଙ୍କୁ ବଦଳି କରିଥିଲେ। ସେହିପରି ବିଜେପି ତତ୍କାଳୀନ ଖୋର୍ଦ୍ଧା ଜିଲ୍ଲାପାଳ, ନିର୍ବାଚନ ଅଧିକାରୀ ତଥା ଦୁଇ ପ୍ରଭାବଶାଳୀ ଆଇପିଏସ୍ ଅଧିକାରୀ ଡିଏସ୍ କୁଟ୍ଟେ ଏବଂ ଆଶିଷ ସିଂହଙ୍କ ବିରୋଧରେ ଗୁରୁତର ଅଭିଯୋଗ ଆଣିଥିଲା, ଯାହା ପରେ ଉଭୟଙ୍କୁ ନିଲମ୍ବିତ କରାଯାଇଥିଲା।
କିନ୍ତୁ ନିର୍ବାଚନ ସରିବା ପରେ କଣ ହେଲା? ମାତ୍ର କିଛି ଦିନ ଭିତରେ ସେହି ଅଫିସରମାନଙ୍କୁ ପ୍ରମୋସନ୍ ବା ପଦୋନ୍ନତି ଦିଆଗଲା ଏବଂ ଡେପୁଟେସନ୍ରେ ପଠାଇ ଦିଆଗଲା! ନିର୍ବାଚନ କମିଶନଙ୍କ ସ୍ପଷ୍ଟ ଆଦେଶ ଥିବା ସତ୍ତ୍ୱେ ବର୍ତ୍ତମାନର ବିଜେପି ସରକାର ଡିଏସ୍ କୁଟ୍ଟେ ଏବଂ ଆଶିଷ ସିଂହଙ୍କ ବିରୋଧରେ କୌଣସି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରୁନାହାନ୍ତି। ଏଠାରେ ଆଇନ, କାନୁନ ଏବଂ ବିଧି ବ୍ୟବସ୍ଥାର ଧଜିଆ ଉଡ଼ାଯାଉଛି।
ବିଜେପି ସରକାର ଏବେ ସମ୍ପୂର୍ଣ୍ଣ ଭାବେ ପାଣ୍ଡିଆନ ସିଣ୍ଡିକେଟ୍ର ସମସ୍ତ ସଦସ୍ୟଙ୍କୁ ସୁରକ୍ଷିତ ରଖିଛି। ଯେଉଁ ବିଜେପି ଓଡ଼ିଶାରେ “ସୁଶାସନ” ଦେବାର ପ୍ରତିଶ୍ରୁତି ଦେଇ କ୍ଷମତାକୁ ଆସିଥିଲା, ଆଜି ସେହି ସରକାର କେମିତି ପଛ ଦୁଆର ଦେଇ ‘ଡିଲ୍’ ଏବଂ ‘ଲୁଟ୍’ କରୁଛି, ତାହା ଏହି ଘଟଣାରୁ ସ୍ପଷ୍ଟ ଜଣାପଡ଼ୁଛି।
ଓଡ଼ିଶାରେ ବର୍ତ୍ତମାନ ଯେଉଁ ଶାସନ ଚାଲିଛି, ତାହା ପ୍ରକୃତରେ ବିଜେପି ଓ ବିଜେଡିର ଏକ ଅଘୋଷିତ ମେଣ୍ଟ ସରକାର। ସେଥିପାଇଁ ତାମିଲନାଡ଼ୁ ନିବାସୀ ପାଣ୍ଡିଆନ ଦମ୍ପତିଙ୍କ ଉପରେ କୌଣସି କାର୍ଯ୍ୟାନୁଷ୍ଠାନ ହେଉନାହିଁ। ସୂତ୍ର ଅନୁସାରେ, ୨୦୨୪ ନିର୍ବାଚନ ସମୟରେ ହିଁ ବିଜେପି ଏବଂ ବିଜେଡି-ପାଣ୍ଡିଆନଙ୍କ ସହିତ ମେଣ୍ଟ କରି ସରକାର ଗଢ଼ିବା ପାଇଁ ସମସ୍ତ ବ୍ୟବସ୍ଥା ଭିତରେ ଭିତରେ ହୋଇସାରିଥିଲା।
ବରିଷ୍ଠ ବିଜେପି ନେତା ତଥା କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହାଙ୍କ ସହିତ ଭୈରବ କାର୍ତ୍ତିକେୟନ ପାଣ୍ଡିଆନଙ୍କର ଏକ ଗୁପ୍ତ ବୈଠକ ହୋଇଥିଲା। ଆଉ ସେହି ଗୁପ୍ତ ବୈଠକର ସଂକେତ ହିସାବରେ ହିଁ ଆଜି ଓଡ଼ିଶାର ରାଜନୀତି ଏବଂ ସମ୍ପୂର୍ଣ୍ଣ ଶାସନତନ୍ତ୍ର ଚାଲିଛି। ଦୁର୍ନୀତିଗ୍ରସ୍ତ ଏବଂ ମାଫିଆଙ୍କ ଅଣ୍ଟା ଭାଙ୍ଗିବା ପାଇଁ ମଞ୍ଚ ଉପରେ ବଡ଼ ବଡ଼ ଭାଷଣ ଦେଉଥିବା ବିଜେପି, ପ୍ରଥମେ ଭୈରବ କାର୍ତ୍ତିକେୟନ ପାଣ୍ଡିଆନଙ୍କ ସହିତ ରାଜନୀତି କଲା ଏବଂ ବର୍ତ୍ତମାନ ସୁଜାତା ରାଉତ କାର୍ତ୍ତିକେୟନଙ୍କ ସହିତ ରାଜନୀତି କରିବାକୁ ଯାଉଛି। ଆଶ୍ଚର୍ଯ୍ୟ ହେବେ ନାହିଁ, ଯଦି ଆଗାମୀ ଦିନରେ ଏମାନେ ସମସ୍ତେ ମିଶିକି ସରକାର ଗଢ଼ିବେ! ଏହାଠାରୁ ଚମତ୍କାର ଓ ସ୍ୱାର୍ଥପର ରାଜନୀତି ଆଉ କଣ ହୋଇପାରେ? ନିଜ ସ୍ୱାର୍ଥ ଏବଂ କ୍ଷମତା ପାଇଁ ଏହି ନେତାମାନେ ଜନତାଙ୍କ ବିଶ୍ୱାସ ସହ କିଛି ବି ଖେଳ ଖେଳିପାରନ୍ତି।
ବର୍ତ୍ତମାନ ମଧ୍ୟ ସମୟ ଅଛି। ବିଜେପି ସରକାର ନିଜର ଆଭିମୁଖ୍ୟ ବଦଳାଉ ଏବଂ ଓଡ଼ିଶାର ବାସ୍ତବ ବିକାଶ ଦିଗରେ କାମ କରୁ। ଓଡ଼ିଶାବାସୀଙ୍କୁ ନିର୍ବାଚନ ସମୟରେ ଯେଉଁ ସବୁ ପ୍ରତିଶ୍ରୁତି ଦିଆଯାଇଥିଲା, ତାକୁ ରକ୍ଷା କରାଯାଉ। ଓଡ଼ିଶାକୁ ଲୁଟ୍ କରିଥିବା ଦୁର୍ନୀତିଗ୍ରସ୍ତ ନେତା, ମନ୍ତ୍ରୀ, ଅଫିସର ଏବଂ ମାଫିଆଙ୍କ ବିରୋଧରେ କୌଣସି କୋହଳ ମନୋଭାବ ନଦେଖାଇ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ।
ଓଡ଼ିଶାର ଜନତା ଯେଉଁ ଆଶା, ଭରସା ଏବଂ ବିଶ୍ୱାସ ନେଇ ପରିବର୍ତ୍ତନ କରି ବିଜେପିକୁ କ୍ଷମତାକୁ ଆଣିଥିଲେ, ସେମାନଙ୍କ ସହିତ ଏଭଳି ଅନ୍ୟାୟ ଓ ବିଶ୍ୱାସଘାତକତା କରାଯାଉନାହିଁ। ମନେରଖନ୍ତୁ, ଯଦି ଜନତାଙ୍କ ସହ ପ୍ରତାରଣା ହେବ, ତେବେ ଇତିହାସ କେବେ କ୍ଷମା କରିବ ନାହିଁ ଏବଂ ଆଗାମୀ ଦିନରେ ଓଡ଼ିଶାର ଜନସାଧାରଣ ଏହାର କଡ଼ା ଜବାବ ଦେବେ।
AlsoRead; https://purvapaksa.com/beggar-pakistans-nuclear-threat/
ଭିକାରୀ ପାକିସ୍ତାନର ପରମାଣୁ ଧମକ || Beggar Pakistan’s nuclear threat
