ରୁଷିଆ ଆମେରିକାକୁ ବଡ଼ ଝଟକା ଦେଇଛି । ମେଟା କମ୍ପାନୀର ଏକ ପ୍ରମୁଖ ପ୍ଲାଟଫର୍ମ ହ୍ୱାଟ୍ସଆପ୍କୁ ରୁଷିଆରେ ପୂର୍ଣ୍ଣ ବ୍ୟାନ୍ କରାଯାଇଛି । ମୋସ୍କୋ ସରକାର ଏହି ନିଷ୍ପତ୍ତିକୁ ନିଶ୍ଚିତ କରିଛି ଯେ, ମେଟା ଦେଶର ଆଇନକୁ ମାନିନଥିବାରୁ ଏହି ପ୍ରତିବନ୍ଧକ ଲାଗୁ କରାଯାଇଛି। ରୁଷର ପ୍ରବକ୍ତା ଦିମିତ୍ରୀ ପେସକୋବ ଏକ ମିଡିଆ ପ୍ଲାଟଫର୍ମରେ କହିଛନ୍ତି ଯେ ମେଟା ଆଇନ ପାଳନ ନ କରିଥିବାରୁ ହ୍ୱାଟ୍ସଆପ୍କୁ ପ୍ରତିବନ୍ଧିତ ହୋଇଛି। ସେ ଲୋକମାନେ MAX ନାମକ ଏକ ସ୍ଥାନୀୟ ମେସେଞ୍ଜର ପ୍ଲାଟଫର୍ମ ବ୍ୟବହାର କରିବାକୁ ପ୍ରେରଣା ଦେଇଛନ୍ତି, ଯାହାକୁ ସେ ରୁଷର ଜନସାଧାରଣଙ୍କ ପାଇଁ ଉତ୍ତମ ବିକଳ୍ପ ବୋଲି ମନେ କରନ୍ତି।
MAX ପ୍ଲାଟଫର୍ମ ଉପରେ ବ୍ୟବହାରକାରୀଙ୍କୁ ତଦାରଖ କରିବାର ଅନୁମତି ମିଳିଥିବା ବିଷୟରେ ମଧ୍ୟ ଜଣାଇଛନ୍ତି, ଯାହା ସମାଲୋଚକଙ୍କ ମତେ ଏହା ଏକ ନୀରିକ୍ଷଣ ଆପ୍ ଭାବେ କାର୍ଯ୍ୟ କରୁଛି।ଏହି ନିଷ୍ପତ୍ତିକୁ ରୁଷର ସରକାରୀ ଅଧିକାରୀମାନେ ସମର୍ଥନ କରିଛନ୍ତି, ସହିତେ କହିଛନ୍ତି ଯେ ଏହି ପ୍ଲାଟଫର୍ମ ସରକାରୀ କାର୍ଯ୍ୟକୁ ସହଜ କରିବାରେ ସାହାଯ୍ୟ କରିବ ଓ ନାଗରିକଙ୍କ ଦୈନନ୍ଦିନ କାର୍ଯ୍ୟରେ ଉପକୃତ ହେବ।
ଏହି ଘଟଣା ଆସିଥିବା ସମୟରେ ଆମେରିକା ୟୁକ୍ରେନ ଯୁଦ୍ଧକୁ ନେଇ ରୁଷିଆ ବିରୋଧରେ ଚାପ ବଢାଇଥିଲା। ଏହି ଚାପ ମଧ୍ୟରେ ରୁଷିଆ ସ୍ୱୟଂର “ସାର୍ବଭୌମ ଯୋଗାଯୋଗ ଭିତ୍ତିଭୂମି” ବିକାଶ କରିବାରେ ଲାଗିଛି। ହ୍ୱାଟସଆପରେ ପ୍ରତିବନ୍ଧକ ଏହି ବିକାଶ ପ୍ରକ୍ରିୟାର ଏକ ଅଂଶ ଭାବରେ ଦେଖାଯାଉଛି। ରୁଷିଆ ସରକାର ବିଦେଶୀ ଟେକ୍ କମ୍ପାନୀମାନଙ୍କୁ ନିରନ୍ତର ଆଇନ ପାଳନ କରିବା ପାଇଁ ଚାପ ଦେଉଛି, ଯାହା ଫଳରେ ରୁଷିଆରେ ବର୍ତ୍ତମାନ କେହି ହ୍ୱାଟ୍ସଆପ୍କୁ ବ୍ୟବହାର କରିପାରୁନାହାନ୍ତି। ଅନ୍ୟପଟେ, ଏହି ନିଷେଧ ପରେ ମୋସ୍କୋର ଜାତୀୟ ପଞ୍ଜିକାରରୁ ହ୍ୱାଟ୍ସଆପ୍କୁ ସହିତ ଜଡିତ କିଛି ଡୋମେନ୍ ନାମକୁ ହଟାଇ ଦିଆଯାଇଛି। ତଥାପି VPN ମାଧ୍ୟମରେ ହ୍ୱାଟସଆପ୍ ବ୍ୟବହାର କରାଯାଇପାରିବାର ସୁଯୋଗ ରହିଛି।
also read https://purvapaksa.com/civil-service/
ଦେଶରେ କେତେ ଜଣ IAS-IPS ଏବଂ IFS ଅଧିକାରୀ SC-ST ଏବଂ OBC ସମ୍ପ୍ରଦାୟର ।। Civil service
