Author: TRUPTIMAYEE SAHOO

ନୂଆପଡ଼ା ଉପନିର୍ବାଚନର ଫଳାଫଳ ଆସିଗଲା। ଫଳାଫଳ ମାତ୍ର ଘାସିରାମ ମାଝୀଙ୍କ ଭବିଷ୍ୟତ ନୁହେଁ, ସମଗ୍ର ଓଡ଼ିଶା ପ୍ରଦେଶ କଂଗ୍ରେସ କମିଟି (ପିସିସି)ର ନେତୃତ୍ୱ ଉପରେ ପୁନର୍ବିଚାର କରିବାକୁ ବାଧ୍ୟ କରିଛି। ଘାସିରାମ ମାଝୀଙ୍କ ହାର ଏବେ କେବଳ ନୂଆପଡ଼ା ନୁହେଁ- ସମଗ୍ର ଓଡ଼ିଶାରେ ଭକ୍ତ ଦାସଙ୍କ ନେତୃତ୍ୱ ଉପରେ ମଧ୍ୟ ପ୍ରଶ୍ନ ଉଠାଇଛି। ନିର୍ବାଚନ ଫଳାଫଳ: ତୃତୀୟ ସ୍ଥାନରେ କଂଗ୍ରେସ ନୂଆପଡ଼ାରେ ଏଥର ଭୋଟ ଗଣନା ଫଳ ଆସିବା ସହିତ ଯେପରି ଚିତ୍ର ଦେଖାଗଲା, ତାହା କଂଗ୍ରେସ ପାଇଁ ଅତ୍ୟନ୍ତ ନିରାଶାଜନକ। କଂଗ୍ରେସ ପ୍ରାର୍ଥୀ ଘାସିରାମ ମାଝୀ ମାତ୍ର ୪୦ ହଜାର ଭୋଟ ଭିତରେ ସୀମିତ ହେଲେ, ଯେଉଁଠାରେ ୨୦୨୪ ଲୋକସଭା ନିର୍ବାଚନରେ ସେ ସ୍ୱାଧୀନ ପ୍ରାର୍ଥୀ ହୋଇ ୫୦ ହଜାରରୁ ଅଧିକ ଭୋଟ ପାଇଥିଲେ ଓ ଦ୍ୱିତୀୟ ସ୍ଥାନରେ ଥିଲେ। ଅର୍ଥାତ୍, ଦଳୀୟ ଟିକଟ ମିଳିବା ସତ୍ତ୍ୱେ ମାଝୀଙ୍କ ଭୋଟ ୧୦ ହଜାର କମିଗଲା। ଏହାର ଅର୍ଥ ହେଉଛି- ଦଳୀୟ…