କୌଣସି ପ୍ରସବ ସହଜ ନୁହେଁ, ତାହା ସାଧାରଣ ପ୍ରସବ ହେଉ କିମ୍ବା ସିଜରିଆନ୍ ସେକ୍ସନ । ଉଭୟ ପରିସ୍ଥିତିରେ ମହିଳାମାନେ ଯନ୍ତ୍ରଣା, କଷ୍ଟ ଏବଂ ଦୈନିକ ଅସୁବିଧାର ସମ୍ମୁଖୀନ ହୁଅନ୍ତି। ତଥାପି, ସିଜରିଆନ୍ ଡେଲିଭରି ପରେ ଗୋଟିଏ ନିର୍ଦ୍ଦିଷ୍ଟ କାର୍ଯ୍ୟ ଅଛି ଯାହା ନୂତନ ମା’ମାନଙ୍କୁ ସବୁଠାରୁ ଅଧିକ ଯନ୍ତ୍ରଣା ଏବଂ କଷ୍ଟ ଦିଏ। କେତେକ ସମୟରେ, ଯନ୍ତ୍ରଣା ଏତେ ତୀବ୍ର ହୋଇଥାଏ ଯେ ସେମାନେ କଷ୍ଟରେ ଛାଟିପିଟି ହୁଅନ୍ତି ।
ଡକ୍ଟର ଆକାଂକ୍ଷା ଶ୍ରୀବାସ୍ତବ ଏହି ପର୍ଯ୍ୟବେକ୍ଷଣ ସହିତ ସହମତ । ସେ ଏହି ସମୟରେ ମହିଳାମାନଙ୍କର ଭାବନାକୁ ବୁଝିବାକୁ ଏବଂ ସେମାନଙ୍କୁ ଭାବପ୍ରବଣ ସମର୍ଥନ ପ୍ରଦାନ କରିବାକୁ ମଧ୍ୟ ଲୋକଙ୍କୁ ଅନୁରୋଧ କରିଛନ୍ତି । ଆସନ୍ତୁ ଏହି ପରିସ୍ଥିତିକୁ ଥରେ ଭଲ ଭାବରେ ଦେଖିବା :-
ସିଜରିଆନ୍ ଡେଲିଭରି ପରେ ଗୋଟିଏ କାର୍ଯ୍ୟ ତୀବ୍ର ଯନ୍ତ୍ରଣାର କାରଣ ହୁଏ
ସ୍ତ୍ରୀରୋଗ ବିଶେଷଜ୍ଞ ଡକ୍ଟର ଆକାଂକ୍ଷା ଶ୍ରୀବାସ୍ତବ କହିଛନ୍ତି ଯେ,”ସିଜରିଆନ୍ ଡେଲିଭରି ପରେ ନୂତନ ମା’ମାନଙ୍କ ପାଇଁ, ସବୁଠାରୁ କଷ୍ଟକର ଅଂଶ କେବଳ ଅସ୍ତ୍ରୋପଚାର, ରକ୍ତସ୍ରାବ, ଷ୍ଟିଚ୍ ଯନ୍ତ୍ରଣା କିମ୍ବା ସ୍ତନ୍ୟପାନ ନୁହେଁ । ତାଙ୍କ ମତରେ, “ସି-ସେକ୍ସନ ହୋଇଥିବା ଅନେକ ମା’ଙ୍କ ପାଇଁ ସବୁଠାରୁ ଚ୍ୟାଲେଞ୍ଜିଂ ମୁହୂର୍ତ୍ତ ହେଉଛି ଯେତେବେଳେ ‘ୟୁରିନାରୀ କ୍ୟାଥେଟର’ ବାହାର କରିଦିଆଯାଏ ଏବଂ ସେମାନଙ୍କୁ ପ୍ରଥମ ଥର ପାଇଁ ପରିସ୍ରା କରିବାକୁ ପଡ଼ିଥାଏ କିମ୍ବା ଝାଡ଼ା ଯିବାକୁ ପଡ଼ିଥାଏ।”
କେବଳ ସି-ସେକ୍ସନ କରାଇଥିବା ମା’ମାନେ ହିଁ ପ୍ରକୃତରେ ଏହାକୁ ଅନୁଭବ କରିପାରିବେ
ଡାକ୍ତର ଆହୁରି କହିଛନ୍ତି ଯେ ସେହି ମୁହୂର୍ତ୍ତରେ,”ନୂତନ ମା’ ତାଙ୍କ ପେଟରେ ଟାଣିବା ଏବଂ ସିଲାଇରେ ଯନ୍ତ୍ରଣା ଅନୁଭବ କରନ୍ତି । ଫଳସ୍ୱରୂପ, ମହିଳାମାନେ ପରିସ୍ରା କରିବା କିମ୍ବା ମଳତ୍ୟାଗ କରିବା କାର୍ଯ୍ୟକୁ ଭୟ କରିବାକୁ ଆରମ୍ଭ କରନ୍ତି । ସିଜରିଆନ୍ ପ୍ରସବ କରିଥିବା ମହିଳା ହିଁ ପ୍ରକୃତରେ ଏହି ପରିସ୍ଥିତିକୁ ବୁଝିପାରିବେ।”
ସି-ସେକ୍ସନ ପରେ ପ୍ରଥମ ଥର ପାଇଁ ପରିସ୍ରା କିମ୍ବା ମଳତ୍ୟାଗ କରିବା କଷ୍ଟକର
ବିଶେଷଜ୍ଞ ଉଲ୍ଲେଖ କରିଛନ୍ତି ଯେ ,’ଅନେକ ମହିଳାଙ୍କ ପାଇଁ ସିଜରିଆନ୍ ସେକ୍ସନ ପରେ ପ୍ରଥମ ଥର ପାଇଁ ପରିସ୍ରା କିମ୍ବା ମଳତ୍ୟାଗ କରିବା ସବୁଠାରୁ କଷ୍ଟକର ଏବଂ ଚାପପୂର୍ଣ୍ଣ ଅଭିଜ୍ଞତା। ପ୍ରାୟତଃ, ଲୋକମାନେ ଏହି ସମୟ ମଧ୍ୟରେ ବଳବାନ ହୁଅ ; ଏତେ ଭୟ କାହିଁକି ,କିଛି ସାହସ ଦେଖାଅ ପରି କଥାଗୁଡ଼ିକ ମଜାରେ କୁହନ୍ତି।’ ତଥାପି, ବାସ୍ତବତା ହେଉଛି ଯେ ମହିଳା ଜଣକ ପୂର୍ବରୁ ବହୁତ ସହ୍ୟ କରୁଛନ୍ତି।
ନୂଆ ମାଆଙ୍କ ଭାବନାକୁ ବୁଝନ୍ତୁ
ତାଙ୍କ କଷ୍ଟକୁ କମ୍ ବୋଲି କହିବା ପରିବର୍ତ୍ତେ, ଲୋକମାନେ ତାଙ୍କ ଭାବନାକୁ ବୁଝିବାକୁ ଚେଷ୍ଟା କରିବା ଉଚିତ। ତାଙ୍କୁ ଏହା ବିଶ୍ୱାସ ଦେବା ଦରକାର ଯେ ଯାହା କିଛି ବି ଅସୁବିଧା ଚାଲିଛି ତାହା ସବୁ,କିନ୍ତୁ ଧୀରେ ଧୀରେ ସ୍ୱାଭାବିକ ହୋଇଯିବ।
ଦେଖନ୍ତୁ ସମ୍ପୂର୍ଣ୍ଣ ଭିଡିଓ
View this post on Instagram
