Author: TRUPTIMAYEE SAHOO

ରାଜ୍ୟ ରାଜନୀତିରେ ଏବେ ଏକ ବଡ଼ ଚର୍ଚ୍ଚା ଜୋର ଧରିଛି। ବିଜୁ ଜନତା ଦଳ ବା ବିଜେଡିର ଆଭ୍ୟନ୍ତରୀଣ ରାଜନୈତିକ କରିଡରରେ ଏବେ ଗୋଟିଏ ମାତ୍ର ପ୍ରଶ୍ନ ବାରମ୍ବାର ଘୁରି ବୁଲୁଛି—ସେ ପ୍ରଶ୍ନଟି ହେଲା, ବବିଙ୍କୁ ଡରୁଛନ୍ତି କି ସୁଜାତା? ପୁଣିଥରେ କ’ଣ ପ୍ରଣବ ପ୍ରକାଶ ଦାସ ଅର୍ଥାତ୍ ବବି ଦାସ ବିଜେଡିରେ ସେହି ପୁରୁଣା ଫର୍ମକୁ ଫେରିବେ, ନା ଏହି ଇର୍ଷାପରାୟଣ ରାଜନୀତିର ଶିକାର ହୋଇ ଖତ ହୋଇଯିବେ? ଏଭଳି ପ୍ରଶ୍ନ ଆଜି କାହିଁକି ଉଠୁଛି? ନିର୍ବାଚନ ସରିବା ପରଠାରୁ ବବି ଦାସ ସମ୍ବଲପୁରରୁ ହାରିବା ଏବଂ ତାଙ୍କ ମାଆ କୋରେଇରୁ ପରାସ୍ତ ହେବା ପରେ, ରାଜ୍ୟ ରାଜନୀତିରେ ତାଙ୍କର ସେହି ଆଖିଦୃଶିଆ ସକ୍ରିୟତା ଆଉ ଦେଖିବାକୁ ମିଳୁନାହିଁ କାହିଁକି? ଯାଜପୁର ଜିଲ୍ଲାରେ ସେ ନିଜ ସଂଗଠନକୁ ମଜବୁତ କରିବାରେ ବ୍ୟସ୍ତ ଅଛନ୍ତି ବୋଲି ଯେଉଁ କଥା କୁହାଯାଉଛି, ତାହା ପଛର ପ୍ରକୃତ ସତ୍ୟ କ’ଣ?  ଯେବେଠାରୁ ୨୦୨୪ ସାଧାରଣ…