ବିଜୁ ଜନତା ଦଳ ରାଜନୀତିର ଗୋଟିଏ ପର୍ଯ୍ୟାୟ ଅସ୍ତ ହେବାକୁ ପ୍ରସ୍ତୁତ ହେଉଥିବାବେଳେ ଆଉ ଗୋଟିଏ ପର୍ଯ୍ୟାୟ ଉଦୟ ହେବାକୁ ମୁଣ୍ଡ ଟେକୁଛି। ପ୍ରାୟ ଦୁଇ ଦଶନ୍ଧି ଧରି ବିଜେଡିର ଅବିବାଦିତ ନେତା ଏବଂ ରାଜ୍ୟର ସବୁଠାରୁ ପ୍ରଭାବଶାଳୀ ରାଜନେତା ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉତ୍ତରାଧିକାରୀ କିଏ ହେବ?—ଏହି ପ୍ରଶ୍ନ ପୁଣିଥରେ ଚର୍ଚ୍ଚାର କେନ୍ଦ୍ରବିନ୍ଦୁ ହୋଇଉଠିଛି। କାରଣ? ଦଳର ବରିଷ୍ଠ ଉପସଭାପତି ଏବଂ ନବୀନ–ପାଣ୍ଡିଆନ କ୍ୟାମ୍ପର ‘ଇନସାଇଡ୍ ଅର୍ଗାନ’ ବୋଲି ଗଣାଯାଉଥିବା ଦେବୀ ପ୍ରସାଦ ମିଶ୍ରଙ୍କ ଏକ ମନ୍ତବ୍ୟ ଦେଇଛନ୍ତି।
ସେ ମନ୍ତବ୍ୟଟି ହେଲା-
ସୁଜାତା ରାଉତ କାର୍ତ୍ତିକେୟନଙ୍କ ବିଜେଡିରେ ଯୋଗଦାନ ବା ତାଙ୍କୁ ଉଚ୍ଚଦାୟିତ୍ୱ ଦେବା ବିଷୟରେ ନବୀନ ପଟ୍ଟନାୟକ ଡିସେମ୍ବର ପ୍ରଥମ ସପ୍ତାହରେ ନିଷ୍ପତ୍ତି ନେଇପାରନ୍ତି। ଏହି ଏକମାତ୍ର ବାକ୍ୟ ଗୋଟେ ବିସ୍ଫୋରକ ପ୍ରସଙ୍ଗ ହୋଇଛି। ଏହା ଏବେ ବିଜେଡି–ଘରରୁ ଆରମ୍ଭ କରି ରାଜ୍ୟର ପଲିଟିକାଲ୍ ସର୍କଲ ପର୍ଯ୍ୟନ୍ତ ବ୍ୟାପିବାରେ ଲାଗିଛି। ଏହାର ପ୍ରଭାବରେ ପ୍ରଚଣ୍ଡ ରାଜନୈତିକ ତରଙ୍ଗ ଖେଳୁଛି। ଏବେ ପ୍ରଶ୍ନ ହେଉଛି- ଦେବୀ ମିଶ୍ର କ’ଣ ଆଗରୁ କେଉଁ କଥା କୁହାଯିବ ସେ ଲାଇନ୍ ପାଇଛନ୍ତି? ନା ଏହା ନବୀନଙ୍କୁ ମିଛୁଆ ପ୍ରମାଣିତ କରିଦେବା ପାଇଁ ମନ୍ତବ୍ୟ ଯାହାକି ଗୋଟିଏ ଗୋଷ୍ଠୀ ଚାହୁଛନ୍ତି?
ବିଜେଡିର ବରିଷ୍ଠ ଉପସଭାପତି ଦେବୀ ମିଶ୍ରଙ୍କ ସାମ୍ପ୍ରତିକ ମତାମତ ଓ ତାହାର ରାଜନୀତିକ ସଙ୍କେତ ବିଜେଡି ଭିତରେ ନୂତନ ଚର୍ଚ୍ଚା, ନୂତନ ଆଶା ଓ ନୂତନ ଆଶଙ୍କା ସୃଷ୍ଟି କରିଛି। ତାଙ୍କ କଥା ଅନୁସାରେ—ସୁଜାତା ରାଉତ କାର୍ତ୍ତିକେୟନ ଡିସେମ୍ବରରେ ବିଜେଡିରେ ଯୋଗଦାନ କରି ସର୍ବାଧିକ ସମ୍ଭାବନାରେ ଯୁବ–କେନ୍ଦ୍ରିତ “କାର୍ଯ୍ୟକାରୀ ସଭାପତି” ଭୂମିକାରେ ଉଭା ହୋଇପାରନ୍ତି। ଏହା କେବଳ ଏକ ରାଜନୀତିକ ଲାଭ–ହାନିର ପ୍ରଶ୍ନ ନୁହେଁ। ଏହା ଅସଲରେ ବିଜେଡିର ଭବିଷ୍ୟତ ପଥଚିତ୍ର, ନବୀନ ପଟ୍ଟନାୟକଙ୍କ ଯୁଗ ପରେ ନୂତନ ରାଜନୀତିକ ମୁହଁ ଓ ଦଳ ଭିତରରେ ଶକ୍ତି ସଂରଚନାର ପରିବର୍ତ୍ତନ ସମ୍ପର୍କୀୟ ପ୍ରମୁଖ ପ୍ରଶ୍ନ ଉଠାଉଛି। ନୂଆପଡ଼ା ଉପନିର୍ବାଚନର ଭାରୀ ପରାଜୟ ପରେ ବିଜେଡି–ଭିତରୁ ବାହାରୁ-ସବୁଠି- ଗୋଟିଏ କଥା ଉଠିଛି: “ନବୀନଙ୍କ କରିସ୍ମା କମିଗଲା- ଏବେ ଦଳକୁ ରକ୍ଷା କରିବେ ଯୁବ ମୁହଁ।”
ଏହି ସମୟରେ ସୁଜାତାଙ୍କ ନାମ ଉଠିବା ଏବଂ ଦେବୀ ମିଶ୍ରଙ୍କ ସୂଚନାରେ ସେହି ଅନୁମାନ ଏବେ ପ୍ରାୟ ନିଶ୍ଚିତତାର ଦିଗକୁ ଯାଇପହଞ୍ଚିଛି। କିନ୍ତୁ ପ୍ରଶ୍ନ ହେଉଛି- ସୁଜାତାଙ୍କ ଆଗମନ ବିଜେଡିକୁ ଏକତ୍ର କରିବ? ନା ଦଳକୁ ଆଉ ଭାଙ୍ଗିଦେବ? ନବୀନଙ୍କ ଉତ୍ତରାଧିକାରୀ: ଦୁଇ ଦଶନ୍ଧିର ଅସ୍ପଷ୍ଟତା । ନବୀନ ପଟ୍ଟନାୟକଙ୍କୁ ଯେତେବେଳେ ‘ଆପଣଙ୍କ ପରେ କିଏ ବୋଲି ପ୍ରଶ୍ନ ହୋଇଛି, ସେ ସବୁବେଳେ ଗୋଟିଏ ଉତ୍ତର ଦେଇଆସୁଛନ୍ତି- “ଓଡ଼ିଶାର ଲୋକମାନେ ମୋର ଉତ୍ତରାଧିକାରୀ ଚୟନ କରିବେ।” କିନ୍ତୁ ଏହି ଉତ୍ତର ନବୀନଙ୍କ କର୍ମକୁଶଳତା, ଦଳର ଅନ୍ତର୍ନିହିତ ରାଜନୀତି ଓ ଭବିଷ୍ୟତ ପାଇଁ ତତ୍ପରତା- କୌଣସି ପ୍ରସଙ୍ଗକୁ ସ୍ପଷ୍ଟ କରିନଥିଲା।
୨୦୨୪ ନିର୍ବାଚନ ଆସିବା ପର୍ଯ୍ୟନ୍ତ ଅନେକଙ୍କ ମନରେ ଏହା ଥିଲା- ପାଣ୍ଡିଆନ ଦମ୍ପତ୍ତି; ବିଶେଷକରି ଭୈରବ କାର୍ତ୍ତିକେୟନ ପାଣ୍ଡିଆନ ହେଉଛନ୍ତି ନବୀନଙ୍କ ଅନୌପଚାରିକ ଉତ୍ତରାଧିକାରୀ। କିନ୍ତୁ ୨୦୨୪ରେ ନିର୍ବାଚନୀ ଦୁର୍ଭାଗ୍ୟ ଭୋଟ୍ ଅଧାରୁ ଦେଖିବା ପରେ ଯେତେବେଳେ ନବୀନ ପଟ୍ଟନାୟକ ଘୋଷଣା କଲେ- “ପାଣ୍ଡିଆନ ମୋର ଉତ୍ତରାଧିକାରୀ ନୁହଁନ୍ତି” ସେତେବେଳକୁ ଦଳ ନିର୍ବାଚନରେ ହାରି ଯାଇଥିବା ସ୍ପଷ୍ଟ ହୋଇଯାଇଥିଲା।
ସେହି ସମୟରେ ବିଜେଡିର ପୂର୍ବତନ ସାଂସଦ ତଥା ଧରିତ୍ରୀ ସମ୍ପାଦକ ତଥାଗତ ସତପଥିଙ୍କ କହିଥିଲେ- “ଏହି ଉକ୍ତି ବହୁତ ବିଳମ୍ବ ହୋଇଗଲା।” ଏହା ଏକ ଗଭୀର ସତ୍ୟ; ଆଇନା ଭଳି ମନ୍ତବ୍ୟ ହୋଇଥିଲା।
ଏବଂ ତାହାପରେ-ପରିଣାମ ଆମେ ସବୁ ଦେଖିଲେ- ବିଜେଡି ଇତିହାସରେ ସବୁଠାରୁ ବଡ଼ ପରାଜୟ ଭୋଗିଲା ଦଳ ଓ ଏହାର ନେତା ନବୀନ ପଟ୍ଟନାୟକ। ପାଣ୍ଡିଆନ ଦମ୍ପତ୍ତିଙ୍କୁ ନେଇ ଦଳରେ ଅସନ୍ତୋଷ-ନବୀନ ଅସହଜ
ନବୀନ–ପାଣ୍ଡିଆନ ସମ୍ପର୍କ ବିଜେଡି ଭିତରେ ଏକ ବିତର୍କର ବିଷୟ। ଅନେକ ନେତା ମନେକରନ୍ତି- ଦଳର ସମସ୍ତ ନିଷ୍ପତ୍ତି ପାଣ୍ଡିଆନଙ୍କ ଦ୍ୱାରା କଣ୍ଟ୍ରୋଲ୍ ହେଉଛି।
ଏହାକୁ ନେଇ-
• ଦଳର ପୁରୁଣା, ଆଦର୍ଶପରାୟଣ ନେତା
• ଗ୍ରାସରୁଟ୍ସ କର୍ମୀ
• ଜିଲ୍ଲା ପର୍ଯ୍ୟାୟର ସଂଗଠନ
ସମସ୍ତଙ୍କ ମଧ୍ୟରେ ଅସନ୍ତୋଷର ଧାରା ଆଗାମୀ ପୀଢ଼ିର କର୍ମୀ ଓ ନେତାମାନଙ୍କ ମନରେ ବଢ଼ିବାରେ ଲାଗିଛି।
ନବୀନ ଏହାକୁ ଭଲଭାବରେ ବୁଝିଛନ୍ତି।
ସେଥିପାଇଁ ସେ ପାଣ୍ଡିଆନ କିମ୍ବା ତାଙ୍କ ପତ୍ନୀ ସୁଜାତା ରାଉତ କାର୍ତ୍ତିକେୟନଙ୍କ ମଧ୍ୟରୁ ଜଣକୁ ଉତ୍ତରାଧିକାରୀ ଘୋଷଣା କରିବା ଯୋଗ୍ୟ ବୋଲି ସାମାଜିକ ଭାବେ କହିପାରୁ ନାହାନ୍ତି।
• ଫଳରେ,
• ଦଳରେ ନିର୍ଦ୍ଦେଶହୀନତା
• ନେତାମାନଙ୍କ ମଧ୍ୟରେ ଦ୍ୱନ୍ଦ୍ୱ
• ରାଜ୍ୟର ମତଦାତାଙ୍କ ଭିତରେ ଅନିଶ୍ଚିତତା
• ଏକ ଗଭୀର ରାଜନୀତିକ ଶୂନ୍ୟତା ସୃଷ୍ଟି କରିଛି।
ଦେବୀ ପ୍ରସାଦ ମିଶ୍ରଙ୍କ ମନ୍ତବ୍ୟ ନିଜସ୍ୱ ନା ଏକ ଅନୁମତିପ୍ରାପ୍ତ ଆଉଟ୍–ପୁଟ୍?
ଦେବୀ ପ୍ରସାଦ ମିଶ୍ର କେବଳ ଜଣେ ବରିଷ୍ଠ ନେତା ନୁହଁନ୍ତି।
ସେ ନବୀନ ନିବାସର ଜଣେ ‘ବିଶ୍ୱାସର ପାତ୍ର’।
ଯେଉଁଠାରେ ନବୀନ ନିବାସର ଅନୁମତି ବିନା ଦେବୀ ମିଶ୍ରଙ୍କ ମୁହଁରୁ କୌଣସି ରାଜନୀତିକ ବାକ୍ୟ ବାହାରେ ନାହିଁ।
କିନ୍ତୁ, ସେ କହିଲେ- “ସୁଜାତା ରାଉତଙ୍କ ବିଷୟରେ ନବୀନ ଡିସେମ୍ବରରେ ନିଷ୍ପତ୍ତି ନେଇପାରନ୍ତି।”
ତାହାର ଅର୍ଥ:
(କ) ନବୀନ–ପାଣ୍ଡିଆନ କ୍ୟାମ୍ପରୁ ଏହା ଏକ ସଂକେତ
(ଖ) ସୁଜାତା ରାଉତ କାର୍ତ୍ତିକେୟନଙ୍କ ସପକ୍ଷରେ ସୁଚିନ୍ତିତ ରଣନୀତି
(ଗ) ଦଳର ଭିତରେ ବିଜେଡି ପୁନର୍ଗଠନର ପ୍ରଥମ ସିଗ୍ନାଲ୍
ସବୁଠାରୁ ମହତ୍ତ୍ୱପୂର୍ଣ୍ଣ ହେଲା-
ସେ କହିଥିବା କଥା- ନବୀନ ନିବାସରୁ ଅନୁମତି ପାଇ ସଞ୍ଚାରିତ ହୋଇଛି ବୋଲି ରାଜନୀତିକ ମହଲର ମତ।
ଏଥିରୁ ଦୁଇଟି ଭିନ୍ନ ଅର୍ଥ ବାହାରୁଥାଏ- ତେବେ ନବୀନ ମିଛ କହିଥିଲେ କି?
ଯଦି ନବୀନ ପାଣ୍ଡିଆନକୁ ତାଙ୍କର ଉତ୍ତରାଧିକାରୀ କୁହିବାକୁ ଚାହୁଁ ନାହାନ୍ତି ତାଙ୍କ ସ୍ଥାନରେ ଏବେ ସୁଜାତା ରାଉତ କାର୍ତ୍ତିକେୟନଙ୍କୁ ଦଳର ଉଚ୍ଚସ୍ଥାନରେ ଆଣିବାକୁ ଯୋଜନା କରୁଛନ୍ତି କି?
ତାହେଲେ ପ୍ରଶ୍ନ ହେଲା-
ନବୀନ ପଟ୍ଟନାୟକ ପୂର୍ବରୁ ଲୋକଙ୍କୁ ମିଛ କହିଥିଲେ କି?
ଯଦି ନୁହେଁ-
ତେବେ ଦେବୀ ପ୍ରସାଦ ମିଶ୍ର ନବୀନଙ୍କୁ ମିଛୁଆ ପ୍ରମାଣିତ କରିବାକୁ କାହିଁକି ଏହି ମନ୍ତବ୍ୟ ଦେଲେ?
ଏହା ଦଳ ଭିତରର ବିବାଦକୁ ଆହୁରି ବଢ଼ାଇ ଦେଇଛି।
ସୁଜାତା ରାଉତ କାହିଁକି? ଏବଂ କାହିଁକି ଏତେ ତୁରନ୍ତ?
ସୁଜାତା ରାଉତ କାର୍ତ୍ତିକେୟନ- ଯୁବ, ଏନର୍ଜେଟିକ୍, ସ୍ମାର୍ଟ, ଆଗ୍ରେସିଭ୍, ଏବଂ ସୋସିଆଲ୍ ମିଡିଆ–ପ୍ରିୟ।
ବିଜେଡି ଏବେ ଦୁଇଟି ବଡ଼ ସମସ୍ୟାରେ ଅଛି-
(୧) ଯୁବ–ଭୋଟର୍ କନେକ୍ସନ୍ ପୂରାପୂରି ଭାଙ୍ଗିଗଲା
(୨) ଦଳର ଗ୍ରାସରୁଟ୍ସ ଅର୍ଗାନାଇଜେସନ୍ ହ୍ରାସ ପାଇଛି
ଏହି ଖାଲିଜାଗା ପୂରଣ ପାଇଁ ସୁଜାତାଙ୍କ ପ୍ରୋଫାଇଲ୍ ଫିଟ୍ କରୁଛି।
ଅପରପକ୍ଷରେ ବିଜେପି ତରଫରୁ ଯୁବ ଓ ନୂଆ ନେତାଙ୍କ ଆକ୍ରମଣ ଓ କଂଗ୍ରେସର ନୂଆ ପ୍ରୟୋଗ ବିଜେଡିକୁ ଚାପରେ ରଖିଛି।
ଏପରି ପରିସ୍ଥିତିରେ ସୁଜାତାଙ୍କୁ ଦଳର କାର୍ଯ୍ୟକାରୀ ସଭାପତି କରିବାର ଚର୍ଚ୍ଚା ଗୁରୁତ୍ୱପୂର୍ଣ୍ଣ ହେଇଉଠିଛି।
ନୂଆପଡ଼ା ଉପ–ନିର୍ବାଚନ: ନବୀନଙ୍କ ପ୍ରଚାର ବି ଚମତ୍କାର କରିପାରିଲା ନାହିଁ
ଏହା ହେଉଛି ଏକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ସିଗ୍ନାଲ୍।
ନବୀନ ନିଜେ ନୂଆପଡ଼ା ଯାଇ ପ୍ରଚାର କଲେ, ଆହ୍ୱାନ କଲେ, ସମ୍ପର୍କ ସୃଷ୍ଟି କଲେ-ତଥାପି ବିଜେଡି ତୃତୀୟ ସ୍ଥାନରେ।
ତେଣୁ ଏବେ ପ୍ରଶ୍ନ- ନବୀନଙ୍କ ବ୍ୟକ୍ତିଗତ ବ୍ରାଣ୍ଡ ଏବେ ପୁରୁଣା ଗତିରେ କାମ କରୁନାହିଁ।
ସେଥିପାଇଁ ଦଳରେ “ଆକ୍ଟିଭ୍ ଯୁବ ନେତାକୁ ଉପରକୁ ଆଣିବା ଆବଶ୍ୟକ” ବୋଲି ଏକ ପ୍ରବଳ ସ୍ଵର ଉଠୁଛି।
ଏବଂ ସେହି ସ୍ଵରକୁ ଧ୍ୟାନରେ ରଖି ସୁଜାତାଙ୍କ ନାମ ନବୀନ–ପାଣ୍ଡିଆନ ମନରେ ଫିଟ୍ ହେଉଛି।
ସୁଜାତାଙ୍କୁ କାର୍ଯ୍ୟକାରୀ ସଭାପତି କରିବା—ଏହା କଣ ପ୍ରକୃତ ‘ମାଷ୍ଟରଷ୍ଟ୍ରୋକ୍’?
ଯଦି ଡିସେମ୍ବରରେ ନବୀନ ଏହି ନିଷ୍ପତ୍ତି ନିଅନ୍ତି-ତେବେ ବିଜେଡିରେ ବଡ଼ ପରିବର୍ତ୍ତନ ଆସିବ।
ସମ୍ଭାବ୍ୟ ପରିଣାମଗୁଡ଼ିକ—
(୧) ପାଣ୍ଡିଆନଙ୍କ ଆଲୋଚନାକୁ କମାଇବ। ଜଣେ ‘ଭିତରର ଲୋକ’ଙ୍କୁ ନୁହେଁ-
ଜଣେ ଭିକ୍ଟିମ୍–ଷ୍ଟୋରି, ସୋସିଆଲ୍ କନେକ୍ଟ୍ ସହିତ ନୂଆ ମୁହଁକୁ ଉପରକୁ ଆଣିବ।
ପାଣ୍ଡିଆନଙ୍କ ଉପରେ ଥିବା ନେଗେଟିଭ୍ ନାରେଟିଭ୍ କଟି ଯାଇପାରେ।
(୨) ଯୁବ–ଭୋଟର୍ ରିକ୍ଲେମ୍ କରିବା ବିଜେଡିର ଏବେ ସବୁଠାରୁ ବଡ଼ ଚ୍ୟାଲେଞ୍ଜ ।
(୩) ମହିଳା–ଭୋଟ ବ୍ଲକକୁ ଆଉ ସବଳ କରିବ। ଓଡ଼ିଶାର ମହିଳାମାନେ ପୂର୍ବରୁ ବିଜେଡିର କୋର୍ ଭୋଟର୍ ଥିଲେ। ତାହାକୁ ପୁନରୁଦ୍ଧାର ପାଇଁ ସୁଜାତା ଅତ୍ୟନ୍ତ ଫିଟ୍।
(୪) ଦଳର ପୁରୁଣା ନେତାମାନଙ୍କୁ ଏକ ନୂଆ ସେଟ୍–ଅପ୍ ଦେବ। ଯାହାଫଳରେ ସେମାନେ ନବୀନଙ୍କୁ ଆଲୋଚନା କରିପାରିବେ ନାହିଁ। କାରଣ ସେଥିରେ ଜଣେ ଅଣ ବିବାଦୀୟ ନେତାଙ୍କ ନାମ ରହିବ।
କିନ୍ତୁ ବିପଦ ବି ଅଛି—ବହୁତ ବଡ଼ ବିପଦ
ଯଦି ସୁଜାତାଙ୍କୁ ଉପରକୁ ଆଣାଯାଏ, ତେବେ ପାଣ୍ଡିଆନ କ୍ୟାମ୍ପର ଭୂମିକା ଅଟୋମେଟିକ୍ ହେବ ‘ଛାୟା–ନେତୃତ୍ୱ’।
ଏହା ଉଦାହରଣ:
• ମଧ୍ୟପ୍ରଦେଶର ଦିଗବିଜୟ ଯୁଗ
• ମାହାରାଷ୍ଟ୍ରର ପାୱାର୍–ସ୍ୟାଡୋ ପଲିଟିକ୍ସ
ଏହା ଦଳରେ ଆଉ ବିବାଦ ବଢ଼ାଇପାରେ।
ପୁରୁଣା ନେତାମାନେ ମାନିନେବେ କି? ଏହା ଆଉ ଏକ ଗଭୀର ପ୍ରଶ୍ନ।
ଏହା ନବୀନ ନେତୃତ୍ୱର ‘ଫାଇନାଲ୍ ଫେଜ୍’?
ରାଜନୀତିରେ ସଙ୍କେତ ହୁଏ- ଘୋଷଣା ନୁହେଁ।
ଦେବୀ ମିଶ୍ରଙ୍କ ମନ୍ତବ୍ୟ ସେହି ସଙ୍କେତ।
ନବୀନଙ୍କ ନିଷ୍ପତ୍ତି ଡିସେମ୍ବରରେ ଆସିବ। କିନ୍ତୁ ଜନମତ ଓ ଦଳୀୟ ଭିତରୁ ଯେପରି ଧ୍ୱନି ଆସୁଛି ତାହା ଏକ ମାତ୍ର କଥା କହୁଛି-
ବିଜେଡିରେ ଆଗାମୀ ୩ ମାସ—ନବୀନ ଯୁଗର ସବୁଠାରୁ ବଡ଼ ପରିବର୍ତ୍ତନ ସମୟ।
ଏବଂ ଏଥିରେ ମିଥ୍ୟା–ବଚନ, ସଙ୍କେତ, ଛାୟା–ନେତୃତ୍ୱ, ନୂଆ ଉନ୍ନୟନ- ସବୁ ଖେଳିବ।
ନବୀନଙ୍କ କଥାକୁ ମିଛ ପ୍ରମାଣ କରିଦେଲେ କି ଦେବୀ?
ଏହି ପ୍ରଶ୍ନ ଏବେ ଓଡ଼ିଶାର ପଲିଟିକାଲ୍ ଡିବେଟ୍ର ସବୁଠାରୁ ବଡ଼ ପ୍ରଶ୍ନ।
ଯଦି ସୁଜାତା ବିଜେଡିରେ ଆସି ଉଚ୍ଚଦାୟିତ୍ୱ ନିଅନ୍ତି—
ତେବେ ନବୀନଙ୍କ “ଲୋକେ ଉତ୍ତରାଧିକାରୀ ବାଛିବେ”-ଏହି ଉକ୍ତି ପ୍ରଶ୍ନବାଚକ ହୋଇଯିବ।
ଯଦି ସୁଜାତା ଆସୁନାହାନ୍ତି—
ତେବେ ଦେବୀ ପ୍ରସାଦ ମିଶ୍ରଙ୍କ ପ୍ରତିଷ୍ଠା ଆଘାତ ସହିବ।
କିନ୍ତୁ ଯାହା ହେଉ—ଏହି ମନ୍ତବ୍ୟ ବିଜେଡିରେ ଏକ ବଡ଼ ଭୂମିକମ୍ପ ସୃଷ୍ଟି କରିଦେଇଛି।
ଓଡ଼ିଶା ପାଇଁ ଏହାର ସଙ୍କେତ?
ଓଡ଼ିଶାର ରାଜନୀତି ଦୀର୍ଘଦିନ ଧରି ନବୀନ–ସେଣ୍ଟ୍ରିକ୍, ନବୀନ–ମାଇଣ୍ଡ ଏବଂ ନବୀନ–ମଡେଲ୍ରେ ଚାଲିଆସୁଥିଲା।
କିନ୍ତୁ ସମୟ ବଦଳୁଛି। ଜନମାନସର ଚାହିଦା ବଦଳୁଛି। ଦଳର ଭିତର ଶକ୍ତିକୁ ନୂଆ ଫର୍ମାଟ୍ ଦରକାର।
ସୁଜାତା ରାଉତ- ସେହି ନୂଆ ଫର୍ମାଟ୍କୁ ଫିଟ୍ କରିବେ କି ନାହିଁ- ଏହା ଆସନ୍ତା ଛଅ ମାସରେ ନିଶ୍ଚିତ ହେବ।
ଦେବୀ ପ୍ରସାଦ ମିଶ୍ର କେବଳ ଏକ ଲାଇନ୍ କହିଛନ୍ତି। କିନ୍ତୁ ସେ ଲାଇନ୍ ଓଡ଼ିଶାର ରାଜନୀତିକୁ ନୂଆ ଯୁଗ, ନୂଆ ପ୍ରଶ୍ନ, ନୂଆ ବିବାଦ ଏବଂ ନୂଆ କାହାଣୀ ଦେଇଛି।
ଡିସେମ୍ବର ହେବ ବିଜେଡିର ସବୁଠାରୁ ଗୁରୁତ୍ୱପୂର୍ଣ୍ଣ ମାସ।
ଏବଂ ନବୀନଙ୍କ ନିଷ୍ପତ୍ତି ତାଙ୍କ ଅଢ଼େଇ ଦଶକର ରାଜନୀତିର ଶେଷ ଅଧ୍ୟାୟର ଆରମ୍ଭ।
also read https://purvapaksa.com/court-roundabout-assembly/
