ପଶ୍ଚିମବଙ୍ଗ ସରକାର ଜାତୀୟ ରାଜପଥର ସାତଟି ରାସ୍ତାକୁ କେନ୍ଦ୍ର ସରକାରଙ୍କ ନିୟନ୍ତ୍ରଣକୁ ହସ୍ତାନ୍ତର କରିବାକୁ ନିଷ୍ପତ୍ତି ନେଇଛନ୍ତି । ଏହି ପଦକ୍ଷେପ ଭାରତୀୟ ଜାତୀୟ ରାଜପଥ ପ୍ରାଧିକରଣ (NHAI) ସହିତ ଜାତୀୟ ରାଜପଥ ଓ ଭିତ୍ତିଭୂମି ବିକାଶ ନିଗମ ଲିମିଟେଡ୍ (NHIDCL) ପାଇଁ ବଙ୍ଗଳାର ପ୍ରମୁଖ ରାସ୍ତା କରିଡରରେ ଭିତ୍ତିଭୂମି ବିକାଶ କରିବାର ପଥ ପରିଷ୍କାର କରିଛି । ଯେଉଁ ପ୍ରକଳ୍ପ ଗୁଡ଼ିକ ରାଜନୈତିକ କାରଣରୁ ଦୀର୍ଘ ସମୟ ଧରି ଅଟକି ରହିଥିଲା ।
)
ପଶ୍ଚିମବଙ୍ଗ ସରକାରଙ୍କ ଦ୍ୱାରା ଏହି ବିଷୟ ସମ୍ପର୍କରେ ଜାରି କରାଯାଇଥିବା ସରକାରୀ ବିବୃତ୍ତି ଅନୁଯାୟୀ, ଏହି ରାସ୍ତାଗୁଡ଼ିକ ରାଜ୍ୟ PWDର ଜାତୀୟ ରାଜପଥ ଶାଖାର ଅଧିକାର କ୍ଷେତ୍ର ଅଧୀନରେ ଆସେ । କେନ୍ଦ୍ର ସଡ଼କ ପରିବହନ ଏବଂ ରାଜପଥ ମନ୍ତ୍ରଣାଳୟ ଦ୍ୱାରା ସେମାନଙ୍କୁ ହସ୍ତାନ୍ତର ପାଇଁ ବାରମ୍ବାର ଅନୁରୋଧ କରାଯିବା ସତ୍ତ୍ୱେ ପ୍ରକ୍ରିୟା ପ୍ରାୟ ଗୋଟିଏ ବର୍ଷ ଧରି ବିଚାରାଧୀନ ଥିଲା ।
‘ଚିକେନ୍ସ ନେକ୍’ କରିଡର ସମ୍ପର୍କରେ ବିପଦ
ବଙ୍ଗଳାର ବିଜେପି ନେତୃତ୍ୱାଧୀନ ସରକାର କେନ୍ଦ୍ରକୁ ହସ୍ତାନ୍ତର କରିବାକୁ ନିଷ୍ପତ୍ତି ନେଇଥିବା ସାତଟି NH କରିଡର ମଧ୍ୟରୁ ପାଞ୍ଚଟି ‘ଚିକେନ୍ସ ନେକ୍’ କରିଡର ଏହା ଅଧୀନରେ ଆସିଥାଏ । ଯାହାକୁ ସିଲିଗୁଡି କରିଡର ବୋଲି ମଧ୍ୟ କୁହାଯାଏ । ବାଂଲାଦେଶରେ ଏକ ବିଶୃଙ୍ଖଳିତ ଶାସନ ପରିବର୍ତ୍ତନ ପରେ ମୌଳବାଦୀ ଇସଲାମିକ ଶକ୍ତି ଏହି କରିଡର ସମ୍ପର୍କରେ ଅନେକ ବିବାଦୀୟ ବୟାନ ଦେବା ପରେ କେନ୍ଦ୍ରର ଏହି ଅଞ୍ଚଳ ଉପରେ ଧ୍ୟାନ ତୀବ୍ର ହୋଇଥିଲା ।
ଏକ ସୁରକ୍ଷିତ ସିଲିଗୁଡି କରିଡର ର ଆବଶ୍ୟକତା ?
- ସୁରକ୍ଷା ବିଶେଷଜ୍ଞମାନେ ସିଲିଗୁଡି କରିଡର ମଧ୍ୟରେ ରାସ୍ତା ପ୍ରଶସ୍ତ କରିବା ଏବଂ ଏହାର ସମ୍ପୂର୍ଣ୍ଣ ସୁରକ୍ଷା ସୁନିଶ୍ଚିତ କରିବା ଉପରେ ଲଗାତାର ଗୁରୁତ୍ୱ ଦେଇଛନ୍ତି ।
- ବାଂଲାଦେଶରେ ମୌଳବାଦୀ ଶକ୍ତିର ବର୍ଦ୍ଧିତ ପ୍ରାଧାନ୍ୟ ସହିତ, ଏହି ଅଞ୍ଚଳ ଭାରତର ଆଭ୍ୟନ୍ତରୀଣ ସୁରକ୍ଷା ପାଇଁ ଏକ ଗମ୍ଭୀର ଚ୍ୟାଲେଞ୍ଜ ପାଲଟିଛି ।
- ଏହା ବ୍ୟତୀତ, ୨୦୧୭ ମସିହାରେ ଡୋକଲାମରେ ଭାରତ, ଭୁଟାନ ଏବଂ ଚୀନର ତ୍ରି-ସଂଯୋଗରେ ଚୀନ୍ ସହିତ ଭାରତକୁ ଯେଭଳି ଭାବରେ ମୁକାବିଲା କରିବାକୁ ପଡିଲା ତାହା ଦୀର୍ଘ ଦିନ ଧରି ଚିନ୍ତାର କାରଣ ହୋଇ ରହିଛି ।
- ଏହା ବ୍ୟତୀତ, ସିକିମର ପାହାଡ଼ି ରାସ୍ତାରେ ପ୍ରତିବର୍ଷ ଘଟୁଥିବା ବାରମ୍ବାର ଭୂସ୍ଖଳନ ଏହି କରିଡରକୁ ସୁରକ୍ଷିତ କରିବାର ଆବଶ୍ୟକତାକୁ ଆହୁରି ଗୁରୁତ୍ୱ ଦେଇଛି ।
‘ଚିକେନ୍ସ ନେକ୍’ କରିଡର କ’ଣ ?
- ବଙ୍ଗଳା ସରକାର କେନ୍ଦ୍ରକୁ ହସ୍ତାନ୍ତର କରୁଥିବା ସାତଟି ଜାତୀୟ ରାଜପଥ ମଧ୍ୟରୁ ପାଞ୍ଚଟି ସିଲିଗୁଡି କରିଡର ଦେଇ ଯାଇଥାଏ , ଯାହାକୁ ‘ଚିକେନ୍ସ ନେକ୍’ କରିଡର ମଧ୍ୟ କୁହାଯାଏ । ଏହି ସମ୍ପୂର୍ଣ୍ଣ ରାସ୍ତାର ଲମ୍ବ ୬୦ କିଲୋମିଟର ଏବଂ ଏହାର ସଂକୀର୍ଣ୍ଣ ବିନ୍ଦୁରେ ମାତ୍ର ୨୦-୨୨ କିଲୋମିଟର ଯାଏଁ “ଚିକେନ୍ସ ନେକ୍ କରିଡର” ଭାବରେ ଜଣାଶୁଣା ।
- ଏହି ସମଗ୍ର ଅଞ୍ଚଳ ଭାରତକୁ ନେପାଳ, ଭୁଟାନ ଏବଂ ବାଂଲାଦେଶ ସହିତ ସଂଯୋଗ କରୁଥିବା ଏକ ଗୁରୁତ୍ୱପୂର୍ଣ୍ଣ ସଂଯୋଗ ଭାବରେ କାର୍ଯ୍ୟ କରେ । ଅଧିକତଃ ଚୀନ୍ (ତିବ୍ଦତ) ସିକିମ୍ ଠାରୁ ଠିକ୍ ପରେ ଥିବା ଅଂଚଳ ପାଖରେ ଅବସ୍ଥିତ ।
- ଏହାର ସୀମିତ ପ୍ରସ୍ଥକୁ ଦୃଷ୍ଟିରେ ରଖି, ଏହି ଚିକେନ୍ସ ନେକ୍ କରିଡର କୁ ତାଗିତ ଜାତୀୟ ସୁରକ୍ଷା ଦୃଷ୍ଟିକୋଣରୁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଅଧିକନ୍ତୁ, ବାଂଲାଦେଶରେ ଶାସନ ପରିବର୍ତ୍ତନ ହେବା ପରଠାରୁ, ଭାରତର ବିରୋଧୀମାନେ ଏହି କରିଡର ଉପରେ ସେମାନଙ୍କର ଦୃଷ୍ଟି ସ୍ଥିର କରି ରଖିଛନ୍ତି ।
- ମହମ୍ମଦ ୟୁନୁସଙ୍କ ସରକାର ସମୟରେ, ଏହି ଅଞ୍ଚଳର ସୁରକ୍ଷା ଏକ ଗୁରୁତ୍ୱପୂର୍ଣ୍ଣ ବିଷୟ ହୋଇଗଲା । କାରଣ ତାଙ୍କ ପ୍ରଶାସନ ନିକଟବର୍ତ୍ତୀ ଅଞ୍ଚଳରେ ଚୀନ୍ ର କାର୍ଯ୍ୟକଳାପକୁ ଉତ୍ସାହିତ କରିବା ପାଇଁ ଗ୍ରୀନ ସିଗନାଲ ଦେବା ଆରମ୍ଭ କଲା ।
ବଙ୍ଗଳାରେ ରାଜନୈତିକ ନୀତି ମଧ୍ୟ ପରିସ୍ଥିତିକୁ ଆହୁରି ତୀବ୍ର କରିଥିଲା
ବିଜେପି ଲଗାତାର ଅଭିଯୋଗ କରିଆସୁଛି ଯେ, ପୂର୍ବ ଟିଏମସି ସରକାରଙ୍କ ନୀତି ଯୋଗୁଁ, ଅବୈଧ ବାଂଲାଦେଶୀ ପ୍ରବାସୀମାନଙ୍କର ଅନୁପ୍ରବେଶ ବିଶେଷକରି ଉତ୍ତର ବଙ୍ଗର ସୀମାବର୍ତ୍ତୀ ଅଞ୍ଚଳରେ ବୃଦ୍ଧି ପାଇଛି । ଏହି ପରିସ୍ଥିତି, ଚିକେନ୍ ନେକ୍ କରିଡରର ସୁରକ୍ଷାକୁ କ୍ରମଶଃ ବିପଦପୂର୍ଣ୍ଣ କରିଦେଇଛି ।
‘ଚିକେନ୍ ନେକ୍ କରିଡର’ର ସୁରକ୍ଷା କଡ଼ାକଡ଼ି : ବାଂଲାଦେଶ ପାଇଁ ଚେକ୍-ମେଟ୍ !
- ବଙ୍ଗ ସରକାରଙ୍କ ସାମ୍ପ୍ରତିକ ନିଷ୍ପତ୍ତି ସମ୍ପର୍କରେ, ଅଧିକାରୀମାନେ କହିଛନ୍ତି ଯେ ଏହା ରାଜପଥ ସମ୍ପ୍ରସାରଣ ପ୍ରକଳ୍ପର ସମାପ୍ତିକୁ ତ୍ୱରାନ୍ୱିତ କରିବ, ଯାହା ବହୁ ସମୟ ଧରି ପଡ଼ି ରହିଥିଲା ।
- ଏହି ଅଞ୍ଚଳରେ ରାଜପଥ ର ମରାମତି ଏବଂ ସମ୍ପ୍ରସାରଣ ପ୍ରତିରକ୍ଷାର ଲଜିଷ୍ଟିକ୍ସ କୁ ଯଥେଷ୍ଟ ବୃଦ୍ଧି କରିବ ବୋଲି ଆଶା କରାଯାଉଛି ।
- ସମକାଳୀନ ଭାବରେ, ଏହି ପଦକ୍ଷେପ ବାଣିଜ୍ୟ ଏବଂ ପର୍ଯ୍ୟଟନକୁ ମଧ୍ୟ ପ୍ରୋତ୍ସାହନ ପ୍ରଦାନ କରିବ । ଏହା ସହିତ ଦେଶର ଉତ୍ତର-ପୂର୍ବ ରାଜ୍ୟଗୁଡ଼ିକ ସହିତ ସୁସଂଯୋଗୀକରଣକୁ ମଧ୍ୟ ସୁଗମ କରିବ ।
- ପୂର୍ବ ରିପୋର୍ଟଗୁଡ଼ିକ ମଧ୍ୟ ପ୍ରକାଶ ପାଇଛି ଯେ ଭାରତ ଚିକେନ୍ ନେକ୍ କରିଡର ମଧ୍ୟରେ ସୁଡ଼ଙ୍ଗ ନିର୍ମାଣ ଯୋଜନା ଉପରେ ସକ୍ରିୟ ଭାବରେ କାର୍ଯ୍ୟ କରୁଛି । ଯାହାର ଉଦ୍ଦେଶ୍ୟ ହେଉଛି ରଣନୈତିକ ଦୃଷ୍ଟିକୋଣରୁ ଏହି ଅଞ୍ଚଳକୁ ସମ୍ପୂର୍ଣ୍ଣ ରୂପେ ସୁରକ୍ଷିତ କରିବା ।
“ଆନୁଷ୍ଠାନିକ ହସ୍ତାନ୍ତର ଅଭାବରୁ ଏହି ନିର୍ଦ୍ଦିଷ୍ଟ ଅଂଶଗୁଡ଼ିକରେ ବିକାଶମୂଳକ କାର୍ଯ୍ୟ ଅଟକି ରହିଥିଲା । ଆଜିର ଅନୁମୋଦନ ପରେ, କେନ୍ଦ୍ରୀୟ ଏଜେନ୍ସିଗୁଡ଼ିକ ଏବେ ଆଉ କୌଣସି ବିଳମ୍ବ ନକରି କାର୍ଯ୍ୟ ଆରମ୍ଭ କରିପାରିବେ।”
ପଶ୍ଚିମବଙ୍ଗର ମୁଖ୍ୟ ସଚିବଙ୍କ କାର୍ଯ୍ୟାଳୟର ପ୍ରେସ୍ ନୋଟ୍
ବଙ୍ଗଳା ସୀମାନ୍ତରେ କେନ୍ଦ୍ର ସରକାରଙ୍କ ସମ୍ପୃକ୍ତି ବୃଦ୍ଧି
- ବଙ୍ଗଳା ସରକାରଙ୍କ ନିଷ୍ପତ୍ତି ଆଧାରରେ, NHAI ଏବଂ NHIDCL କୁ ବିକାଶ କାର୍ଯ୍ୟ ଆରମ୍ଭ କରିବାର ଦାୟିତ୍ୱ ଦିଆଯାଇଛି :
- NH-୩୧୨ର ୩୨୯.୬କିଲୋମିଟର ଯାଏଁ ବିସ୍ତାର । ଯାହା ମୁଖ୍ୟତ ଜାଙ୍ଗିପୁର, ଉମାରାପୁର, କୃଷ୍ଣନଗର, ବନଗାଓଁ ଏବଂ ବସିରହାଟକୁ ଆବୃତ କରି, ଭାରତ-ବାଂଲାଦେଶ ସୀମାରେ ଘୋଜାଡାଙ୍ଗା ପର୍ଯ୍ୟନ୍ତ ବିସ୍ତୃତ ରହିଛି ।
- NH-୩୧ : ବିହାର-ପଶ୍ଚିମବଙ୍ଗ ସୀମାରୁ ଗାଜୋଲ ପର୍ଯ୍ୟନ୍ତ।
- NH-୩୩ : ଫରକ୍କା ପର୍ଯ୍ୟନ୍ତ।
- NH-୧୦ (ପଶ୍ଚିମବଙ୍ଗ-ସିକିମ ସୀମା ମାର୍ଗ) : ସେଭୋକେ ସେନା କ୍ୟାଣ୍ଟନମେଣ୍ଟ, କରୋନେସନ୍ ସେତୁ, କାଲିମ୍ପୋଙ୍ଗ ।
- ହାସିମାରା-ଜୟଗାଁ ସେକ୍ସନ, ଭାରତ-ଭୁଟାନ ସୀମା ପର୍ଯ୍ୟନ୍ତ ବିସ୍ତାରିତ ।
- ବାରାଦିଘି-ମୈନାଗୁଡ଼ି-ଚାଙ୍ଗରାବନ୍ଧା ମାର୍ଗ, ବାଂଲାଦେଶ ସୀମା ପର୍ଯ୍ୟନ୍ତ ବିସ୍ତାରିତ ।
- ସିଲିଗୁଡ଼ି-କୁର୍ସିଓଙ୍ଗ-ଦାର୍ଜିଲିଂ ହିଲ୍ ରୋଡ୍ ।
- ଏହି ପ୍ରକଳ୍ପ ମାଲଦା ଏବଂ ମୁର୍ଶିଦାବାଦ ଜିଲ୍ଲା ଦେଇ ବିହାର ଏବଂ ପଶ୍ଚିମବଙ୍ଗ ମଧ୍ୟରେ ସଂଯୋଗକୁ ମଧ୍ୟ ବୃଦ୍ଧି କରିବ ।
- ଏହା ସହିତ, ନଦିଆ ଏବଂ ଉତ୍ତର ୨୪ ପରଗନା ଜିଲ୍ଲା ଦେଇ ବାଂଲାଦେଶ ସୀମା ପର୍ଯ୍ୟନ୍ତ ଯାତ୍ରା ସହଜ ହେବ।
