Author: NAZMEEN PARWEEN

ବିଜେପି ସରକାର ଗଠନ ହେବାର ପ୍ରାୟ ଦୁଇବର୍ଷ ପୂରିବାକୁ ଯାଉଥିଲେ ମଧ୍ୟ ଏପର୍ଯ୍ୟନ୍ତ ବିଭିନ୍ନ ନିଗମ ଏବଂ ବୋର୍ଡରେ ଅଧ୍ୟକ୍ଷ ନିଯୁକ୍ତି ହୋଇପାରୁ ନାହିଁ। ନିକଟରେ ଶୀର୍ଷ ନେତାଙ୍କ ମଧ୍ୟରେ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା। କଣ ଏହି ବୈଠକର ନିଷ୍କର୍ଷ ଥିଲା? କାହିଁକି ଫିଟୁନି ନିଯୁକ୍ତିର ପେଡ଼ି?  ନିଗମ ନିଯୁକ୍ତିରେ ଅହେତୁକ ବିଳମ୍ବ ୨୦୨୪ ନିର୍ବାଚନ ପରେ ଓଡ଼ିଶାରେ ବିଜେପିର ପ୍ରଥମ ସରକାର ଗଠନ ହେଲା। କିନ୍ତୁ ବିଡ଼ମ୍ବନାର ବିଷୟ ହେଉଛି, ଏପର୍ଯ୍ୟନ୍ତ କୌଣସି ନିଗମର ଅଧ୍ୟକ୍ଷ କିମ୍ବା ବୋର୍ଡର ଚେୟାରମ୍ୟାନ୍ ନିଯୁକ୍ତ ହୋଇନାହାଁନ୍ତି। ଏପରିକି ଜିଲ୍ଲାଗୁଡ଼ିକରେ ସରକାରୀ ଓକିଲ ନିଯୁକ୍ତି ମଧ୍ୟ ଅଟକି ରହିଛି। ସୂଚନା କମିଶନରଙ୍କ ପଦବୀ ମଧ୍ୟ ଖାଲି ପଡ଼ିଛି। ସରକାର ସୂଚନା ଦେବାକୁ କାହିଁକି ଡରୁଛନ୍ତି ବୋଲି ପ୍ରଶ୍ନ ଉଠୁଛି। ଯୋଜନା ବୋର୍ଡ ଓ ପଶ୍ଚିମ ଓଡ଼ିଶା ବିକାଶ ପରିଷଦର ସ୍ଥିତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ୩ ଲକ୍ଷ କୋଟିରୁ ଅଧିକ…