Author: Sarasinee Subudhi

ଓଡ଼ିଶା ସରକାର କେବଳ ରାଜ୍ୟବ୍ୟାପୀ ନୁହେଁ ବରଂ ଦେଶର ବିଭିନ୍ନ ସ୍ଥାନରେ ବିସ୍ତାରିତ ପ୍ରଭୁ ଜଗନ୍ନାଥଙ୍କ ବିସ୍ତୃତ ଭୂ-ସମ୍ପତ୍ତିକୁ ପୁନରୁଦ୍ଧାର କରିବା ପାଇଁ ଏକ ବ୍ୟାପକ ଅଭିଯାନ ଆରମ୍ଭ କରିଛନ୍ତି। ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ଗୁରୁବାର କହିଛନ୍ତି ଯେ ପ୍ରଭୁ ଜଗନ୍ନାଥ ପ୍ରାୟ ୫୮,୦୦୦ ଏକର ଜମିର ଆଇନଗତ ମାଲିକ। ଏଥିମଧ୍ୟରୁ ପ୍ରାୟ ୩୬ ହଜାରରୁ ୩୭ହଜାର ଏକର ପାଇଁ ରେକର୍ଡ ଯାଞ୍ଚ ଏବଂ ଇକଗଜପତ୍ର ପ୍ରସ୍ତୁତ ହୋଇସାରିଛି। ବାକି ଜମି ପାଇଁ ଡକ୍ୟୁମେଣ୍ଟ ଚୂଡ଼ାନ୍ତ ପ୍ରକ୍ରିୟା ଚାଲିଛି। “ସରକାର ପ୍ରଭୁ ଜଗନ୍ନାଥଙ୍କ ସମସ୍ତ ସମ୍ପତ୍ତିକୁ ସଠିକ୍ ଭାବରେ ରେକର୍ଡ ଏବଂ ପୁନରୁଦ୍ଧାର କରିବା ପାଇଁ ଦ୍ରୁତ ଗତିରେ କାର୍ଯ୍ୟ କରୁଛନ୍ତି” ଶ୍ରୀ ହରିଚନ୍ଦନ କହିଛନ୍ତି। ସେ ଗୁରୁତ୍ୱାରୋପ କରିଛନ୍ତି ଯେ ପ୍ରଶାସନ ଏହି ସମ୍ପତ୍ତିଗୁଡ଼ିକୁ ସୁରକ୍ଷା ଦେବା ଏବଂ ଜବରଦଖଲ କିମ୍ବା ଅପବ୍ୟବହାର ରୋକିବା ପାଇଁ ପ୍ରତିବଦ୍ଧ। ଅଧିକାରୀଙ୍କ ଅନୁଯାୟୀ, ପୁନରୁଦ୍ଧାର କରାଯାଇଥିବା ଜମିଗୁଡ଼ିକୁ ସଂଗଠିତ ପରିଚାଳନା ଅଧୀନକୁ…