Author: TRUPTIMAYEE SAHOO

ଅନନ୍ତନାଗରେ ଫସିଛି ୨୦୦୦ ଗାଡ଼ି ଜମ୍ମୁ-କାଶ୍ମୀରରେ ପ୍ରବଳ ତୁଷାରପାତ ହୋଇଛି। ଫଳରେ ଶତାଧିକ ଗାଡିମୋଟର ଅନେକ ସ୍ଥାନରେ ଫସିଯାଇଛି। ଜମ୍ମୁ-କାଶ୍ମୀରର ଅନନ୍ତନାଗର କାଜିଗୁଣ୍ଡ ସହରରେ ଶୁକ୍ରବାର ପ୍ରଥମ ତୁଷାରପାତ ପରେ ପ୍ରାୟ ୨ ହଜାର ଯାନବାହନ ଅଟକି ରହିଛି ବୋଲି ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା କହିଛନ୍ତି। ସିଏମ ଅବଦୁଲ୍ଲା ଉଲ୍ଲେଖ କରିଛନ୍ତି ଯେ ସେ ଅନନ୍ତନାଗର ଡେପୁଟି କମିଶନରଙ୍କ ସହ ସାମ୍ପ୍ରତିକ ପରିସ୍ଥିତି ବିଷୟରେ କଥା ହୋଇଛନ୍ତି ଏବଂ ଭାରୀ ଯାନଗୁଡିକୁ ଯିବାକୁ ଅନୁମତି ଦିଆଯାଉଛି ଏବଂ ବାକି ଅଟକି ରହିଥିବା ଗାଡିଗୁଡିକୁ ସଫା କରିବା ପାଇଁ ପ୍ରୟାସ ଜାରି ରହିଛି । ଶୁକ୍ରବାର ରାତିରେ ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ଏକ ପୋଷ୍ଟରେ କହିଛନ୍ତି, “କାଜିଗୁଣ୍ଡ ଏବଂ ଟନେଲ ମଧ୍ୟରେ ରାସ୍ତାର ସାମ୍ପ୍ରତିକ ସ୍ଥିତି ବିଷୟରେ ଡିସି ଅନନ୍ତନାଗଙ୍କ ସହ କଥା ହୋଇଛି। ବରଫପାତ ଯୋଗୁଁ ଯାତାୟାତ ବାଧାପ୍ରାପ୍ତ ହୋଇଛି। ଉଭୟ ଦିଗରେ ଅଟକି ରହିଥିବା ଗାଡ଼ିଗୁଡ଼ିକ ଧୀରେ ଧୀରେ ଗତି…