ବଦଳିବ ଅନୁଗୋଳ ଜିଲ୍ଲାରେ ସାତକୋଶିଆ ବନ୍ୟ ପ୍ରାଣୀ ଅଭୟାରଣ୍ୟର ଦୃଶ୍ୟ । ପ୍ରାୟ ୧୦୦ କୋଟି ଟଙ୍କାର ବ୍ୟୟରେ ଏଠାରେ ଏକ ଅତ୍ୟାଧୁନିକ ଭିତ୍ତିଭୂମି ସଜାଯିବ, ଯାହା ସାତକୋଶିଆକୁ ବିଶ୍ୱସ୍ତରୀୟ ଇକୋ-ଟୁରିଜମ୍ ହବ୍ ରୂପେ ପରିଣତ କରିବ। ଏହି ସୂଚନା ସାତକୋଶିଆ ଅଭୟାରଣ୍ୟର DFO ଗଦାଧର ପାତ୍ର ଦ୍ୱାରା ଦିଆଯାଇଛି। ସେ କହିଛନ୍ତି, ଏହି ୯୯ କୋଟି ୭୫ ଲକ୍ଷ ଟଙ୍କାର ସବିଶେଷ ପ୍ରକଳ୍ପ ରିପୋର୍ଟ ଡିପିଆରକୁ ରାଜ୍ୟ ସରକାର ଦ୍ୱାରା ଅନୁମୋଦିତ ହୋଇଛି।
ପ୍ରକଳ୍ପର କାର୍ଯ୍ୟକ୍ଷେତ୍ରରେ ଅଭୟାରଣ୍ୟରେ ପର୍ଯ୍ୟଟକଙ୍କୁ ଆକୃଷ୍ଟ କରିବା ପାଇଁ ୬ଟି ମୁଖ୍ୟ ସ୍ଥାନ ଚିହ୍ନଟ କରାଯାଇଛି। ପୁରୁଣାକୋଟ, ଜଗନ୍ନାଥପୁର ଓ ଟିକରପଡାରେ ନୂଆ ପ୍ରବେଶ ପଥ ନିର୍ମାଣ ହେବ । ସେହିପରି ମହାନଦୀ ବନଖଣ୍ଡର ବାଲିପୁଟ, କୁସଙ୍ଗ ଓ ଛାମୁଣ୍ଡିଆଠାରେ ମଧ୍ୟ ପ୍ରବେଶ ପଥ ସଜାଯିବ । ନୂଆ ପ୍ରବେଶ ପଥରେ ଫୁଡ୍ କୋର୍ଟ, ଫ୍ଲୋଟିଂ ଜେଟି, ବନ୍ ଫାୟାର୍, ୱାଚ୍ ଟାୱାର, ରିଭର ଭିୟୁ ଡେକ୍ ରହିବା ସହିତ ପର୍ଯ୍ୟଟକଙ୍କ ପାଇଁ ସୁବିଧା ବୃଦ୍ଧି ପାଇବ। ଏହାର ପରିଣାମ ସ୍ୱରୂପ ସାତକୋଶିଆ ବନ୍ୟ ପ୍ରାଣୀ ଅଭୟାରଣ୍ୟ ବିଶ୍ୱରେ ଏକ ନମ୍ବର ଟୁରିଜମ୍ ସ୍ପଟ ରୂପେ ପରିଚିତ ହେବ।
ସାତକୋଶିଆର DFO ଗଦାଧର ପାତ୍ର କହିଛନ୍ତି, ଯେଉଁଠାରେ ଇକୋ-ଟୁରିଜମ୍ ବିକାଶ ହେବ, ସେଠାରେ ଅଞ୍ଚଳବାସୀଙ୍କ ସମସ୍ୟା ଓ ଜୀବନଜୀବିକାକୁ ପ୍ରାଥମିକତା ଦିଆଯିବ। ସେପଟେ ସ୍ଥାନୀୟ ଲୋକଙ୍କର ଆଧାର ଉପରେ ଏକ ଟୁରିଜମ୍ ହବ୍ ତିଆରି କରାଯିବ। ଏହି ପ୍ରକଳ୍ପ ରାଜ୍ୟର ଆର୍ଥିକ ବିକାଶରେ ମଧ୍ୟ ମହତ୍ତ୍ୱପୂର୍ଣ୍ଣ ଭୂମିକା ନିର୍ବାହ କରିବ। ପର୍ଯ୍ୟଟନ ବୃଦ୍ଧି ସହିତ ସ୍ଥାନୀୟ ବ୍ୟବସାୟ, ହୋଟେଲ ଓ ହସ୍ତଶିଳ୍ପ ଉନ୍ନୟନରେ ସହାୟକ ହେବ। ଏହା ଅଞ୍ଚଳରେ ନୂଆ ଚାକିରି ଓ ଆର୍ଥିକ ସୁବିଧା ନେଇଯିବ।
ସାତକୋଶିଆ ଅଭୟାରଣ୍ୟରେ ପ୍ରକଳ୍ପର ଶେଷ ଚରଣ ସମୟସୀମା ଅନୁସାରେ ୨ ତଳିୟ ରିସର୍ଟ, ନୂଆ ପର୍ଯ୍ୟଟନ ସଂରଚନା ଓ ଇକୋ-ସଂରକ୍ଷଣ ପଦକ୍ଷେପ ନିଆଯିବ। ପର୍ଯ୍ୟଟକଙ୍କ ପାଇଁ ନୂଆ ଆକର୍ଷଣ ସୃଷ୍ଟି କରିବା ସହ, ସାତକୋଶିଆ ବନ୍ୟ ପ୍ରାଣୀ ସୁରକ୍ଷିତ ରହିବେ । ଏଥିପାଇଁ ଆଠମଲ୍ଲିକ ବିଧାୟକ କହିଛନ୍ତି, ଏହି ପ୍ରକଳ୍ପରେ ସ୍ଥାନୀୟ ଲୋକଙ୍କ ଜୀବନ ଓ ଆର୍ଥିକ ସ୍ଥିତିକୁ ସବୁବେଳେ ମୁଖ୍ୟତା ଦିଆଯିବ। ପର୍ଯ୍ୟଟନ ବିକାଶ ସହିତ ସାମାଜିକ ଓ ପରିବେଶୀୟ ସୁରକ୍ଷା ମଧ୍ୟ ନିଶ୍ଚିତ କରାଯିବ । ସାତକୋଶିଆ ଭବିଷ୍ୟତରେ ଭାରତର ପର୍ଯ୍ୟଟନ ମାନଚିତ୍ରରେ ଏକ ନୂଆ ଆକର୍ଷଣ ନିଶ୍ଚିତ କରିବା ପାଇଁ ପ୍ରସ୍ତୁତ ହେଉଛି।
also read https://purvapaksa.com/gold-rate-8/
Gold rate ।। ଖସୁଛି ସୁନା ଓ ରୁପା ଦର, କିଣିବା ପୂର୍ବରୁ ଦେଖିନିଅନ୍ତୁ ।
