ଓଡ଼ିଶାର ରାଜନୀତି ଦୀର୍ଘଦିନ ଧରି ମୂଳତଃ ଦୁଇଭାଗରେ ବିଭକ୍ତ। ଗୋଟିଏ ପକ୍ଷରେ ବିଜେଡିର ଦୀର୍ଘକାଳୀନ ଆଧିପତ୍ୟ, ଅନ୍ୟ ପକ୍ଷରେ କଂଗ୍ରେସର ପତନଶୀଳ ଆକାଂକ୍ଷା। ଏ ଭିତରେ ବିଜେପି ଶକ୍ତିଶାଳୀ ବିକଳ୍ପ ଭାବରେ ଉଭାହେବା ପରେ ରାଜ୍ୟର ରାଜନୈତିକ ଭୂଗୋଳ ଆଉ ଅଧିକ ରୂପାନ୍ତର ହେଉଛି। ଏବେ ଏହି ବୃତ୍ତରେ ନୂଆ ଭୂକମ୍ପ- ମହମ୍ମଦ ମୋକିମଙ୍କ ପକ୍ଷରୁ ମୁସଲିମ ଭୋଟକୁ ଏକତ୍ରୀକୃତ କରି ନୂଆ ଆଞ୍ଚଳିକ ଦଳ ଗଠନ କରିବାର ଯୋଜନା।
ଏହା କେବଳ ଗୋଟେ ନୂଆ ଦଳର ଗଠନ ନୁହେଁ; ଏହା ଗୋଟେ ଦୁଃସାହସିକ, ଜଟିଳ ଏବଂ ଓଡ଼ିଶାର ସମଗ୍ର ସାମାଜିକ-ରାଜନୈତିକ ସମୀକରଣକୁ ବଦଳାଇବାର ପଦକ୍ଷେପ। କିନ୍ତୁ ଏହି ପ୍ରଶ୍ନ ହେଲା ଏହା କ’ଣ ମୁସଲିମ ସମୁଦାୟ ପାଇଁ ନୂଆ ସଶକ୍ତିକରଣ ? ନା ଏହା ହେଉଛି ଏକ ରୋଷ, ଅବହେଳା ଓ ରାଜନୈତିକ ପ୍ରତିଶୋଧ ଆଧାରିତ ବିଭାଜନର କଡ଼ା ପରିଣାମ?
ପ୍ରଥମ ଅଧ୍ୟାୟ : ମୋକିମଙ୍କ ରାଜନୀତି — ବିକଳ୍ପ ସୃଷ୍ଟି ନା ପ୍ରତିଶୋଧର ଖେଳ?
ମୋକିମଙ୍କ ରାଜନୀତିକ ଯାତ୍ରା କୌଣସି ସାଧାରଣ କ୍ଷୁଦ୍ର ଅଧ୍ୟାୟ ନୁହେଁ। ସେ ବିଧାୟକ, ସଂଗଠନର ନେତା, ଦଳର ଏକ ଗୁରୁତ୍ୱପୂର୍ଣ୍ଣ ମୁସଲିମ ମୁହଁ – କଂଗ୍ରେସର ସବୁଠୁ ପରିଚିତ ଅଳ୍ପସଙ୍ଖ୍ୟକ ନେତାଙ୍କ ମଧ୍ୟରୁ ଜଣେ।
କିନ୍ତୁ ପରିବର୍ତ୍ତନର ସମୟ ଏବେ ଆସିଛି।
କେଉଁଠି ଭାଙ୍ଗିଗଲା ସମ୍ପର୍କ?
• ମୋକିମକୁ କଂଗ୍ରେସରେ ଦୀର୍ଘଦିନ ଧରି ଅବହେଳା କରାଯାଉଛି।
• ପ୍ରମୋସନ୍, ନେତୃତ୍ୱ, ଦଳ ନିଷ୍ପତ୍ତିରେ ଭୂମିକା- କୌଣସି ଠାରେ ମଧ ତାଙ୍କର ଗୁରୁତ୍ୱନଥିବା ପରି ମନେ ହେଉଛି ।
• ସବୁଠୁ ମହତ୍ତ୍ୱପୁର୍ଣ୍ଣ – ତାଙ୍କର ଝିଅ ସୋଫିଆଙ୍କ ରାଜନୀତିକ ଭବିଷ୍ୟତକୁ ନେଇ ଦଳର ଅନୁତ୍ସାହ।
ଏହି ଅସନ୍ତୋଷର ବିସ୍ଫୋରଣ ହେଉଛି ସେ ଆଜି “ମୁସଲିମ ଦଳ ଗଢ଼ିବେ” ବୋଲି ଆଲୋଚନା ହେଉଛି।
ମୋକିମଙ୍କ ଏହି ପଦକ୍ଷେପକୁ ସେମାନଙ୍କ ସମର୍ଥକ ଭାବୁଛନ୍ତି- ମୁସଲିମ ସଶକ୍ତିକରଣ।
କିନ୍ତୁ ସତଟା ଟିକେ ଭିନ୍ନ – ଏହା ସଶକ୍ତିକରଣର ଆବେଗ ନୁହେଁ, ପରିବର୍ତ୍ତେ ଅସନ୍ତୋଷର ସୂଚନା।
ଏହା ଗଢ଼ିବାର ମୂଳ କାରଣ କୌଣସି ସାମୁଦାୟିକ ଭବିଷ୍ୟତ ନୁହେଁ; ବରଂ କଂଗ୍ରେସରେ ଅବହେଳା ଓ ନିଷ୍ଠୁର ଆନ୍ତରିକ ରାଜନୀତି।
ଓଡ଼ିଶାରେ “ମୁସଲିମ ଭୋଟ ବ୍ୟାଙ୍କ” — ସତ୍ୟ, ଅସତ୍ୟ ଓ ରାଜନୀତିକ ମିଥ୍
ମୋକିମଙ୍କ ଯୋଜନା ଗୋଟେ ବଡ଼ ସୂତ୍ର ଉପରେ ଭରସା କରୁଛି : ତାହା ହେଲା “ଓଡ଼ିଶାର ମୁସଲିମ୍ ଭୋଟରମାନଙ୍କୁ ଏକାଠି କରିଦିଆଯାଉ, ସେମାନେ ରାଜନୀତିରେ ନିର୍ଣ୍ଣାୟକ ହେବେ।”
ହଁ- କେତେକ ଅଞ୍ଚଳରେ ଏହା ସତ । କିନ୍ତୁ ପୂରା ଓଡ଼ିଶା ପାଇଁ ଏହା ଏତେ ସହଜ ଇକୁଏସନ୍ ନୁହେଁ।
ଆସନ୍ତୁ ଟିକେ ନଜର ପକାିବା ଓଡ଼ିଶାରେ ମୁସଲିମ ପ୍ରଭାବ – କେଉଁ କେଉଁ ଶକ୍ତିଶାଳୀ?
ପ୍ରଥମରେ ଭଦ୍ରକ — ୩୫%
କଟକ- ଅନେକ ବସ୍ତିରେ ୨୦-୩୦%
ବାଲେଶ୍ୱର, କେନ୍ଦ୍ରା, ଯାଜପୁର- ୧୦-୨୦%
ପିପିଲି, ଜଟଣୀ, ସାଲେପୁରରେ – ୧୫-୨୫%
ଏହି ସମସ୍ତ ଅଞ୍ଚଳରେ ମୁସଲିମ ଭୋଟରମାନେ କିଙ୍ଗମେକର୍ ହୋଇପାରନ୍ତି।
କିନ୍ତୁ ମୁସଲିମ ଭୋଟ ଏକତ୍ରୀକରଣ କାଗଜରେ ସହଜ, କିନ୍ତୁ ଫିଲ୍ଡରେ ନୁହେଁ। ମୁସଲିମ୍ ସମୁଦାୟ ଓଡ଼ିଶାରେ ଏକ ଏକାଧିକ ଉପସମୁଦାୟରେ ବିଭକ୍ତ , ଯେମିତିକି —
• କଟକିଆ
• ଭଦ୍ରକିଆ
• ସୋନପୁରିଆ
• ମାର୍କଣ୍ଡ
• କୋଶଳ ଅଞ୍ଚଳର ସମୁଦାୟ
ଏହି ସଙ୍ଗଠିତ ଧାରା- ଏଠାରେ ମହାବ୍ୟାପକ ନୁହେଁ।
ତା ସହ ଅଛି- କଂଗ୍ରେସ, ବିଜେଡିର ପୁରୁଣା ସାମାଜିକ ମୂଳ।
ତେଣୁ ଏହା କୌଣସି ଏଆଇ ଏମ ଆଏମ କପି ଫର୍ମୁଲାରେ ସଫଳ ହେବା ସହଜ କଥା ନୁହେଁ।
ଓୱେସୀ ମଡ଼େଲ୍ — ଓଡ଼ିଶାରେ ସଫଳ ହେବ?
ଏଠାରେ ମୋକିମଙ୍କ ପ୍ରେରଣା ସ୍ପଷ୍ଟ- ଏଆଇ ଏମ ଆଏମ ମଡ଼େଲ୍ । ମୁସଲିମ୍ ରାଜନୀତିରେ ଗଠିତ, ସଂଗଠିତ, ବିକେନ୍ଦ୍ରୀତ କିନ୍ତୁ ପ୍ରଭାବଶାଳୀ ଉପସ୍ଥିତି।
କିନ୍ତୁ ଏଠି ଆଣ୍ଟି–ନାରେଟିଭ୍ କହୁଛି?
ସତ୍ୟ ୧: ଓଡ଼ିଶା ହେଉଛି ସାମାଜିକ ଭାବେ ବହୁତ କମ୍ ପୋଲାରାଇଜ୍ଡ
• ଉତ୍ତର ପ୍ରଦେଶ ନୁହେଁ
• ବିହାର ନୁହେଁ
• କର୍ଣ୍ଣାଟକ ମଡ଼େଲ୍ ମଧ୍ୟ ଏଠି ପ୍ରୟୋଗ ହୁଏନି
ଓଡ଼ିଶା ଯେତେ ଧର୍ମନିରପେକ୍ଷ, ସେତେ ରାଜନୀତିକ ଭାବେ ମଧ୍ୟ ମିଶ୍ରିତ। ଏଠି ପୋଲାରାଇଜେସନ୍ “ବାଣ୍ଟିଚାଲ” ପ୍ରାୟୋଗିକ ନୁହେଁ।
ସତ୍ୟ ୨: ମୁସଲିମ୍ ଭୋଟରମାନେ ଏଠି Development-first voters
ଓୱେସୀଙ୍କ ଅନେକ ରାଜ୍ୟରେ ଭୋଟରମାନେ ମୂଳତଃ ଧର୍ମୀୟ ପୋଲାରିଜେସନ୍ରେ।
କିନ୍ତୁ ଓଡ଼ିଶାରେ ବିକାଶ, ଶିକ୍ଷା, ରୋଜଗାର ଓ ଗ କ୍ଷେତ୍ରର ସମସ୍ୟା ସବୁଠୁ ବଡ଼।
ଧର୍ମୀୟ ଅଭିଯୋଗରେ ଏଠାରେ ଭୋଟ ସଂକେତିକ ନୁହେଁ।
ସତ୍ୟ ୩: ମୋକିମଙ୍କର ନିଜ ରାଜନୀତିକ ସମର୍ଥନ AIMIM ଭଳି ଅଛି କି?
ସତ କଥା ହେଉଛି – ନା।
ମୋକିମଙ୍କ ପରିଚୟ ରହିଛି -କିନ୍ତୁ ରାଜ୍ୟବ୍ୟାପୀ ସଂଗଠନ?
କଠିନ?
ଫଣ୍ଡିଂ?
ଗ୍ରାସରୁଟ୍ କାଡର୍?
ଏସବୁ AIMIM-ସ୍ତରରେ ନାହିଁ।
ସୋଫିଆଙ୍କ ରାଜନୀତି — ସବୁଠୁ ବଡ଼ ପ୍ରଶ୍ନ
ମୋକିମଙ୍କ ମୁସଲିମ ଦଳ ଗଠନର ସବୁଠୁ ଅସଲ୍ ଆଣ୍ଟି-ନାରେଟିଭ୍ :
ଯଦି ସେ ନୂଆ ଦଳ ଗଢ଼ିବେ, ତେବେ ସୋଫିଆ କ’ଣ କରିବେ?
• ସେ କଂଗ୍ରେସର ବିଧାୟକା
• ଦଳ ଏକ ନୂଆ ମୁସଲିମ୍ ମୁହଁ ଭାବେ ତାଙ୍କୁ ପ୍ରଚାର କରୁଛି
• ସେ ନିଜର ପଥ ସୃଷ୍ଟି କରୁଛନ୍ତି
ମୋକିମଙ୍କ ଏହି ପଦକ୍ଷେପ ସୋଫିଆଙ୍କ ପାଇଁ ଏକ ଦୁର୍ଲଭ ଦ୍ୱନ୍ଦ ସୃଷ୍ଟି କରିପାରେ ।
ଯଦି ନୂଆ ଦଳ ଆସିବେ – ସୋଫିଆ ପାଇଁ ଆସନ୍ତା ୨୦୨୯ ନିର୍ବାଚନ ରାଜନୀତିକ ସ୍ଥିତି ଧୂସର ହେବ।
ଏହା ଓଡ଼ିଶାର ପାଇଁ କି?
୧. ମୁସଲିମ୍ ଭୋଟ ବିଭକ୍ତ ହେବେ
ସବୁଠୁ ପ୍ରଥମ ପରିଣାମ- ବିଜେପି ଲାଭ କରିବେ, କାରଣ ବିପକ୍ଷର ମୁସଲିମ୍ ଭୋଟ ବାଣ୍ଟି ହୋଇଯିବ।
୨. ବିଜେଡି–କଂଗ୍ରେସ ପାଇଁ ଏହା ହେବ “Third force shock”
ଗତ ଦଶକ ଧରି ଦୁଇ ଦଳ ମୁସଲିମ୍ ଭୋଟକୁ Shared Constituency ଭାବେ ରଖିଆସୁଛି।
ଏବେ ସେଠାରେ ଏକ ନୂଆ ଖେଳାଳି ପଶିବାରେ ଗଣିତ ବଦଳିଯିବ।
୩. ରାଜ୍ୟର ସାମାଜିକ ସମାନ୍ତାରେ ଭାଙ୍ଗନ ସମ୍ଭାବନା ରହିଛି।
ଓଡ଼ିଶା ଏକ ସାମାଜିକ ଭାବେ ଧର୍ମ-ସମ୍ପ୍ରୀତି ରାଜ୍ୟ। ଯଦି ଧର୍ମଭିତ୍ତିକ ରାଜନୀତି ପ୍ରବେଶ କରେ -ଏହା ସମାଜକୁ ବିଭଜିତ କରିପାରେ।
୪. ମୁସଲିମ୍ ସମୁଦାୟରେ ବିପରୀତ ପ୍ରତିକ୍ରିୟା
ସମୁଦାୟର ସମସ୍ତେ ଏହି ନୂଆ ରାଜନୀତିକ ପଥର ପକ୍ଷରେ ହେବେ ନାହିଁ କାରଣ ତାଙ୍କ ମଧ୍ୟରେ Development-first ଚିନ୍ତାଧାରା ବହୁତ ଶକ୍ତିଶାଳୀ।
ମୋକିମଙ୍କ ନୂଆ ଦଳ – ରାଜନୀତିକ ସାହସ କି ଜୁଆ?
ମୋକିମଙ୍କ ଦଳ ଗଠନ କୌଣସି ସାଧାରଣ ରାଜନୀତିକ ଘଟଣା ନୁହେଁ।
ଏହା ଏକ ଅସନ୍ତୋଷର ପ୍ରତିଫଳ, ଗଣିତର ଏକ ଲାଲସା, ଏବଂ ରାଜ୍ୟର ଶକ୍ତି ସମୀକରଣକୁ ପରିବର୍ତ୍ତନ କରିବାର ଏକ ରଣନୀତି।
କିନ୍ତୁ ଏହାର ଆଣ୍ଟି–ନାରେଟିଭ୍ ସପୋଟ କହୁଛି –
ଏହି ପଦକ୍ଷେପ ଏବେ ଯେଉଁତିକି ମୁସଲିମ୍ ସମୁଦାୟକୁ ସଶକ୍ତିକରଣ କରିଦେବ, ସେତେ ଯଥେଷ୍ଟ ସମ୍ଭାବନା ଅଛି – ଏହା ବିଭାଜନ, ଭୋଟ ବାଣ୍ଟନ ଓ ସମାଜରେ ଅପରିହାର୍ଯ୍ୟ ରାଜନୀତିକ ଧ୍ରୁବୀକରଣକୁ ଆଣିଦେବ।
ମୋକିମ ଏହି ଖେଳରେ ଜିତିବେ କି ହାରିବେ- କହିବା ଶୀଘ୍ର, କିନ୍ତୁ ନିଶ୍ଚିତ – ଓଡ଼ିଶା ରାଜନୀତିରେ ଏହା ହେବ ଏକ ଭୂତଳ କମ୍ପାଉଥିବା ପରିବର୍ତ୍ତନ। ଯଦି ଆପଣଙ୍କୁ ଆମ ଭିଡ଼ିଓ ଭଲ ଲାଗିଲା ତା ହେଲେ ଚ୍ୟାନେଲକୁ ଲାଇକ ସବସ୍କାଇବ , ସେୟାର କରିବାକୁ ଜମାରୁ ଭୁଲିବେନି । ପୁଣି ଆଉ ଏକେ ରାଜନୈତିକ ପ୍ରସଙ୍ଗ ସହ ପୁଣି ଦେଖା ହେବ ରହିଲୁ ନମସ୍କାର ।
also read https://purvapaksa.com/situation-is-worrying-naveen-slams-bjp-over-exam-cancellation/
