Eagle: ପୃଥିବୀରେ ଜନ୍ମିତ ପ୍ରତ୍ୟେକ ମନୁଷ୍ୟ ଓ ପ୍ରାଣୀ ମରିବା ନିଶ୍ଚିତ। କିନ୍ତୁ ଆଜି ଆମେ ଆପଣଙ୍କୁ ଏମିତି ଏକ ପକ୍ଷୀ ବିଷୟରେ କହିବାକୁ ଯାଉଛୁ ଯାହାର ମୃତ୍ୟୁ ପୂର୍ବରୁ ପୁନର୍ଜନ୍ମ ହୋଇପାରିବ। ଜାଣନ୍ତୁ ଏହା କେଉଁ ପକ୍ଷୀ…
ପୃଥିବୀରେ ଲକ୍ଷ ଲକ୍ଷ ପ୍ରଜାତିର ପ୍ରାଣୀ ଦେଖାଯାଆନ୍ତି। ପ୍ରତ୍ୟେକ ଜୀବର ନିଜସ୍ୱ ବିଶେଷତ୍ୱ ଅଛି। କିନ୍ତୁ ଏସବୁ ସତ୍ତ୍ୱେ, ଗୋଟିଏ ଧ୍ରୁବସତ୍ୟ ରହିଛି। ତାହା ହେଉଛି ‘ମୃତ୍ୟୁ’। ମଣିଷ ହୁଅନ୍ତୁ କିମ୍ବା ପୃଥିବୀରେ ଜନ୍ମ ହୋଇଥିବା ପ୍ରାଣୀ, ସମସ୍ତଙ୍କର ମୃତ୍ୟୁ ନିଶ୍ଚିତ। କିନ୍ତୁ ପୃଥିବୀରେ ଏପରି ଏକ ପକ୍ଷୀ ରହିଛି,ଯିଏ ନିଜ ଜୀବନକାଳରେ ଦୁଇଥର ଜନ୍ମ ନିଏ। ଯିଏ ନିଜ ମୃତ୍ୟୁ ପୂର୍ବରୁ ନିଜ ବୟସ ଦ୍ୱିଗୁଣିତ କରିଦିଏ। ଆଶ୍ଚର୍ଯ୍ୟ ଲାଗୁଥିଲେ ବି ଏହା ସତ୍ୟ।
ପୃଥିବୀରେ ମାନବ ଜନସଂଖ୍ୟା ୮ଶହ କୋଟି ଅତିକ୍ରମ କରିଥିବାବେଳେ, ଏହି ଗ୍ରହରେ ଅଗଣିତ ପଶୁ ଏବଂ ପକ୍ଷୀ ଅଛନ୍ତି। ଏଭଳି ଅନେକ ପ୍ରାଣୀ ଅଛନ୍ତି ଯାହାଙ୍କୁ ମଣିଷ ଆଜି ପର୍ଯ୍ୟନ୍ତ ଆବିଷ୍କାର କରିପାରି ନାହିଁ। କିନ୍ତୁ ଆଜି ଆମେ ଆପଣଙ୍କୁ ଏପରି ଏକ ପ୍ରାଣୀ ବିଷୟରେ କହିବାକୁ ଯାଉଛୁ ଯାହା ମରିବା ପୂର୍ବରୁ ନିଜ ବୟସ ବୃଦ୍ଧି କରେ। ହଁ, ଏହା ପଢ଼ି ଆପଣ ଆଶ୍ଚର୍ଯ୍ୟ ହେବେ କିନ୍ତୁ ଏହା ସତ୍ୟ। ଏପରି ଏକ ପକ୍ଷୀ ଅଛି ଯିଏ ନିଜ ବୟସ ବୃଦ୍ଧି କରିପାରିବ।
ମୃତ୍ୟୁ ହିଁ ସତ୍ୟ
ପୃଥିବୀରେ ଯିଏ ଜନ୍ମ ହୁଏ,ତାହାର ମୃତ୍ୟୁ ନିଶ୍ଚିତ। ସନାତନ ଧର୍ମରେ ଏହାକୁ ମର୍ତ୍ତ୍ୟ ଜଗତ କୁହାଯାଏ। କାରଣ ଆଜି ପର୍ଯ୍ୟନ୍ତ ପୃଥିବୀରେ ଜନ୍ମ ହୋଇଥିବା ସବୁ ପ୍ରାଣୀ,ତେଣିକି ସେମାନେ ରାଜା ଏବଂ ସମ୍ରାଟ୍ ହୁଅନ୍ତୁ କି ସାଧାରଣ ବ୍ୟକ୍ତି କେହି ମଧ୍ୟ ନିଜ ମୃତ୍ୟୁକୁ ଏଡ଼ାଇ ପାରିନାହାନ୍ତି। କିନ୍ତୁ ବୈଜ୍ଞାନିକଙ୍କ ମତରେ, ଏପରି ଏକ ପକ୍ଷୀ ଅଛି ଯିଏ ଚାହିଁଲେ ବୃଦ୍ଧାବସ୍ଥା ପରେ ପୁଣି ଯୁବକ ହୋଇପାରିବ। ଅର୍ଥାତ୍ ଏହି ପକ୍ଷୀ ବୁଢା ହେବା ପୂର୍ବରୁ ନିଜକୁ ପୁଣି ଯୁବକ କରିଦିଏ। ପ୍ରକୃତରେ ୪୦ ବର୍ଷ ଯାଏ ବଞ୍ଚୁଥିବା ଏହି ପକ୍ଷୀ ଚାହିଁଲେ ୩୦ ବର୍ଷ ଅଧିକ ବଞ୍ଚିପାରିବ। ଅର୍ଥାତ୍ ସର୍ବମୋଟ୍ ୭୦ ବର୍ଷ। କିନ୍ତୁ ଏସବୁ ସେହି ପକ୍ଷୀ ଉପରେ ନିର୍ଭର କରେ। କାରଣ ଅଧିକ ୩୦ ବର୍ଷ ବଞ୍ଚିବାକୁ ତାଙ୍କୁ ପ୍ରାୟ ୫ରୁ ୬ମାସ ଭୀଷଣ ଯନ୍ତ୍ରଣା ଦେଇ ଗତି କରିବାକୁ ପଡେ଼।
ଏହି ପକ୍ଷୀର ନାମ କ’ଣ?
ଏବେ ଆପଣଙ୍କ ମନରେ ପ୍ରଶ୍ନ ଆସୁଥିବ ଯେ ଏହି ପ୍ରାଣୀଟି କିଏ ଯାହା ନିଜ ବୟସ ବୃଦ୍ଧି କରେ? ଏହି ପକ୍ଷୀର ନାମ ହେଉଛି ଇଗଲ୍। ସୂଚନା ଅନୁଯାୟୀ ଇଗଲ ଘଣ୍ଟା ପ୍ରତି ୩୨୦ କିଲୋମିଟର ବେଗରେ ଆକାଶରେ ଉଡ଼େ। ଇଗଲର ଡେଣା ପତଳା ଏବଂ ବଙ୍କା, ଯାହା ଫଳରେ ସେ ସାଧାରଣ ଗତି ଅପେକ୍ଷା ଅଧିକ ଦ୍ରୁତ ଗତିରେ ଉଡ଼ିପାରେ। ସମସ୍ତେ ଇଗଲ ବିଷୟରେ ଗୋଟିଏ ଧାଡ଼ି ବ୍ୟବହାର କରନ୍ତି – ତାହା ହେଉଛି ‘ଇଗଲର ଆଖି’। ପ୍ରକୃତରେ କେହି ମଧ୍ୟ ଇଗଲ ଆଖିରୁ ବର୍ତ୍ତି ପାରିବେ ନାହିଁ।
ଦୁଇଥର ଜନ୍ମ ନିଏ ଇଗଲ
ସୂଚନା ଅନୁଯାୟୀ, ଗରୁଡ଼ ପକ୍ଷୀ ନିଜ ଜୀବନରେ ଦୁଇଥର ଜନ୍ମ ନେଇପାରେ। ତେବେ ଏହି ନିଷ୍ପତ୍ତି ତା’କୁ ନିଜେ ନେବାକୁ ପଡ଼ିଥାଏ। ଆପଣଙ୍କୁ କହିରଖୁଛୁ ଯେ ଏକ ଇଗଲ ପକ୍ଷୀର ହାରାହାରି ଆୟୁଷ ୪୦ ବର୍ଷ, କିନ୍ତୁ ଯଦି ଏହା ଚାହିଁବ, ତେବେ ଏହା ଆହୁରି ୩୦ ବର୍ଷ ବଞ୍ଚିପାରିବ। ଗବେଷଣା ଅନୁଯାୟୀ, ୪୦ ବର୍ଷ ବୟସରେ ପହଞ୍ଚିବା ପରେ ଚିଲର ଉଡ଼ିବା କ୍ଷମତା ହ୍ରାସ ପାଇବାକୁ ଲାଗେ। ଏହାପରେ ସେ ଯାଇ ଏକ ଉଚ୍ଚ ସ୍ଥାନରେ ବସିଥାଏ। ଏହି ସମୟରେ, ସେ ପଥରରେ ଘସି ନଖ ଭାଙ୍ଗିଦିଏ ଏବଂ ନିଜ ଥଣ୍ଟ ସାହାଯ୍ୟରେ ନିଜର ପରକୁ ଟାଣି ଭିଣିଦିଏ। କେବଳ ଏତିକି ନୁହେଁ, ଶେଷରେ ସେ ପଥରରେ ଆଘାତ କରି ନିଜ ଥଣ୍ଟକୁ ଭାଙ୍ଗିଦିଏ। ଏହା ପରେ ସେ ପ୍ରାୟ ୫ ମାସ ପର୍ଯ୍ୟନ୍ତ ଯନ୍ତ୍ରଣାରେ ସେଠାରେ ପଡ଼ି ରହେ। ଏହି ସମୟରେ ତା’ ଶରୀରରେ ନୂତନ ପର, ନଖ ଏବଂ ଥଣ୍ଟ ଅଙ୍କୁରିତ ହୁଏ। ଯାହାପରେ ସେ ପୁଣିଥରେ ଉଚ୍ଚରେ ଉଡ଼ି ଶିକାର କରିବାକୁ ପ୍ରସ୍ତୁତ ହୁଏ। ବିଶେଷଜ୍ଞଙ୍କ ମତରେ, ଜୀବନର ଦ୍ୱିତୀୟ ଇନିଂସରେ, ଇଗଲ ପକ୍ଷୀ ପ୍ରାୟ ୩୦ ବର୍ଷ ବଞ୍ଚିଥାଏ। ତେବେ ଏଥିପାଇଁ ତାକୁ ଅନେକ କିଛି ଯନ୍ତ୍ରଣାଦେଇ ଗତି କରିବାକୁ ପଡ଼ିଥାଏ।
ସମ୍ଭାଜୀଙ୍କ ପରେ କେମିତି ସାହୁଜୀ ମରାଠା ବିଦ୍ରୋହର ଧ୍ୱାଜାବାହକ ହୋଇ ମୋଗଲ ସାମ୍ରାଜ୍ୟର ପତନର କାରଣ ହେଲେ?
