ବିଳାସପୂର୍ଣ୍ଣ କ୍ରୁଜ୍ ଜାହାଜ ଏମ୍.ଭି.ହୋଣ୍ଡିଅସ୍ ରେ ‘ହଣ୍ଟା ଭାଇରସ୍’ ମାମଲା ଚିହ୍ନଟ ହୋଇଛି । ଯାହା ୧୪୭ଜଣ ଯାତ୍ରୀ ଏବଂ କ୍ରୁ ସଦସ୍ୟଙ୍କୁ ନେଇ ଆଟଲାଣ୍ଟିକ ମହାସାଗର ପାର ହୋଇ ଏକ ଯାତ୍ରା ଆରମ୍ଭ କରିଥିଲା । WHO ଅନୁଯାୟୀ, ସଂକ୍ରମଣରେ ଏପର୍ଯ୍ୟନ୍ତ ତିନି ଜୀବନ ଗଲାଣି । ପ୍ରଭାବିତଙ୍କ ଠାରେ ଜ୍ୱର, ଗୁରୁତର ପାକସ୍ଥଳୀ ସମସ୍ୟା, ଦ୍ରୁତ ଗତିରେ ବଢ଼ୁଥିବା ନିମୋନିଆ ଏବଂ ଆକ୍ୟୁଟ୍ ରେସପିରେଟ୍ରି ଡିଷ୍ଟ୍ରେସ୍ ସିଣ୍ଡ୍ରୋମ୍ ଭଳି ଲକ୍ଷଣ ଦେଖିବାକୁ ମିଳିଛି । ବିଶ୍ୱ ସ୍ୱାସ୍ଥ୍ୟ ସଂଗଠନ ଅନୁଯାୟୀ, ପ୍ରଭାବିତ ବ୍ୟକ୍ତିମାନଙ୍କୁ ବର୍ତ୍ତମାନ କ୍ରୁଜ୍ ଜାହାଜରେ ସିଧାସଳଖ ପୃଥକ କରାଯାଇ ଚିକିତ୍ସା କରାଯାଉଛି । ତଥାପି, ଗୁରୁତ୍ୱପୂର୍ଣ୍ଣ ପ୍ରଶ୍ନ ରହିଛି କି ଏ ଭାଇରସ୍ ମଣିଷ ପାଖକୁ ଡେଇଁଲା କିପରି ?
ହଣ୍ଟା ଭାଇରସ୍ ପ୍ରକୃତରେ କ’ଣ?
ସଂକ୍ରମିତ ମୂଷା (ଯେପରିକି ମୂଷା, ଗୁଣ୍ଡୁଚିମୂଷା ଜାତୀୟ ପ୍ରାଣୀ)ଙ୍କ ମୂତ୍ର, ମଳ କିମ୍ବା ଲାଳ ସଂସ୍ପର୍ଶରେ ଆସିଲେ ମଣିଷ ହଣ୍ଟା ଭାଇରସ୍ ର ସଂକ୍ରମଣରେ ପଡିଥାଏ । ଏହି ଭାଇରସ୍ ମଣିଷରୁ ମଣିଷକୁ ସଂକ୍ରମଣ ହେବା ଘଟଣା ଅତ୍ୟନ୍ତ ବିରଳ । ପ୍ରଥମ ମାମଲା ୧୯୯୬ରେ ରିପୋର୍ଟ କରାଯାଇଥିଲା । ପରବର୍ତ୍ତୀ ସମୟରେ ତଦନ୍ତରୁ ଜଣାପଡ଼ିଥିଲା ଯେ ଆଣ୍ଡେସ୍ ଭାଇରସ୍ ଭାବରେ ଜଣାଶୁଣା ହଣ୍ଟା ଭାଇରସ୍ ର ଏକ ନିର୍ଦ୍ଦିଷ୍ଟ ପ୍ରବାହ ଯୋଗୁଁ ଏହି ପ୍ରକୋପ ଘଟିଥିଲା । ଏହି ବିଶେଷ ପ୍ରଜାତି ହେଉଛି ମଣିଷରୁ ମଣିଷକୁ ସଂକ୍ରମଣକୁ ସହଜ କରିବାରେ ସକ୍ଷମ । ବର୍ତ୍ତମାନ, କ୍ରୁଜ୍ ଜାହାଜରେ ଭାଇରସ୍ କିପରି ବ୍ୟାପିଥିଲା ତାହା ଏପର୍ଯ୍ୟନ୍ତ ନିଶ୍ଚିତ ହୋଇନାହିଁ ।
ହଣ୍ଟା ଭାଇରସ୍ ସମ୍ବନ୍ଧିତ ସିଣ୍ଡ୍ରୋମ୍ ଏବଂ ଲକ୍ଷଣ
ସିଡିସି ଅନୁଯାୟୀ, ହଣ୍ଟା ଭାଇରସ୍ ମୁଖ୍ୟତଃ ଦୁଇ ପ୍ରକାରର ସିଣ୍ଡ୍ରୋମ୍ ସୃଷ୍ଟି କରେ । ହଣ୍ଟା ଭାଇରସ୍ ପଲ୍ମୋନାରୀ ସିଣ୍ଡ୍ରୋମ୍ (HPS) ଏବଂ ରେନାଲ୍ ସିଣ୍ଡ୍ରୋମ୍ (HFRS) ସହିତ ହେମୋରେଜିକ୍ ଫିଭର୍ । ଏହି ଉଭୟ ଶରୀରରେ ଭିନ୍ନ ଭିନ୍ନ ଲକ୍ଷଣ ସହିତ ପ୍ରକାଶିତ ହୁଏ । ସାଧାରଣତଃ, ଭାଇରସ୍ ସଂସ୍ପର୍ଶରେ ଆସିବା ପରେ ଦୁଇରୁ ଚାରି ସପ୍ତାହ ମଧ୍ୟରେ HPS ର ଲକ୍ଷଣ ଦେଖାଯାଏ । ତଥାପି, କିଛି କ୍ଷେତ୍ରରେ ଏହା ସଂସ୍ପର୍ଶରେ ଆସିବାର ଗୋଟିଏ ସପ୍ତାହ ପୂର୍ବରୁ କିମ୍ବା ଆଠ ସପ୍ତାହ ପରେ ଦେଖାଯାଇପାରେ ।
ହଣ୍ଟା ଭାଇରସ୍ ପଲ୍ମୋନାରୀ ସିଣ୍ଡ୍ରୋମ୍ (HPS) ର ଲକ୍ଷଣ
ଏହା ହଣ୍ଟା ଭାଇରସ୍ ସଂକ୍ରମଣର ଏକ ଗମ୍ଭୀର ଏବଂ ଜୀବନ ପ୍ରତି ବିପଦପୂର୍ଣ୍ଣ ରୂପ ଯାହା ମୁଖ୍ୟତଃ ଫୁସଫୁସକୁ ପ୍ରଭାବିତ କରେ । ଏହାର ଲକ୍ଷଣଗୁଡ଼ିକ ହେଉଛି :
- ଥକ୍କାପଣ
- ଜ୍ୱର
- ମାଂସପେଶୀ ଯନ୍ତ୍ରଣା
- ମଥାବ୍ୟଥା
- ମୁଣ୍ଡ ବୁଲେଇବା
- ଥଣ୍ଡା
- ଗ୍ୟାଷ୍ଟ୍ରୋଇଣ୍ଟେଷ୍ଟାଲ୍ ସମସ୍ୟା, ଯେପରିକି ବାନ୍ତି, ଡାଇରିଆ, ପେଟ ଯନ୍ତ୍ରଣା, ଇତ୍ୟାଦି।
ପ୍ରାୟ 10 ଦିନ ପରେ, ଜଣେ ପ୍ରଭାବିତ ବ୍ୟକ୍ତିଙ୍କଠାରେ ଲକ୍ଷଣଗୁଡ଼ିକ ଅଧିକ ଖରାପ ସ୍ତିତିକୁ ଯିବା ଆରମ୍ଭ କରେ । ସେମାନଙ୍କୁ ନିଶ୍ୱାସ ନେବାରେ କଷ୍ଟ ହେବା ସହିତ ଏକ ନିରନ୍ତର କାଶ ହୋଇପାରେ । ଫୁସଫୁସରେ ତରଳ ପଦାର୍ଥ ଜମା ହେବା ସହିତ, ବ୍ୟକ୍ତି ଛାତି ଟାଣ ଅନୁଭବ କରିପାରେ । HPS ଦ୍ୱାରା ପ୍ରଭାବିତ ପ୍ରାୟ ୩୮% ଲୋକ ଶ୍ୱାସକ୍ରିୟା ପ୍ରଣାଳୀରେ ଜଟିଳତା ଅନୁଭବ ଯୋଗୁଁ ପ୍ରାଣ ହରାଇପାରନ୍ତି ।
ରେନାଲ୍ ସିଣ୍ଡ୍ରୋମ୍ (HFRS) ସହିତ ହେମୋରେଜିକ୍ ଫିଭରର ଲକ୍ଷଣ
ଏହା ହାଣ୍ଟାଭାଇରସ୍ ସଂକ୍ରମଣର ଏକ ଗମ୍ଭୀର ଏବଂ ଜୀବନ ପ୍ରତି ବିପଦପୂର୍ଣ୍ଣ ରୂପ ଯାହା କିଡନୀକୁ ମଧ୍ୟ ପ୍ରଭାବିତ କରେ । ଏହାର ଲକ୍ଷଣ ଗୁଡ଼ିକ ଏସବୁ ହୋଇପାରେ :
- ଗମ୍ଭୀର ମୁଣ୍ଡବିନ୍ଧା
- ପିଠି ଏବଂ ପେଟରେ ଯନ୍ତ୍ରଣା
- ଜ୍ୱର କିମ୍ବା ଥଣ୍ଡା ଲାଗିବା
- ବାନ୍ତି
- ଝାପସା ଦୃଷ୍ଟି
- ମୁଖ, ଆଖି କିମ୍ବା ଶରୀରରେ ଲାଲପଣ କିମ୍ବା ଫୋଟକା
- କମ୍ ରକ୍ତଚାପ
- ରକ୍ତ ପ୍ରବାହ ବାଧାପ୍ରାପ୍ତ / ତୀବ୍ର ହୃଦଘାତ ଭଳି ଅନୁଭବ
- ଆଭ୍ୟନ୍ତରୀଣ ରକ୍ତସ୍ରାବ (ଭାସ୍କୁଲାର ଲିକେଜ୍)
- ବୃକକ୍ ବିଫଳତା
ହାଣ୍ଟାନ୍ ଏବଂ ଡୋବ୍ରାଭା ଭାଇରସ୍ (HFRS) ସହିତ ଜଡିତ ଷ୍ଟ୍ରେନ୍ ସଂକ୍ରମଣ ହେବ ଦ୍ୱାରା ସବୁଠାରୁ ଗୁରୁତର ଲକ୍ଷଣଗୁଡ଼ିକୁ ଟ୍ରିଗର କରେ । ଯାହା ୫ ରୁ ୧୫% ପ୍ରଭାବିତ ବ୍ୟକ୍ତିଙ୍କ ମୃତ୍ୟୁର କାରଣ ହୋଇପାରେ।
ହଣ୍ଟା ଭାଇରସ୍ ପାଇଁ ଚିକିତ୍ସା
ଦୁର୍ଭାଗ୍ୟବଶତଃ, ଏହି ଭାଇରସ୍ ପାଇଁ ଆଜି ପର୍ଯ୍ୟନ୍ତ କୌଣସି ନିର୍ଦ୍ଦିଷ୍ଟ ବା ନିଶ୍ଚିତ ଚିକିତ୍ସା ବିକଶିତ ହୋଇନାହିଁ । ପ୍ରଭାବିତ ବ୍ୟକ୍ତିମାନେ ଭାଇରସ୍ ଦ୍ୱାରା ଦେଖା ଦେଇଥିବା ଲକ୍ଷଣ ସବୁ ସୃଷ୍ଟ ହେବ ପରେ ଆକ୍ରାନ୍ତଙ୍କୁ ଉଚିତ ଯତ୍ନ ଆବଶ୍ୟକ ହୁଏ । ଏହା ସହିତ, ସେମାନଙ୍କୁ ପ୍ରଚୁର ବିଶ୍ରାମ ସହ ଶରୀରରେ ଭଲ ଭାବରେ ଜଳୀୟ ଅଂଶ ନିୟନ୍ତ୍ରଣ ପ୍ରତି ସଜାଗ ରହିବାକୁ ପରାମର୍ଶ ଦିଆଯାଏ।
ଯଦି ଭାଇରସ୍ ଫୁସଫୁସକୁ ପ୍ରଭାବିତ କରେ, ତେବେ ବ୍ୟକ୍ତି ନିଶ୍ୱାସ ନେବାରେ କଷ୍ଟ ଅନୁଭବ କରିପାରନ୍ତି । ଇନଟ୍ୟୁବେସନ୍ ଭଳି ଶ୍ୱାସକ୍ରିୟା ସହାୟତା ପଦକ୍ଷେପ ପୀଡ଼ିତଙ୍କୁ ଆବଶ୍ୟକ ହୋଇଥାଏ। ଅନ୍ୟପଟେ ଯଦି ଏନେଇ ବୃକକ୍ କ୍ଷତିଗ୍ରସ୍ତ ହୁଏ, ତେବେ ରୋଗୀଙ୍କୁ ଶରୀରରୁ ବିଷାକ୍ତ ପଦାର୍ଥକୁ ଦୂର କରିବାରେ ସାହାଯ୍ୟ କରିବା ପାଇଁ ଡାଏଲିସିସ୍ ସହାୟତା ନିଆଯାଇଥାଏ।
ALSO READ : https://purvapaksa.com/why-did-mamata-banerjee-say-we-did-not-lose-the-elections-bjp-stole-100-seats/
