ଉଡ଼ାଣ ସମୟରେ ୬ଟି ବିମାନର ଇଞ୍ଜିନ ବନ୍ଦ, ୩ଟିକୁ ମେଡେ କଲ୍ କରିବାକୁ ପଡିଲା, ୨୦୨୫ର ଅଧା ଏବେ ବି ବାକି ଅଛି । ଏହି ସଂଖ୍ୟାରେ ଲଣ୍ଡନ ଗାଟୱିକ୍ ଯାଉଥିବା ଏୟାର ଇଣ୍ଡିଆର AI 171 ବିମାନ ମଧ୍ୟ ଅନ୍ତର୍ଭୁକ୍ତ । ଜୁନ୍ ୧୨ତାରିଖରେ ଅହମ୍ମଦାବାଦରୁ ଉଡ଼ାଣ ଭରିବା ପରେ ଏହି ବିମାନଟି ଦୁର୍ଘଟଣାଗ୍ରସ୍ତ ହୋଇ ଏକ କୋଠା ସହିତ ଧକ୍କା ହୋଇଥିଲା । ଆସନ୍ତୁ ଆଲୋଚନା କରିବା ଚଳିତ ବର୍ଷର ବିଗତ ୭ମାସ ମଧ୍ୟରେ କେତେ ବିମାନ ଖରାପ ଓ ଦୁର୍ଘଟଣା ହୋଇଛି, ସେ ସମ୍ପର୍କରେ କେନ୍ଦ୍ରମନ୍ତ୍ରୀ ସଂସଦକୁ କ’ଣ ସୂଚନା ଦେଇଛନ୍ତି ।
ଚଳିତ ବର୍ଷ, ଭାରତର ବେସାମରିକ ବିମାନ ଚଳାଚଳ କ୍ଷେତ୍ରରେ ସୁରକ୍ଷାକୁ ନେଇ କିଛି ଚିନ୍ତାଜନକ ଖବର ସାମ୍ନାକୁ ଆସିଛି। ବେସାମରିକ ବିମାନ ଚଳାଚଳ ମନ୍ତ୍ରାଳୟର ସୂଚନା ଅନୁଯାୟୀ, ଏହି ବର୍ଷ ଏପର୍ଯ୍ୟନ୍ତ ୬ଟି ବିମାନ ଇଞ୍ଜିନ୍ ବନ୍ଦ ହେବା ଏବଂ ୩ଟି ମେଡେ କଲ୍ ରେକର୍ଡ କରାଯାଇଛି। ବେସାମରିକ ବିମାନ ଚଳାଚଳ ରାଷ୍ଟ୍ରମନ୍ତ୍ରୀ ମୁରଲୀଧର ମୋହୋଲ ରାଜ୍ୟସଭାରେ ଏହି ତଥ୍ୟ ପ୍ରଦାନ କରିଛନ୍ତି।
ଆପଣଙ୍କୁ କହିରଖୁଛୁ ଯେ ଉଡ଼ାଣ ସମୟରେ ବନ୍ଦ ହେବା ସେତେବେଳେ ହୁଏ ଯେତେବେଳେ ବିମାନର ଗୋଟିଏ କିମ୍ବା ଅଧିକ ଇଞ୍ଜିନ ହଠାତ୍ ବନ୍ଦ ହୋଇଯାଏ । ଏହା ପାଇଲଟଙ୍କୁ ଜରୁରୀକାଳୀନ ପ୍ରକ୍ରିୟା ଅନୁସରଣ କରିବାକୁ ବାଧ୍ୟ କରେ। ସେହି ସମୟରେ, ମେଡେ କଲ୍ ହେଉଛି ବିଶ୍ୱସ୍ତରୀୟ ଜରୁରୀକାଳୀନ ସଙ୍କେତ, ଯାହାକୁ ପାଇଲଟମାନେ ବିମାନ ପ୍ରତି ଗମ୍ଭୀର ବିପଦ ଥିବାବେଳେ ବ୍ୟବହାର କରନ୍ତି।
ଏହି ଘଟଣାଗୁଡ଼ିକ ବିମାନ ସୁରକ୍ଷା ମାନଦଣ୍ଡ ଏବଂ ରକ୍ଷଣାବେକ୍ଷଣ ପ୍ରକ୍ରିୟା ଉପରେ ପ୍ରଶ୍ନ ଉଠାଇଛି। ଯେତେବେଳେ ମୁରଲୀଧର ମୋହୋଲଙ୍କୁ ପଚରାଗଲା ଯେ ସରକାର ଏୟାର ଇଣ୍ଡିଆ ଦୁର୍ଘଟଣାରେ ଷଡ଼ଯନ୍ତ୍ରର ଦିଗକୁ ମଧ୍ୟ ତଦନ୍ତ କରିବେ କି, ସେ କହିଛନ୍ତି, “ଦୁର୍ଘଟଣାର ସମ୍ଭାବ୍ୟ କାରଣ ଖୋଜିବା ପାଇଁ ପ୍ରତ୍ୟେକ ଦିଗର ତଦନ୍ତ କରାଯାଉଛି।”
)
ସୂଚନା ପାଇଁ, ୩୦ ଜୁଲାଇ ୨୦୨୫ରେ, ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (DGCA) ଏହାର ବାର୍ଷିକ ଅଡିଟ୍ ସମୟରେ ଏୟାର ଇଣ୍ଡିଆରେ ୫୧ଟି ସୁରକ୍ଷା ତ୍ରୁଟି ଚିହ୍ନଟ କରିଥିଲା। ଏହି ତ୍ରୁଟି ମଧ୍ୟରୁ ସାତଟିକୁ ଗମ୍ଭୀର ସ୍ତର ଉଲ୍ଲଂଘନ ଭାବରେ ବର୍ଣ୍ଣନା କରାଯାଇଥିଲା। ୩୦ଜୁଲାଇ ସୁଦ୍ଧା ଏହାକୁ ସଂଶୋଧନ କରିବାକୁ ଏୟାରଲାଇନ୍ସକୁ ନିର୍ଦ୍ଦେଶ ଦିଆଯାଇଛି। ଅବଶିଷ୍ଟ ୪୪ଟି ତ୍ରୁଟି ୨୩ ଅଗଷ୍ଟ ସୁଦ୍ଧା ସଂଶୋଧନ କରିବାକୁ କୁହାଯାଇଛି।
ALSO READ https://purvapaksa.com/for-puri-jagannath-temple-security-proposes-jail-terms-non-bailable-warrants/
