Author: NAZMEEN PARWEEN

ଯେଉଁଠି ଜ୍ଞାନର ଆଲୋକ ବିଛୁରିତ ହେବା କଥା, ଯେଉଁଠି ଭବିଷ୍ୟତର ନାଗରିକ ଗଢ଼ା ହେବା କଥା, ସେଇ ଶିକ୍ଷାର ମନ୍ଦିର ଏବେ କଳଙ୍କିତ। ଉତ୍ତର ଓଡ଼ିଶାର ପ୍ରାଣକେନ୍ଦ୍ର କୁହାଯାଉଥିବା ବାଲେଶ୍ୱରର ଐତିହାସିକ ଫକୀର ମୋହନ (ଏଫ୍.ଏମ୍) ସ୍ୱୟଂଶାସିତ ମହାବିଦ୍ୟାଳୟ ଏବେ ପାଠପଢ଼ା ପାଇଁ ନୁହେଁ, ବରଂ ଶିକ୍ଷକ ରୂପୀ କାମୁକମାନଙ୍କ କଳା କାରନାମା ପାଇଁ ଚର୍ଚ୍ଚାର ଶିରୋନାମାରେ। ଛାତ୍ରୀମାନଙ୍କୁ ସୁରକ୍ଷା ଦେବା ପରିବର୍ତ୍ତେ ସେମାନଙ୍କୁ ଯୌନ ଶୋଷଣର ଶିକାର କରାଯାଉଥିବା ଭଳି ସାଂଘାତିକ ଅଭିଯୋଗ ଏବେ ସମଗ୍ର ଶିକ୍ଷା ବ୍ୟବସ୍ଥା ଉପରେ ଏକ ବଡ଼ ପ୍ରଶ୍ନବାଚୀ ସୃଷ୍ଟି କରିଛି। ସୌମ୍ୟାଶ୍ରୀଙ୍କ ବଳିଦାନ: ସିଷ୍ଟମ୍ କ’ଣ ଶିଖିଲା? ମନେପଡ଼େ ଗତ ବର୍ଷ ଜୁଲାଇ ମାସର ସେହି କାଳରାତ୍ରି। ବିଇଡି ବିଭାଗର ମେଧାବୀ ଛାତ୍ରୀ ସୌମ୍ୟାଶ୍ରୀ ବିଶିଙ୍କୁ ତାଙ୍କର ବିଭାଗୀୟ ମୁଖ୍ୟ ସମୀର କୁମାର ସାହୁ ବାରମ୍ବାର ଯୌନ ନିର୍ଯ୍ୟାତନା ଦେଇ ଆସୁଥିଲେ। ଜଣେ ଗୁରୁ କିଭଳି ନିଜ ପଦବୀର ଦୁରୁପଯୋଗ କରି ଜଣେ…