Author: Sarasinee Subudhi

ହରେକୃଷ୍ଣ ମହତାବ ରାଜ୍ୟ ଗ୍ରନ୍ଥାଗାରରେ ପଡିଛି କର୍ମଚାରୀ ମରୁଡ଼ି। ୪୩ଟି ମଞ୍ଜୁରୀପ୍ରାପ୍ତ ପଦ ଥ‌ିବା ବେଳେ ମାତ୍ର ୨ ଜଣ ନିୟମିତ କର୍ମଚାରୀ କାର୍ଯ୍ୟରତ ଅଛନ୍ତି । ଫଳରେ ପ୍ରାୟ ୨ ଲକ୍ଷରୁ ଅଧିକ ବହିର ରକ୍ଷଣାବେକ୍ଷଣରେ ବାଧା ଉପୁଜୁଛି। କର୍ମଚାରୀ ଅଭାବରୁ ଗବେଷକମାନେ ମଧ୍ୟ ବହି ପାଇ ପାରୁନାହାନ୍ତି। ଦୈନିକ ୬ ଶହରୁ ଅଧିକ ପିଲା ବିଭିନ୍ନ ପ୍ରତିଯୋଗିତାମୂଳକ ପରୀକ୍ଷା ପ୍ରସ୍ତୁତି କରିବାକୁ ଏଠାରେ ପଢୁଛନ୍ତି। ସେମାନଙ୍କ ଲାଇବ୍ରେରୀ କାର୍ଡ କରିବା ସହ ପାଠପଢ଼ା ସୁବ୍ୟବସ୍ଥିତ କରିବାରେ କର୍ମଚାରୀ ଅଭାବ ପ୍ରମୁଖ ପ୍ରତିବନ୍ଧକ ସାଜିଛି । ଅନୁରୂପ ଭାବେ ପ୍ରତି ଜିଲ୍ଲାରେ ଥ‌ିବା ପାଠାଗାର, ମହାବିଦ୍ୟାଳୟ ବିଶ୍ଵବିଦ୍ୟାଳୟ ଓ ଓଡ଼ିଶା ଆଦର୍ଶ ବିଦ୍ୟାଳୟରେ ଅନେକ କର୍ମଚାରୀ ପଦ ଖାଲି ପଡ଼ିଛି। ସେହିପରି ଦୀର୍ଘ ଦିନରୁ ଲାଇବ୍ରେରିଆନ୍ ପଦ ମଧ୍ୟ ଖାଲି ପଡ଼ିଛି। ଫଳରେ ପାଠାଗାରର ଗୌରବ ଦିନକୁ ହ୍ରାସ ପାଇବାରେ ଲାଗିଛି। ଓଡ଼ିଶା ଆଦର୍ଶ ବିଦ୍ୟାଳୟ ପ୍ରତିଷ୍ଠା ହେବା ପରେ…