Author: TRUPTIMAYEE SAHOO

ଫେବୃଆରୀ ୩ ଓ ୪ ତାରିଖ ମଧ୍ୟବର୍ତ୍ତୀ ରାତିରେ ଉତ୍ତର ପ୍ରଦେଶର ଗାଜିଆବାଦର ଏକ ଆଧୁନିକ ହାଇ–ରାଇଜ୍ ସୋସାଇଟିରେ ଘଟିଥିବା ଏକ ଘଟଣା କେବଳ ଗୋଟିଏ ଆତ୍ମହତ୍ୟା ଖବର ନୁହେଁ। ୧୬, ୧୪ ଓ ୧୨ ବର୍ଷ ବୟସର ତିନି ଭଉଣୀ ଏକାଠି ନଅ ତାଲାରୁ ଡେଇଁ ଜୀବନ ଶେଷ କରିଦେଲେ—ଏହି ଦୃଶ୍ୟ ଆଧୁନିକ ଭାରତର ମନସ୍ତତ୍ତ୍ୱକୁ ନିରବ କରିଦେଇଛି। ପୋଲିସ ଉଦ୍ଧାର କରିଥିବା ଆଠ ପୃଷ୍ଠାର ସୁଇସାଇଡ୍ ନୋଟରେ ଥିବା କିଛି ଧାଡ଼ି ଏବେ ସାରା ଦେଶକୁ ଭାବିବାକୁ ବାଧ୍ୟ କରୁଛି—“କୋରିଆ ଆମର ଜୀବନ”? ଏହି ଧାଡ଼ି ଏକ ଅସୁବିଧାଜନକ ପ୍ରଶ୍ନର ସମ୍ମୁଖୀନ କରାଉଛି: କିପରି ଏକ ବିଦେଶୀ ସଂସ୍କୃତି ତିନି ଭାରତୀୟ କିଶୋରୀଙ୍କ ଜୀବନର ସମସ୍ତ ଅର୍ଥ, ସମସ୍ତ ପରିଚୟ ଏବଂ ସମସ୍ତ ଆଶ୍ରୟ ହୋଇଯାଇଥିଲା? କୋରିଆନ୍ ସଂସ୍କୃତିର ବିଶ୍ୱବ୍ୟାପୀ ଲୋକପ୍ରିୟତାକୁ ‘ହାଲିୟୁ’—ଅର୍ଥାତ୍ “କୋରିଆନ୍ ତରଙ୍ଗ”—ବୋଲି କୁହାଯାଏ। ଏହା କେବଳ ସଂଯୋଗ ନୁହେଁ ବରଂ ଏକ ସଚେତନ ରାଷ୍ଟ୍ରୀୟ…