Author: Purva Paksha

Hot Iron Rod treatment: ଏବେବି ରାଜ୍ୟରେ ଚିକିତ୍ସା କ୍ଷେତ୍ରରେ ଅନ୍ଧବିଶ୍ୱାସର ପ୍ରଭାବ ଜାରୀ ରହିଛି। ଡାକ୍ତରୀ ଚିକିତ୍ସା ବଦଳରେ କୋମଳମତି ଶିଶୁମାନଙ୍କୁ ଗରମ ଲୁହା ରଡ଼ ଚେଙ୍କ ଦିଆଯାଉଛି; ଯାହାକି ଅତ୍ୟନ୍ତ ଚିନ୍ତାଜନକ। ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ଗମ୍ଭାରିଗୁଡ଼ା ପଞ୍ଚାୟତ ଅନ୍ତର୍ଗତ ଫୁଣ୍ଡେଲପଡ଼ା ଗ୍ରାମର ଜଣେ ଶିଶୁ ପୁତ୍ରକୁ ପ୍ରାୟ ୪୦ ଥର ଗରମ ଲୁହା ରଡରେ ଚେଙ୍କ ଯିବା ପରେ ଚିକିତ୍ସା ପାଇଁ ତାଙ୍କୁ ଉମରକୋଟ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ନବରଙ୍ଗପୁର ମୁଖ୍ୟ ଜିଲ୍ଲା ଚିକିତ୍ସା ଧିକାରୀ (ସିଡିଏମଓ) ଡାକ୍ତର ସନ୍ତୋଷ କୁମାର ପଣ୍ଡା ଡାକ୍ତରଖାନା ପରିଦର୍ଶନ କରି କହିଛନ୍ତି ଯେ ଶିଶୁଟିର ସ୍ୱାସ୍ଥ୍ୟାବସ୍ଥା ଏବେ ସ୍ଥିର ରହିଛି। ଶିଶୁର ପେଟ ଓ ମୁଣ୍ଡରେ ପ୍ରାୟ ୩୦ରୁ ୪୦ଟି ଚେଙ୍କ ଦାଗ ରହିଛି। ଏକ ଅନ୍ଧବିଶ୍ୱାସ ରହିଛି ଯେ ଯଦି କୌଣସି ଶିଶୁକୁ ଗରମ ଧାତୁରେ ବ୍ରାଣ୍ଡିଂ କରାଯାଏ, ତେବେ ଶିଶୁ ରୋଗରୁ ମୁକ୍ତି ପାଇବ।…