କାଠମାଣ୍ଡୁ ମେୟରରୁ ଜାତୀୟ ନେତା ହୋଇଥିବା ବାଲେନ ଶାହଙ୍କ ମୁଣ୍ଡରେ ଚିନ୍ତାର ଚଡକ । ବାଲେନଙ୍କ ଦାୟିତ୍ୱ ଗ୍ରହଣ କରିବାର ଗୋଟିଏ ମାସରୁ କମ୍ ସମୟ ମଧ୍ୟରେ ବଢିବାକୁ ଲାଗିଲାଣି ନେପାଳରେ ଜନ ଆକ୍ରୋଶ । ପ୍ରତିବାଦ ରାସ୍ତାରୁ ଦେଶର ପ୍ରଶାସନିକ ସ୍ନାୟୁ କେନ୍ଦ୍ର, ସିଂହା ଦରବାର ପର୍ଯ୍ୟନ୍ତ ବ୍ୟାପିବାର ଲାଗିଛି । ଯେଉଁଥିରେ ଛାତ୍ର, ରାଜନୈତିକ ଗୋଷ୍ଠୀ ଏବଂ ସାଧାରଣ ନାଗରିକଙ୍କ ସମେତ ପ୍ରଦର୍ଶନକାରୀମାନେ କାଠମାଣ୍ଡୁ ଏବଂ ଅନ୍ୟାନ୍ୟ ସହରଗୁଡ଼ିକରେ ରାସ୍ତାକୁ ଓହ୍ଲାଇଛନ୍ତି।
ତେବେ ପ୍ରତିବାଦର ଏକ ପ୍ରମୁଖ କାରଣ ହେଉଛି ‘ବର୍ଡର ଚାର୍ଜ’ । ଅର୍ଥାତ ଭାରତରୁ ଅଣାଯାଉଥିବା ୧୦୦ଟଙ୍କାରୁ ଅଧିକ ମୂଲ୍ୟର ସାମଗ୍ରୀ ଉପରେ ବାଧ୍ୟତାମୂଳକ ସୀମା ଶୁଳ୍କ ୫% ରୁ ୮୦% ପର୍ଯ୍ୟନ୍ତ ଲାଗୁ କରିବା ପାଇଁ ସରକାର ନେଇଛନ୍ତି ନିଷ୍ପତ୍ତି । ଯାହା ବୀରଗଞ୍ଜ ଏବଂ କାଠମାଣ୍ଡୁ ଭଳି ସୀମାନ୍ତ ସହରଗୁଡ଼ିକରେ ବିରୋଧ ପ୍ରଦର୍ଶନର କାରଣ ହୋଇଛି।
ସୀମାନ୍ତ ଅଞ୍ଚଳର ବାସିନ୍ଦାମାନେ କହିଛନ୍ତି ଯେ ଏହି ପଦକ୍ଷେପ ସିଧାସଳଖ ସେମାନଙ୍କ ଦୈନନ୍ଦିନ ଜୀବନକୁ ପ୍ରଭାବିତ କରେ, କାରଣ ସେମାନେ ଅତ୍ୟାବଶ୍ୟକୀୟ ଜିନିଷ ପାଇଁ ସୀମା ପାର କ୍ରୟ ଉପରେ ବହୁତ ନିର୍ଭର କରନ୍ତି । ପ୍ରତିବାଦକାରୀମାନେ ଯୁକ୍ତି ବାଢ଼ନ୍ତି ଯେ ଏପରି ନିୟମ ସାଧାରଣ ନାଗରିକଙ୍କ ଉପରେ ଏକ ଅନାବଶ୍ୟକ ଆର୍ଥିକ ବୋଝ ଲଦି ଦିଏ । ଯାହାକି ଏହି ଅଞ୍ଚଳଗୁଡ଼ିକରେ ଅର୍ଥନୀତିର ବାସ୍ତବତାକୁ ହିସାବ କରିବାରେ ବିଫଳ ହୁଏ ।
ଛାତ୍ର ସଂଘ ତାତିବା ପଛରେ ରାଜନୈତିକ ବ୍ଲାକଲିଷ୍ଟ
- ରାଜନୈତିକ ଗୋଷ୍ଠୀ ସହିତ ଛାତ୍ର ସଂଘଗୁଡ଼ିକୁ କୌଣସି ପ୍ରକାର ଲିଙ୍କ ରଖିବାକୁ ବାରଣ ହୋଇଥିବା ନେଇ ହୋଇଛି ସରକାରଙ୍କ ବିରୋଧୀ ଅଭିଯୋଗ।
- ଛାତ୍ର ନେତାମାନେ ସରକାରୀ ଆଲୋଚନାରେ ସାମିଲ କରିବା ପରିବର୍ତ୍ତେ “ଦମନଶୀଳ ଆଭିମୁଖ୍ୟ” ପରି ଏହାକୁ ଗ୍ରହଣ କରୁଥିବା ହୋଇଛି ଅଭିଯୋଗ । ଯାହା ଯୁବପିଢ଼ିଙ୍କ ମଧ୍ୟରେ ଅସନ୍ତୋଷକୁ ପ୍ରଶ୍ରୟ ଦେଉଛି । ହଜାର ହଜାର ଛାତ୍ର ଦେଶବ୍ୟାପୀ ଏହି ପ୍ରତିବାଦରେ ଯୋଗ ଦେଇଛନ୍ତି । ଯେଉଁଥିରେକି ସ୍କୁଲ ଏବଂ କଲେଜ ଗୋଷ୍ଠୀଙ୍କ ନେତୃତ୍ୱରେ ବିକ୍ଷୋଭ ପ୍ରଦର୍ଶନ ଦେଖିବାକୁ ମିଳିଛି ।
- ଏଥିରେ ବହୁ ସଂଖ୍ୟକ ଛାତ୍ର ସ୍କୁଲ ପୋଷାକ ପିନ୍ଧି ପ୍ରତିବାଦ କରୁଥିବା, ପ୍ଲାକାର୍ଡ ଧରିଥିବା ଏବଂ ସରକାରୀ ନିଷ୍ପତ୍ତି ବିରୋଧରେ ସ୍ଲୋଗାନ ଦେଉଥିବାର ଦେଖାଯାଇଛି । ଯାହା ସୂଚିତ କରୁଛି ଯେ ଆନ୍ଦୋଳନ କେବଳ ରାଜନୈତିକ ପରିସରରେ ନୁହେଁ ବରଂ ବାହାର ସମାଜରେ ବ୍ୟାପକ ରୂପେ ବିସ୍ତାରିତ ହୋଇଛି ।
ଗୃହମନ୍ତ୍ରୀଙ୍କ ଇସ୍ତଫା ଦାବି ନେଇ ବଢୁଛି ଆହ୍ୱାନ
ଏହି ପ୍ରତିବାଦ ଗୃହମନ୍ତ୍ରୀ ସୁଦାନ ଗୁରୁଙ୍ଗଙ୍କ ବିରୁଦ୍ଧରେ ବଢିଛି ଅଭିଯୋଗ ମାତ୍ରା । ଯିଏ ଅନୁପାତହୀନ ସମ୍ପତ୍ତି ରଖିବା ଏବଂ ସନ୍ଦେହଜନକ ଆର୍ଥିକ କାରବାର କରିବାରେ ଲିପ୍ତ ରହିବା ଅଭିଯୋଗର ସମ୍ମୁଖୀନ ହେଉଛନ୍ତି।
- ଆନ୍ଦୋଳନକାରୀ ଏବଂ ବିରୋଧୀ ଗୋଷ୍ଠୀ ଦାବି କରନ୍ତି ଯେ ଗୁରୁଙ୍ଗ ଆର୍ଥିକ ଅପରାଧରେ ଅଭିଯୁକ୍ତ ବ୍ୟକ୍ତିମାନଙ୍କ ସହ ଲିଙ୍କ୍ ସମେତ ସନ୍ଦେହଜନକ ବ୍ୟବସାୟିକ କାରବାରରେ ଜଡିତ ଥିଲେ। ନେପାଳର ଗଣମାଧ୍ୟମ ରିପୋର୍ଟରେ ବିବାଦୀୟ ସଂସ୍ଥା ସହିତ ଜଡିତ ନିବେଶ ଏବଂ ସେୟାରହୋଲ୍ଡିଂ ସୂଚାଉଥିବା ଦଲିଲ ଉଦ୍ଧୃତ ହୋଇଛି । ଯାହା ନୈତିକ ଆଧାରରେ ତାଙ୍କ ଇସ୍ତଫା ଦାବିକୁ ଆହୁରି ତୀବ୍ର କରୁଛି ।
- ରାଜନୈତିକ ଦଳ ଏବଂ ନାଗରିକ ସମାଜ ଗୋଷ୍ଠୀଗୁଡ଼ିକ ଏହି ପ୍ରସଙ୍ଗ ନେଇ ବିକ୍ଷୋଭ ପ୍ରଦର୍ଶନ ଜାରି ରଖିଛନ୍ତି । ଯାହା ଏବେ ନେପାଳ ଅଶାନ୍ତିର ଏକ ମୁଖ୍ୟ କେନ୍ଦ୍ର ବିନ୍ଦୁ ପାଲଟିଛି ।
ବାଲେନ୍ ଶାହା ସରକାର ଚାପଗ୍ରସ୍ତ
ବିରୋଧର ପରିମାଣ ଏବଂ ତୀବ୍ରତା ବୃଦ୍ଧି ପାଇବା ସହିତ, ବାଲେନ୍ ଶାହ ସରକାର ବିଭିନ୍ନ ମୋର୍ଚ୍ଚାର ପ୍ରତିକ୍ରିୟା ଦେବା ପାଇଁ ବଢ଼ୁଥିବା ଚାପର ସମ୍ମୁଖୀନ ହେଉଛନ୍ତି । ଅର୍ଥନୈତିକ ନୀତି ଚିନ୍ତା, ଛାତ୍ର ଅଶାନ୍ତି ଏବଂ ତାଙ୍କ ପଦପଦବୀ ମଧ୍ୟରେ ରହୁଥିବା ଅନୁଚିତ କାର୍ଯ୍ୟର ଅଭଯୋଗ କରିଛି ଅସ୍ତବ୍ୟସ୍ତ ।
ନୀତିଗତ ନିଷ୍ପତ୍ତି ଉପରେ ଅସନ୍ତୋଷ ଭାବରେ ଯାହା ଆରମ୍ଭ ହୋଇଥିଲା ତାହା ଏବେ ଏକ ବ୍ୟାପକ ରାଜନୈତିକ ଚ୍ୟାଲେଞ୍ଜରେ ପରିଣତ ହୋଇଛି । ନେପାଳ ରାଜରାସ୍ତାରେ ବର୍ତ୍ତମାନ ରାଜନୈତିକ ଦୃଶ୍ୟପଟର ଚମଡା ଛାଡିବା ସହ ଜୋରଦାର ହୋଇଛି ବିରୋଧୀଙ୍କ ଶାଣିତ ସ୍ୱର ।
also read : https://purvapaksa.com/now-fighting-for-votes-on-food-plates-himantas-open-challenge-to-mamata/
