ଭାରତ ପାକିସ୍ତାନର ଅନେକ ଆତଙ୍କବାଦୀ ଆଡ୍ଡା ଉପରେ ଏୟାର ଷ୍ଟ୍ରାଇକ କରିଛି। ଏଥିରେ ଭାରତୀୟ ସେନା ପାକିସ୍ତାନର ୪ଟି ଏବଂ ପିଓକେର ୫ଟି ଆଡ୍ଡାକୁ ଟାର୍ଗେଟ କରିଛି, ଯେଉଁଥିରେ ଅନେକ ଆତଙ୍କବାଦୀ ନିହତ ହୋଇଛନ୍ତି। ଭାରତର ଏହି ଆକ୍ରମଣକୁ କିଛିଦିନ ତଳେ ହୋଇଥିବା ପହଲଗାମ ଆକ୍ରମଣର ପ୍ରତିଶୋଧ କାର୍ଯ୍ୟଭାବେ ଦେଖାଯାଉଛି। ଏହାକୁ ଅପରେଶନ ସିନ୍ଦୂର ନାମ ଦିଆଯାଇଛି। ଏହି ଅପରେଶନରେ ସେନାର ତିନିଟି ଶାଖା ଅର୍ଥାତ୍ ଆର୍ମୀ, ଏୟାରଫୋର୍ସ ଏବଂ ନେଭି ମିଳିତଭାବେ କ୍ରିୟାନ୍ୱିତ କରିଛନ୍ତି। ଅପରେଶନ ସିନ୍ଦୂରକୁ ସଫଳ କରିବା ପାଇଁ ଏଲଏମଏସ ଡ୍ରୋନର ବ୍ୟବହାର କରାଯାଇଛି। ଏହାକୁ ଆତ୍ମଘାତୀ ବା କାମିକାଜେ ଡ୍ରୋନ ମଧ୍ୟ କୁହାଯାଏ, ଯାହା ଲୁଚି ରହି ନିଜ ଟାର୍ଗେଟକୁ ଧ୍ୱଂସ କରିପାରେ। ଆସନ୍ତୁ, ଆମେ ଆପଣଙ୍କୁ ଏଲଏମଏସ ଡ୍ରୋନ କ’ଣ ତାହା ବିଷୟରେ କହୁଛୁ।
ଏଲଏମଏସ ଡ୍ରୋନର ଅର୍ଥ ହେଉଛି ଲୋ-କଷ୍ଟ ମିନିଏଚର ସ୍ୱାର୍ମ ଡ୍ରୋନ ବା ଲଏଟରିଂ ମ୍ୟୁନିସନ ସିଷ୍ଟମ। ଏହା ଏକ ପ୍ରକାରର ଅସ୍ତ୍ରବହନ ଡ୍ରୋନ। ଭାରତ ଏହାକୁ ନିକଟରେ ଅପରେଶନ ସିନ୍ଦୂରରେ ପାକିସ୍ତାନ ବିରୁଦ୍ଧରେ ଆତଙ୍କବାଦୀ ଅଡ୍ଡା ଧ୍ୱଂସ କରିବା ପାଇଁ ବ୍ୟବହାର କରିଛି। ଏହି ଡ୍ରୋନ ତା’ର ଉନ୍ନତ ପ୍ରଯୁକ୍ତି ଓ କ୍ଷମତା ପାଇଁ ଜଣାଶୁଣା।
ଏହାକୁ ଆତ୍ମଘାତୀ ଡ୍ରୋନ ମଧ୍ୟ କୁହାଯାଏ। ଏଲଏମଏସ ଡ୍ରୋନ ଆକାଶରେ ଦୀର୍ଘ ସମୟ ଧରି ବୁଲିପାରେ। ଏହା ନିଜ ଟାର୍ଗେଟର ଅନୁସନ୍ଧାନ କରିପାରେ ଏବଂ ଟାର୍ଗେଟ ମିଳିଲେ ବିସ୍ଫୋରକ ସହିତ ନିଜକୁ ସେହି ଟାର୍ଗେଟ ଉପରେ ଧକ୍କା ଦେଇ ଧ୍ୱଂସ କରିଦିଏ। ଏହି କାରଣରୁ ଏହାକୁ ଆତ୍ମଘାତୀ ଡ୍ରୋନ କୁହାଯାଏ। ଏହି ଡ୍ରୋନ ଆତଙ୍କବାଦୀ ଆଡ୍ଡା, ଅସ୍ତ୍ର ଗୋଦାମ, ରାଡାର ସିଷ୍ଟମ ବା ଅନ୍ୟ ଲକ୍ଷ୍ୟକୁ ଧ୍ୱଂସ କରିବାରେ ସକ୍ଷମ।
ଏହି ଡ୍ରୋନଗୁଡ଼ିକ ପଲଭାବେ କାମ କରନ୍ତି, ଯେଉଁଠାରେ ଅନେକ ଡ୍ରୋନ ଏକାଠି ମିଳି ଆକ୍ରମଣ କରନ୍ତି। ସ୍ୱାର୍ମ ପ୍ରଯୁକ୍ତି ଶତ୍ରୁର ବାୟୁ ପ୍ରତିରକ୍ଷା ବ୍ୟବସ୍ଥାକୁ ଭେଦ କରିବାରେ ମଧ୍ୟ ସକ୍ଷମ। ଏହି ଡ୍ରୋନଗୁଡ଼ିକ ଏକାଠି ଅନେକ ଦିଗରୁ ଟାର୍ଗେଟ ଉପରେ ଆକ୍ରମଣ କରିପାରେ, ଯାହାଦ୍ୱାରା ରାଡାର ଆଣ୍ଟେନା, ଅସ୍ତ୍ର ବ୍ୟବସ୍ଥା ବା କମାଣ୍ଡ ସେଣ୍ଟର ପରି ଗୁରୁତ୍ୱପୂର୍ଣ୍ଣ ଲକ୍ଷ୍ୟକୁ ନିଶାନା କରାଯାଇପାରେ।
ଏହି ଡ୍ରୋନକୁ ଭାରତ ଡିଆରଡିଓ ଏବଂ ନ୍ୟୁସ୍ପେସ ରିସର୍ଚ ଆଣ୍ଡ ଟେକ୍ନୋଲୋଜିସ ପରି ଘରୋଇ କମ୍ପାନୀଙ୍କ ସହଯୋଗରେ ବିକଶିତ କରିଛି। ଏହାର ମୂଲ୍ୟ ପାରମ୍ପରିକ ମିସାଇଲ (ଯେପରି ହାର୍ପୁନ ମିସାଇଲ, ଯାହାର ବାରୁଦ ୪୮୮ ପାଉଣ୍ଡ) ତୁଳନାରେ ବହୁତ କମ। ଏହି ଡ୍ରୋନରେ ଉଚ୍ଚ ରିଜୋଲ୍ୟୁସନ କ୍ୟାମେରା, ଥର୍ମାଲ ଇମେଜିଂ ଏବଂ ଜିପିଏସ ଆଧାରିତ ନାଭିଗେସନ ସିଷ୍ଟମ ରହିଛି। କିଛି ମଡେଲରେ ଏଆଇ ଏବଂ ମେସିନ ଲର୍ଣ୍ଣିଂ ବ୍ୟବହାର କରାଯାଏ, ଯାହା ନିଷ୍ପତ୍ତି ନେବାରେ ସାହାଯ୍ୟ କରେ। ଏହି ଡ୍ରୋନଗୁଡ଼ିକ ଗୁପ୍ତଚର ସୂଚନା ସଂଗ୍ରହ, ଟାର୍ଗେଟ ଟ୍ରାକିଂ ଏବଂ ସଠିକ ଆକ୍ରମଣ କରିବାରେ ସକ୍ଷମ। ଅପରେଶନ ସିନ୍ଦୂରରେ ଏନଟିଆରଓ (ନ୍ୟାସନାଲ ଟେକ୍ନିକ ରିସର୍ଚ୍ଚ ଅର୍ଗାନାଇଜେସନ) ଏହି ଡ୍ରୋନଗୁଡ଼ିକୁ ଆତଙ୍କବାଦୀଙ୍କୁ ଟ୍ରାକ କରିବା ପାଇଁ ଡାଟା ଯୋଗାଇଥିଲା। କିଛି ଡ୍ରୋନର ଗତି ଘଣ୍ଟା ପ୍ରତି ୫୦ ମାଇଲରେ ସୀମିତ।
ଏହି ଡ୍ରୋନଗୁଡ଼ିକ ଆକାରରେ ଛୋଟ ହୋଇଥାଏ। ଏଲଏମଏସ ବା ଆତ୍ମଘାତୀ ଡ୍ରୋନର ବ୍ୟବହାର ପ୍ରଥମେ ୧୯୮୦ ଦଶକରେ ବିସ୍ଫୋରକ ବହନ ପାଇଁ କରାଯାଇଥିଲା। ଏହାର ବ୍ୟବହାର ଶତ୍ରୁର ବାୟୁ ପ୍ରତିରକ୍ଷା ଦମନ (ଏସଇଏଡି) ପାଇଁ କରାଯାଇଥିଲା। ୧୯୯୦ ଦଶକରେ ଅନେକ ସେନା ଏହି ଆତ୍ମଘାତୀ ଡ୍ରୋନ ବ୍ୟବହାର ଆରମ୍ଭ କରିଥିଲେ। ୨୦୦୦ ଦଶକର ଆରମ୍ଭରେ ଏହି ଆତ୍ମଘାତୀ ଡ୍ରୋନର ବ୍ୟବହାର ବହୁତ ବୃଦ୍ଧି ପାଇଥିଲା। ବର୍ତ୍ତମାନ ଏହି ଡ୍ରୋନଗୁଡ଼ିକ ଦୀର୍ଘ ଦୂରତାର ଆକ୍ରମଣରେ ମଧ୍ୟ ବ୍ୟବହୃତ ହେଉଛି। ଏହି ଡ୍ରୋନଗୁଡ଼ିକର ଆକାର ଏତେ ଛୋଟ ଯେ ଏଗୁଡ଼ିକୁ ଯେକୌଣସି ସ୍ଥାନରେ ସହଜରେ ସ୍ଥାପନ କରାଯାଇପାରେ।
Also readhttps://purvapaksa.com/china-radar-scares-pakistan-enters-and-kills-but-does-not-know-chinas-radar/
ପାକିସ୍ତାନକୁ କନ୍ଦାଉଛି ଚାଇନା ରାଡାର, ପଶିଲେ ଓ ମାରିଲେ କିନ୍ତୁ ଜାଣିପାରିଲାନି