Author: NAZMEEN PARWEEN

ଓଡ଼ିଶା ରାଜନୀତିରେ ଟଙ୍କା ଏବଂ ଖଣିର ପ୍ରଭାବ କୌଣସି ନୂଆ କଥା ନୁହେଁ। କିନ୍ତୁ ଚଳିତ ରାଜ୍ୟସଭା ନିର୍ବାଚନ ଏମିତି ଏକ ମୋଡ଼ରେ ପହଞ୍ଚିଛି, ଯେଉଁଠି ଗଣତନ୍ତ୍ରର ମୂଲ୍ୟବୋଧ ଉପରେ ‘ଖଣି ଲବି’ର କଳାବାଦଲ ଘୋଟି ଆସିଲାଣି। ବିଜେପି ସମର୍ଥନରେ ସ୍ୱାଧୀନ ପ୍ରାର୍ଥୀ ଭାବେ ମଇଦାନକୁ ଓହ୍ଲାଇଥିବା ହେଭିୱେଟ୍ ଶିଳ୍ପପତି ଦିଲ୍ଲୀପ ରାୟଙ୍କୁ ହରାଇବା ପାଇଁ ଏବେ ପରଦା ପଛରେ ଏକ ବିରାଟ ଷଡ଼ଯନ୍ତ୍ରର ବ୍ଲୁ-ପ୍ରିଣ୍ଟ ପ୍ରସ୍ତୁତ ହୋଇଛି। ଚର୍ଚ୍ଚା ହେଉଛି ଯେ, ଦିଲ୍ଲୀପଙ୍କୁ ରାଜ୍ୟସଭାରୁ ଦୂରେଇ ରଖିବା ପାଇଁ ରାଜ୍ୟର ପ୍ରଭାବଶାଳୀ ଖଣି ମାଫିଆ ଏବଂ କିଛି ବ୍ୟବସାୟୀ ୫୦୦ କୋଟି ଟଙ୍କାର ଏକ ‘ୱାର୍ ଚେଷ୍ଟ’ (War Chest) ଧରି ବାହାରିଛନ୍ତି। କାହିଁକି ଦିଲ୍ଲୀପଙ୍କୁ ନେଇ ଭୟଭୀତ ଖଣି ଲବି? ଦିଲ୍ଲୀପ ରାୟ କେବଳ ଜଣେ ଶିଳ୍ପପତି ନୁହନ୍ତି, ବରଂ ଓଡ଼ିଶା ରାଜନୀତିର ଜଣେ ପୁରୁଖା ଖେଳାଳି। ସୁନ୍ଦରଗଡ଼ ଏବଂ କେନ୍ଦୁଝର ଜିଲ୍ଲାର ଖଣି ସମୀକରଣ ଉପରେ ତାଙ୍କର…