Author: NAZMEEN PARWEEN

ଦୀର୍ଘ ୨୪ ବର୍ଷର ଅପ୍ରତିଦ୍ୱନ୍ଦ୍ୱୀ ଶାସନ ପରେ ଓଡ଼ିଶା ରାଜନୀତିରେ ଏବେ ଏକ ବଡ଼ ଧରଣର ପରିବର୍ତ୍ତନ ପରିଲକ୍ଷିତ ହେଉଛି। ଯେଉଁ ବିଜୁ ଜନତା ଦଳ (ବିଜେଡି) ଏକ ଅଭେଦ୍ୟ ଦୁର୍ଗ ଓ ଅପରାଜେୟ ଭଳି ମନେ ହେଉଥିଲା, ଆଜି ସେହି ଦୁର୍ଗରେ ଫାଟ ସ୍ପଷ୍ଟ ଦେଖାଗଲାଣି। ବିଜେଡି ସଭାପତି ନବୀନ ପଟ୍ଟନାୟକ, ଯିଏ ଦିନେ ଦଳର ସର୍ବେସର୍ବା ଥିଲେ ଏବଂ ଯାହାଙ୍କ ନିର୍ଦ୍ଦେଶକୁ କେହି ଟାଳିବାକୁ ସାହସ କରୁନଥିଲେ, ଆଜି ସେ ନିଜ ବିଧାୟକ ଓ ନେତାମାନଙ୍କୁ ନେଇ ବିବ୍ରତ। ଦଳର ଭବିଷ୍ୟତକୁ ନେଇ ନେତାମାନେ ଏବେ ସନ୍ଦିହାନ, ଆଉ ଏହି ସନ୍ଦେହ ସେମାନଙ୍କୁ ବିଜେପି କିମ୍ବା କଂଗ୍ରେସ ଆଡ଼କୁ ଟାଣି ନେଉଛି। ଓଡ଼ିଶା ରାଜନୀତିର ଏହି ସନ୍ଧିକ୍ଷଣରେ ବାଲେଶ୍ୱରର ପୂର୍ବତନ ବିଜେଡି ସାଂସଦ ରବି ଜେନାଙ୍କ ଦଳତ୍ୟାଗ ଏବଂ ନିମାପଡ଼ାର ରମୁ ପାତ୍ରଙ୍କ କଂଗ୍ରେସ ପ୍ରତ୍ୟାବର୍ତ୍ତନ କେବଳ ଦୁଇଟି ଘଟଣା ନୁହେଁ, ବରଂ ଏହା ବିଜେଡି ଭିତରେ ଜଳୁଥିବା…