Author: NAZMEEN PARWEEN

ଓଡ଼ିଶାରେ ରାଜ୍ୟସଭା ନିର୍ବାଚନକୁ ନେଇ ରାଜନୈତିକ ପାରଦ ଉପରମୁହାଁ ଥିବାବେଳେ ପଡ଼ୋଶୀ ରାଜ୍ୟ ପଶ୍ଚିମବଙ୍ଗରୁ ଆସୁଥିବା ଖବର ଏବେ ସାରା ଦେଶର ଦୃଷ୍ଟି ଆକର୍ଷଣ କରିଛି। ଦିନକୁ ଦିନ ବିଗୁଡ଼ୁଥିବା ଆଇନ ଶୃଙ୍ଖଳା ପରିସ୍ଥିତି ଏବଂ ସାମ୍ବିଧାନିକ ଅନୁଷ୍ଠାନ ସହ ରାଜ୍ୟ ସରକାରଙ୍କ ବଢ଼ୁଥିବା ସଂଘର୍ଷ, ପଶ୍ଚିମବଙ୍ଗକୁ ଏକ ବଡ଼ ରାଜନୈତିକ ଭୂକମ୍ପ ଆଡ଼କୁ ଟାଣି ନେଉଛି। ରାଜନୈତିକ କରିଡରରେ ଏବେ ଗୋଟିଏ ପ୍ରଶ୍ନ – ଆସନ୍ତା ବିଧାନସଭା ନିର୍ବାଚନ ପୂର୍ବରୁ ପଶ୍ଚିମବଙ୍ଗରେ ୩୫୬ ଧାରା ବା ରାଷ୍ଟ୍ରପତି ଶାସନ ଜାରି ହେବ କି? ମୁଖ୍ୟମନ୍ତ୍ରୀଙ୍କ ୧୪ ଘଣ୍ଟିଆ ଧାରଣା: ଏକ ଅସ୍ୱାଭାବିକ ପ୍ରତିବାଦ ପଶ୍ଚିମବଙ୍ଗ ରାଜନୀତିରେ ମମତା ବାନାର୍ଜୀ ଜଣେ ‘ଷ୍ଟ୍ରିଟ୍ ଫାଇଟର’ ଭାବେ ଜଣାଶୁଣା। କିନ୍ତୁ ଜଣେ ମୁଖ୍ୟମନ୍ତ୍ରୀ ଭାବେ ପ୍ରାୟ ୧୪ ଘଣ୍ଟା ଧରି ରାଜରାସ୍ତାରେ ଧାରଣାରେ ବସିବା ଏକ ବିରଳ ଏବଂ ଅଭାବନୀୟ ଘଟଣା। ସାଧାରଣତଃ ବିରୋଧୀ ଦଳ ଧାରଣା ଦିଅନ୍ତି, କିନ୍ତୁ ଶାସକ ଦଳର…