Author: NAZMEEN PARWEEN

ପାକିସ୍ତାନର ଆର୍ଥିକ ଅବସ୍ଥା ବିଷୟରେ ଆପଣମାନେ ଅନେକ ଖବର ଶୁଣିଥିବେ। କେତେବେଳେ ସେଠାରେ ଅଟା ପାଇଁ ଲୋକେ ମାରପିଟ୍ ହେଉଛନ୍ତି ତ କେତେବେଳେ ବିଜୁଳି ବିଲ୍ ପାଇଁ ହାହାକାର ପଡୁଛି। କିନ୍ତୁ ଏବେ ପାକିସ୍ତାନରୁ ଏମିତି ଏକ ଖବର ଆସିଛି, ଯାହା ଶୁଣିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ। ଏବେ ପାକିସ୍ତାନରେ ଗାଈ-ମଇଁଷି ରଖିବା ବି ମହଙ୍ଗା ହୋଇଯାଇଛି। କାରଣ ପାକିସ୍ତାନର ପଞ୍ଜାବ ପ୍ରାନ୍ତରେ ଏବେ ‘ଗୋବର’ ଉପରେ ଟ୍ୟାକ୍ସ ଲାଗୁ କରାଯାଇଛି। ପଶୁପାଳକମାନେ ଏହାକୁ ‘ଜିଜିଆ କର’ ସହ ତୁଳନା କରୁଥିବା ବେଳେ ସରକାରୀ ପ୍ରଶାସନ ଏହାକୁ ପରିମଳ ବ୍ୟବସ୍ଥାର ଏକ ଅଂଶ ବୋଲି ଦର୍ଶାଇଛି।  ରିପୋର୍ଟ ଅନୁଯାୟୀ, ପାକିସ୍ତାନ ପଞ୍ଜାବର ସ୍ଥାନୀୟ ପ୍ରଶାସନ ପକ୍ଷରୁ ଏକ ନୂଆ ନିୟମ ଜାରି କରାଯାଇଛି। ଏହି ନିୟମ ଅନୁସାରେ, ଯେଉଁମାନେ ନିଜ ଘରେ ବା ଗୁହାଳରେ ପଶୁ ରଖୁଛନ୍ତି, ସେମାନଙ୍କୁ ପ୍ରତିଦିନ ଗୋବର ସଫା କରିବା ଏବଂ ପରିମଳ ବ୍ୟବସ୍ଥା ପାଇଁ…