Author: NAZMEEN PARWEEN

ଇତିହାସ ନିଜକୁ ଦୋହରାଏ, କିନ୍ତୁ ପାକିସ୍ତାନ କ୍ଷେତ୍ରରେ ଏହା କେବଳ ଦୋହରାଉ ନାହିଁ ବରଂ ଏକ ଭୟଙ୍କର ବିପର୍ଯ୍ୟୟ ଆଡ଼କୁ ଅଗ୍ରସର ହେଉଛି। ପଡ଼ୋଶୀ ଦେଶ ପାକିସ୍ତାନ ଦିନେ ନିଜର ସାମରିକ ଶକ୍ତିକୁ ନେଇ ଗର୍ବ କରୁଥିଲା। ଆଜି ସେହି ପାକିସ୍ତାନ ନିଜର ଅସ୍ତିତ୍ୱ ବଞ୍ଚାଇବା ପାଇଁ ବିଶ୍ୱ ସମୁଦାୟ ଆଗରେ ହାତ ପାତିଛି। ଏବେ ପରିସ୍ଥିତି ଏପରି ଏକ ‘ବ୍ରେକିଂ ପଏଣ୍ଟ’ ବା ଚରମ ସୀମାରେ ପହଞ୍ଚିଛି ଯେଉଁଠାରୁ ଫେରିବା ପାଇଁ କୌଣସି ସହଜ ରାସ୍ତା ନାହିଁ। ପାକିସ୍ତାନର ଆର୍ଥିକ ମେରୁଦଣ୍ଡ ଭାଙ୍ଗି ସାରିଛି। ତା’ର ପାରମ୍ପରିକ ‘ଆରବ ବନ୍ଧୁ’ ମାନେ ମଧ୍ୟ ଏବେ ହାତ ଛାଡ଼ିବାକୁ ଆରମ୍ଭ କଲେଣି। ବିଶେଷ କରି ସଂଯୁକ୍ତ ଆରବ ଏମିରେଟ୍‍ସର ନୂତନ ଆଭିମୁଖ୍ୟ ପାକିସ୍ତାନ ପାଇଁ ମରଣାନ୍ତକ ଧକ୍କା ସାବ୍ୟସ୍ତ ହୋଇଛି। ୧. ୟୁଏଇର ରୋକଠୋକ୍ ‘ମା’—ଋଣ ପରିଶୋଧର ସମୟସୀମା ଶେଷ ପାକିସ୍ତାନର ଅର୍ଥନୀତି ଦୀର୍ଘଦିନ ଧରି ‘ଋଣ ରୋଲଓଭର’ (Loan Rollover)…