Author: Sarasinee Subudhi

୨୧ ଜୁଲାଇରେ, ସଂସଦର ମୌସୁମୀ ଅଧିବେଶନ ଆରମ୍ଭ ହେବା ଦିନ ଅତ୍ୟନ୍ତ ରୋଚକ ଭାବେ ଜଗଦୀପ ଧନଖଡ ଦିନସାରା ରାଜ୍ୟସଭାର ଅଧ୍ୟକ୍ଷ ଭାବରେ ଅଧ୍ୟକ୍ଷତା କରିଲେ ଆଉ ରାତିରେ, ଖରାପ ସ୍ୱାସ୍ଥ୍ୟ କାରଣ ଦର୍ଶାଇ ଉପରାଷ୍ଟ୍ରପତି ପଦରୁ ଇସ୍ତଫା ଦେଇ ସମସ୍ତଙ୍କୁ ଚମକାଇ ଦେଇଥିଲେ। ଗଣମାଧ୍ୟମରେ ଏନେଇ କଳ୍ପନାଜଳ୍ପନା ଶୀଘ୍ର ବ୍ୟାପିଗଲା, ତଥାପି ୪୮ ଦିନ ପରେ ମଧ୍ୟ ଧନଖଡ଼ ନୀରବ ରହିଛନ୍ତି। ତାଙ୍କର ନିକଟତମ ସହଯୋଗୀ ଜାତୀୟ ଗଣମାଧ୍ୟମକୁ କହିଛନ୍ତି: ‘ଏହି ନୀରବତା ୯ ସେପ୍ଟେମ୍ବର ପୂର୍ବରୁ ଭାଙ୍ଗିବ ନାହିଁ। ସଠିକ୍ ସମୟରେ, ସେ ପରିସ୍ଥିତିକୁ କିପରି ସ୍ପଷ୍ଟ କରିବେ ତାହା ନିଜେ ନିଷ୍ପତ୍ତି ନେବେ।’ ଏବେ ନୂତନ ଉପରାଷ୍ଟ୍ରପତି ନିର୍ବାଚନ ୯ ସେପ୍ଟେମ୍ବରରେ ହେବାକୁ ସ୍ଥିର ହୋଇଛି। ଏନଡିଏ ମହାରାଷ୍ଟ୍ର ରାଜ୍ୟପାଳ ସି.ପି. ରାଧାକୃଷ୍ଣନଙ୍କୁ ପ୍ରାର୍ଥୀ କରିଛି, ଯେତେବେଳେ କି ବିରୋଧୀ ପୂର୍ବତନ ସୁପ୍ରିମକୋର୍ଟ ବିଚାରପତି ବି. ସୁଦର୍ଶନ ରେଡ୍ଡୀଙ୍କୁ ମନୋନୀତ କରିଛନ୍ତି। ଧନଖଡଙ୍କ ନିକଟତମ ସୂତ୍ର ଦାବି…