Author: NAZMEEN PARWEEN

ଭଦ୍ରକ ଜିଲ୍ଲା ବୈତରଣୀ ନଦୀ କୂଳରେ ଶୈବ ଓ ବୌଦ୍ଧ ଦେବଦେବୀଙ୍କ ଅବଶିଷ୍ଟ ଅଂଶ ସମେତ ପ୍ରାଚୀନ ମୂର୍ତ୍ତି ଦେଖିବାକୁ ମିଳିଛି। ଜିଲ୍ଲାର ଭଣ୍ଡାରିପୋଖରୀ ବ୍ଲକ୍ ଅନ୍ତର୍ଗତ ମଣିନାଥପୁର ନାମକ ଏକ ଗ୍ରାମ ନିକଟରୁ ଏହି ମୂର୍ତ୍ତି ମିଳିଥିଲା। ଗବେଷକମାନେ ବିରଳ ଶୈବ ଓ ବୌଦ୍ଧ ଦେବଦେବୀଙ୍କ ସମେତ ୧୮ଟି ପ୍ରାଚୀନ ମୂର୍ତ୍ତି କୁ ଷଷ୍ଠ କିମ୍ବା ସପ୍ତମ ଶତାବ୍ଦୀର ସାଧାରଣ ଯୁଗ (ଖ୍ରୀଷ୍ଟାବ୍ଦ)ର ବୋଲି ଜାଣିବାକୁ ପାଇଥିଲେ। ଗବେଷକଙ୍କ କହିବା ଅନୁଯାୟୀ, ଏହି କଳାକୃତିଗୁଡ଼ିକ ମଧ୍ୟରେ ଜଟିଳ ଭାବରେ ଖୋଦିତ କ୍ଷୁଦ୍ର ମନ୍ଦିର ଏବଂ ‘ଅର୍ଘ ସ୍ତୁପ’ ରହିଛି। ସ୍ଥାନୀୟ ଯୁବକ ବିବେକାନନ୍ଦ ସକାଳୁ ବୁଲିବାବେଳେ ଏକ ପ୍ରତିମୂର୍ତ୍ତିକୁ ଦେଖି ତୁରନ୍ତ ଇଣ୍ଡିଆନ ନ୍ୟାସନାଲ ଟ୍ରଷ୍ଟ ଫର ଆର୍ଟ ଆଣ୍ଡ କଲଚରାଲ ହେରିଟେଜ୍ (ଇଣ୍ଟାକ୍) ସଦସ୍ୟ ତଥା ଯୁବ ଗବେଷକ ବିଶ୍ୱମ୍ଭର ରାଉତଙ୍କୁ ଖବର ଦେଇଥିଲେ। ଶ୍ରୀ ରାଉତ ଉକ୍ତ ଅଞ୍ଚଳ ପରିଦର୍ଶନ କରିବା ସହ ୧୮ଟି ପ୍ରାଚୀନ ମୂର୍ତ୍ତି…