Author: NAZMEEN PARWEEN

ସରକାରୀ ସୂତ୍ରରୁ ପ୍ରକାଶ ଯେ ଜାତୀୟ ବ୍ୟାଘ୍ର ସଂରକ୍ଷଣ କର୍ତ୍ତୃପକ୍ଷ (ଏନ୍ଟିସିଏ)ର ହସ୍ତକ୍ଷେପ ପରେ ବୁଧବାର ଭୋର ସମୟରେ ଏକ ସ୍ୱତନ୍ତ୍ର ଗାଡ଼ିରେ ବାଘୁଣୀକୁ କୋଲକାତାର ଅଲିପୁର ପ୍ରାଣୀ ଉଦ୍ୟାନର ପ୍ରାଣୀ ଚିକିତ୍ସାଳୟରୁ ଶିମିଳିପାଳ ଅଣାଯାଇଥିଲା। ରାତି ପ୍ରାୟ ୧ଟା ୨୫ ମିନିଟ୍ ରେ ଜାମଶୋଳାଠାରେ ଆନ୍ତଃରାଜ୍ୟ ସୀମା ଦେଇ ଗ୍ରୀନ୍ କରିଡର ଯୋଗେ ଓଡ଼ିଶା ଅଣାଯାଇ ଶିମିଳିପାଳ ନିଆଯାଇଥିଲା। ବାଘୁଣୀକୁ ଆଣିବା ପାଇଁ ଓଡ଼ିଶା ବନ ବିଭାଗର ୧୦ ଜଣିଆ ଟିମ୍ କୋଲକାତା ଯାଇଥିଲେ।ବର୍ତ୍ତମାନ ଜିନତଙ୍କୁ ଶିମିଳିପାଳରେ ଏକ ସଫ୍ଟ ଏନକ୍ଲୋଜରରେ ରଖାଯିବ ଏବଂ ତାଙ୍କ ସ୍ୱାସ୍ଥ୍ୟାବସ୍ଥା ଏବଂ କାର୍ଯ୍ୟକଳାପ କୁ ଦେଖି ପରବର୍ତ୍ତୀ ପଦକ୍ଷେପ ନିଆଯିବ ।ଜିନତଙ୍କ ସ୍ୱାସ୍ଥ୍ୟାବସ୍ଥା ସନ୍ତୋଷଜନକ ଥିବା ଏବଂ ଆବଶ୍ୟକ କାଗଜପତ୍ର ପ୍ରକ୍ରିୟା ଶେଷ ହୋଇଥିବା ପ୍ରାଣୀ ଚିକିତ୍ସକ ଦଳ କହିବା ପରେ ତାଙ୍କୁ ସ୍ଥାନାନ୍ତର କରାଯାଇଥିଲା। ଏନଟିସିଏ ମାନକ ଅପରେଟିଂ ପ୍ରୋସିଡିଓର ଉଲ୍ଲଂଘନ କରିବା ସହ ବାଘୁଣୀକୁ ସ୍ଥାନାନ୍ତର କରିବା ପରିବର୍ତ୍ତେ ଚିଡ଼ିଆଖାନାକୁ…