Author: Purva Paksha

Odisha High Court: ଚାକିରି ଆଶାୟୀ ଶିକ୍ଷିତ ପତ୍ନୀ ଭରଣପୋଷଣ ଦାବିରେ ନିଷ୍କ୍ରିୟ ରହିପାରିବେ ନାହିଁ ବୋଲି ଓଡ଼ିଶା ହାଇକୋର୍ଟ ରାୟ ଦେଇଛନ୍ତି। ଉପଯୁକ୍ତ ଲାଭଦାୟକ ଚାକିରିରେ ଅଭିଜ୍ଞତା ଥିବା ଜଣେ ସୁଶିକ୍ଷିତ ପତ୍ନୀ କେବଳ ସ୍ୱାମୀଙ୍କଠାରୁ ଭରଣପୋଷଣ ଦାବି କରିବା ପାଇଁ ବସି ରହିପାରିବେ ନାହିଁ ବୋଲି ନିକଟରେ ଓଡ଼ିଶା ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ନିକଟରେ ଏକ ମାମଲାର ଶୁଣାଣି କରି ହାଇକୋର୍ଟ ଛାଡ଼ପତ୍ର ମାମଲାରେ ପରିବାର ଅଦାଲତ ଦେଇଥିବା ଭରଣପୋଷଣ ରାଶିକୁ ମାସିକ ୮ ହଜାର ଟଙ୍କାରୁ ୫ ହଜାର ଟଙ୍କାକୁ ହ୍ରାସ କରିଛନ୍ତି। ଜଷ୍ଟିସ୍ ଗୌରୀଶଙ୍କର ଶତପଥୀ ଏହି ମାମଲାର ରାୟ ଶୁଣାଇ କହିଛନ୍ତି, ଯେଉଁ ପତ୍ନୀମାନେ ଉପଯୁକ୍ତ ଓ ଉଚ୍ଚ ଯୋଗ୍ୟତା ଥାଇ ମଧ୍ୟ କାମ ନ କରି ସ୍ୱାମୀଙ୍କୁ ଭରଣପୋଷଣ ଦେବାର ଦାୟିତ୍ୱ ତୁଲାଇବା ପାଇଁ ନିଷ୍କ୍ରିୟ ରହୁଛନ୍ତି, ସେମାନଙ୍କୁ ଆଇନ କେବେ ବି ପ୍ରଶଂସା କରେ ନାହିଁ। ସିଆରପିସିର ଧାରା ୧୨୫ ପ୍ରଣୟନ…