Author: Purva Paksha

ବାରବାଟୀ-କଟକ ବିଧାୟକ ତଥା କଂଗ୍ରେସ ବିଧାୟକ ସୋଫିଆ ଫିରଦୌସ ବିଜୁ ଜନତା ଦଳର ରାଜ୍ୟସଭା ସାଂସଦ ଦେବାଶିଷ ସାମନ୍ତରାୟଙ୍କୁ ପରୋକ୍ଷରେ ଓ୍ଵାକଫ୍‍ ବିଲ୍‍କୁ ସମର୍ଥନ କରିବା ସହ ଟାଳଟୁଳ ମନ୍ତବ୍ୟ ଦେଇ ଜନସାଧାରଣଙ୍କୁ ବିଭ୍ରାନ୍ତ କରୁଥିବା ଅଭିଯୋଗ କରିବା ପରେ ଓଡ଼ିଶାରେ ରାଜନୀତି ସରଗରମ ହୋଇଛି। ପୂର୍ବରୁ ସାରାଦେଶରେ ଜୋରଦାର ଚର୍ଚ୍ଚା ସୃଷ୍ଟି କରିଥିବା ଓ୍ଵାକଫ୍ ବିଲ୍ ଏବେ ଓଡ଼ିଶାରେ ମଧ୍ୟ ରାଜନୈତିକ ଝଡ଼ ସୃଷ୍ଟି କରିଛି। କଂଗ୍ରେସ ବିଧାୟକଙ୍କ ଅଭିଯୋଗ ବିଜେଡି ସାଂସଦ ସସ୍ମିତ ପାତ୍ର ବିଲ୍ ସପକ୍ଷରେ ଭୋଟ୍ ଦେଇଥିବା ସ୍ପଷ୍ଟଭାବେ କହିଥିବା ବେଳେ ଦେବାଶିଷ ସାମନ୍ତରାୟ ମତଦାନ ପ୍ରକ୍ରିୟା ସମୟରେ ଓହରିଯାଇଥିବା ଦାବି କରି ଉତ୍ତରଦାୟିତ୍ୱ ଛଡ଼ାଇ ନେବାକୁ ଚେଷ୍ଟା କରିଥିଲେ ବୋଲି ସୋଫିଆ ଅଭିଯୋଗ କରିଛନ୍ତି। ସସ୍ମିତ ପାତ୍ର ଯଦି ଖୋଲାଖୋଲି ଭାବେ ସପକ୍ଷରେ ଭୋଟ୍ ଦେଇଛନ୍ତି ବୋଲି କହିପାରନ୍ତି, ତେବେ ଦେବାଶିଷ ସାମନ୍ତରାୟ କାହିଁକି ଅସ୍ପଷ୍ଟ ବୟାନ ପଛରେ ଲୁଚି ରହିଛନ୍ତି? ‘ମୁଁ ବାହାରକୁ…