ନଟ୍ଟିଂହାମର ଟ୍ରେଣ୍ଟ ବ୍ରିଜ୍ରେ ଖେଳାଯାଇଥିବା ତୃତୀୟ ଟି-୨୦ ମ୍ୟାଚ୍ରେ ଇଂଲଣ୍ଡ ହାତରୁ ୧୨୫ ରନ୍ର ଏକ ଲଜ୍ଜାଜନକ ପରାଜୟର ସାମ୍ନା କରିଛି ଭାରତୀୟ ଦଳ। ୨୦୨ ରନ୍ର ପିଛା କରୁଥିବା ଟିମ୍ ଇଣ୍ଡିଆ ମାତ୍ର ୭୬ ରନ୍ରେ ଅଲ୍ଆଉଟ୍ ହୋଇଯାଇଛି, ଯାହା ଟି-୨୦ ଇତିହାସରେ ରନ୍ ବ୍ୟବଧାନ ଦୃଷ୍ଟିରୁ ଭାରତର ସବୁଠୁ ବଡ଼ ପରାଜୟ। ମାତ୍ର ୫ ଓଭର ବା ୩୦ଟି ବଲ୍ ଭିତରେ ୫ଟି ୱିକେଟ୍ ହରାଇ ଭାରତୀୟ ବ୍ୟାଟିଂ ଲାଇନଅପ୍ ସମ୍ପୂର୍ଣ୍ଣ ଭାଙ୍ଗି ପଡ଼ିଥିଲା। ତେବେ କଣ ରହିଛି କୋଚ୍ ଗୌତମ ଗମ୍ଭୀରଙ୍କ ସେହି ଆଶ୍ଚର୍ଯ୍ୟଜନକ ରଣନୀତି ଏବଂ ବ୍ୟାଟ୍ସମ୍ୟାନମାନଙ୍କର ସେହି ଦାୟିତ୍ୱହୀନ ସଟ୍ ସିଲେକସନ୍ କଣ ଥିଲା ? ଯାହା ଯୋଗୁଁ ଇଣ୍ଡିଆ କ୍ରିକେଟ୍ ଇତିହାସରେ ଏହି କଳଙ୍କିତ ରେକର୍ଡ ସୃଷ୍ଟି ହୋଇଛି।
କ୍ରିକେଟ ପ୍ରେମୀଙ୍କ ପାଇଁ ଏବଂ ବିଶେଷ କରି ଭାରତୀୟ କ୍ରିକେଟ ପ୍ରଶଂସକଙ୍କ ପାଇଁ ଏଭଳି ଏକ ଖବର ସାମ୍ନାକୁ ଆସିଛି, ଯାହା ସମସ୍ତଙ୍କୁ ସ୍ତବ୍ଧ କରିଦେଇଛି। ଟିମ୍ ଇଣ୍ଡିଆର ମୁଣ୍ଡରେ ଲାଗିଛି ଏକ ବଡ଼ କଳଙ୍କ। ଇଂଲଣ୍ଡ ମାଟିରେ, ନଟ୍ଟିଂହାମର ଟ୍ରେଣ୍ଟ ବ୍ରିଜ୍ ମୈଦାନରେ ଭାରତୀୟ ବ୍ୟାଟିଂ ଲାଇନଅପ୍ ଏଭଳି ଭାବରେ ତାସର ଘର ଭଳି ଭାଙ୍ଗିପଡ଼ିବ, ଏହା କେହି କଳ୍ପନା ସୁଦ୍ଧା କରିନଥିଲେ। ମାତ୍ର ୩୦ଟି ବଲ୍ରେ, ଅର୍ଥାତ୍ ପ୍ରଥମ ୫ ଓଭର ଭିତରେ ହିଁ ମ୍ୟାଚ୍ର ଭାଗ୍ୟ ନିର୍ଦ୍ଧାରଣ ହୋଇସାରିଥିଲା। ଇଂଲଣ୍ଡର ବୋଲରମାନେ ଭାରତୀୟ ଦଳକୁ କେବଳ ପରାସ୍ତ କରିନାହାନ୍ତି, ବରଂ ଏକପ୍ରକାର ନକ୍ଆଉଟ୍ କରିଦେଇଛନ୍ତି।
୫ ମ୍ୟାଚ୍ ବିଶିଷ୍ଟ ଏହି ଟି-୨୦ ସିରିଜ୍ର ତୃତୀୟ ମ୍ୟାଚ୍ରେ ଭାରତକୁ ୧୨୫ ରନ୍ର ଏକ ବଡ଼ ଏବଂ ଲଜ୍ଜାଜନକ ପରାଜୟର ସାମ୍ନା କରିବାକୁ ପଡ଼ିଛି। ଆଉ ଏହି ପରାଜୟ ସହିତ ଭାରତୀୟ କ୍ରିକେଟ ଇତିହାସରେ ସୃଷ୍ଟି ହୋଇଛି ଏକ ଶରମଜନକ ରେକର୍ଡ। ରନ୍ ବ୍ୟବଧାନ ଦୃଷ୍ଟିରୁ ଟି-୨୦ ଆନ୍ତର୍ଜାତୀୟ କ୍ରିକେଟରେ ଏହା ହେଉଛି ଭାରତର ସବୁଠାରୁ ବଡ଼ ପରାଜୟ। ପୂର୍ବରୁ କେବେ ମଧ୍ୟ ଭାରତୀୟ ଦଳ ଏତେ ବଡ଼ ରନ୍ ବ୍ୟବଧାନରେ କୌଣସି ଦଳଠାରୁ ହାରିନଥିଲା। ଏହି ମ୍ୟାଚ୍ରେ ପ୍ରଥମେ ବ୍ୟାଟିଂ କରି ଇଂଲଣ୍ଡ ୭ ୱିକେଟ୍ ହରାଇ ୨୦୧ ରନ୍ କରିଥିଲା। ହେଲେ ୨୦୨ ରନ୍ର ବିଜୟ ଲକ୍ଷ୍ୟକୁ ପିଛା କରୁଥିବା ଟିମ୍ ଇଣ୍ଡିଆ ମାତ୍ର ୧୧.୪ ଓଭରରେ ୭ ରନ୍ରେ ସମସ୍ତ ୱିକେଟ୍ ହରାଇ ଆଣ୍ଠୁ ମାଡ଼ି ବସିଥିଲା। ଆଉ ଏହି ବିଜୟ ସହ ଇଂଲଣ୍ଡ ଏହି ସିରିଜ୍ରେ ୨-୦ରେ ଅଜେୟ ଅଗ୍ରଣୀ ହାସଲ କରିସାରିଛି। ସବୁଠୁ ବଡ଼ କଥା ହେଉଛି, ଅଧିନାୟକ ଶ୍ରେୟସ ଆୟରଙ୍କ ନେତୃତ୍ୱରେ ଦଳର ବିଜୟ ନପାଇବାର ସିଲସିଲା ଏବେ ୫ଟି ମ୍ୟାଚ୍ରେ ପହଞ୍ଚିଛି।
ଟି-୨୦ ଆନ୍ତର୍ଜାତୀକ କ୍ରିକେଟ ଇତିହାସରେ ରନ୍ ବ୍ୟବଧାନ ହିସାବରେ ଭାରତର ଶୀର୍ଷ ପରାଜୟଗୁଡ଼ିକ ଉପରେ ଯଦି ଆମେ ନଜର ପକାଇବା, ତେବେ ଏହି ମ୍ୟାଚ୍ ସବୁଠୁ ଉପରେ ରହିବ:
• ୧୨୫ ରନ୍ରେ ପରାଜୟ: ବନାମ ଇଂଲଣ୍ଡ, ଟ୍ରେଣ୍ଟ ବ୍ରିଜ୍, ୨୦୨୬ (ଏହି ମ୍ୟାଚ୍)
• ୮୦ ରନ୍ରେ ପରାଜୟ: ବନାମ ନ୍ୟୁଜିଲ୍ୟାଣ୍ଡ, ୱେଲିଂଟନ, ୨୦୧୯
• ୭ ରନ୍ରେ ପରାଜୟ: ବନାମ ଦକ୍ଷିଣ ଆଫ୍ରିକା, ଅହମ୍ମଦାବାଦ, ୨୦୨୬
• ୫୧ ରନ୍ରେ ପରାଜୟ: ବନାମ ଦକ୍ଷିଣ ଆଫ୍ରିକା, ମୁଲ୍ଲାନପୁର, ୨୦୨୫
• ୫୦ ରନ୍ରେ ପରାଜୟ: ବନାମ ନ୍ୟୁଜିଲ୍ୟାଣ୍ଡ, ବିଶାଖାପାଟଣା, ୨୦୨୬
ଏହି ତାଲିକାରୁ ଜଣା ପଡିଛି ଭାରତର ଟି-୨୦ ଇତିହାସର ୫ଟି ସବୁଠାରୁ ବଡ଼ ପରାଜୟ ମଧ୍ୟରୁ ୪ଟି ଯାକ ପରାଜୟ ଗତ କିଛି ମାସ ଭିତରେ, ଅର୍ଥାତ ଡିସେମ୍ବର ୨୦୨୫ ପରଠାରୁ ହିଁ ଆସିଛି। ଏହା ସ୍ପଷ୍ଟ ସଙ୍କେତ ଦେଉଛି ଯେ ଭାରତୀୟ ଟି-୨୦ କ୍ରିକେଟରେ କେଉଁଠି ନା କେଉଁଠି ଏକ ବଡ଼ ଗଡ଼ବଡ଼ ଚାଲିଛି। କେବଳ ସେତିକି ନୁହେଁ, ଟି-୨୦ରେ ଭାରତର ସବୁଠାରୁ କମ୍ ସ୍କୋର ମଧ୍ୟରେ ଏହି ୭ ରନ୍ ଦ୍ୱିତୀୟ ସ୍ଥାନରେ ପହଞ୍ଚିଛି। ଏହାପୂର୍ବରୁ ୨୦୦୮ ମସିହାରେ ଅଷ୍ଟ୍ରେଲିଆ ବିପକ୍ଷରେ ମେଲବର୍ଣ୍ଣରେ ଭାରତ ୭୪ ରନ୍ରେ ଅଲ୍ଆଉଟ୍ ହୋଇଥିଲା, ଯାହା ଭାରତର ସର୍ବନିମ୍ନ ସ୍କୋର ଥିଲା। ଆଉ ଆଜି ୧୮ ବର୍ଷ ପରେ ଇଂଲଣ୍ଡ ବିପକ୍ଷରେ ଦଳ ମାତ୍ର ୭ ରନ୍ରେ ସିମିଟି ଯାଇଛି।
ତେବେ ପ୍ରଶ୍ନ ଉଠୁଛି, କାହିଁକି ଏଭଳି ବିପର୍ଯ୍ୟୟ ଘଟିଲା? କେଉଁଠି ରହିଗଲା ତ୍ରୁଟି? କଣ ପାଇଁ ଟିମ୍ ଇଣ୍ଡିଆର ବ୍ୟାଟ୍ସମ୍ୟାନମାନେ ଜଣକ ପରେ ଜଣେ କ୍ରିଜ୍କୁ ଆସିଲେ ଏବଂ ପାଭିଲିୟନକୁ ଫେରିବା ପାଇଁ ବ୍ୟାକୁଳ ଦେଖାଗଲେ? ମ୍ୟାଚ୍ର ପୋଷ୍ଟ-ମର୍ଟମ କଲେ ଜଣାପଡ଼େ ଯେ, ଖରାପ ସଟ୍ ସିଲେକସନ୍ ଏବଂ ପଡ଼ିଆରେ ଲଢ଼ିବାର ଇଚ୍ଛାଶକ୍ତିର ଅଭାବ ହିଁ ଏହି ସର୍ବନାଶର ମୁଖ୍ୟ କାରଣ ଥିଲା।
ଇଂଲଣ୍ଡ ପକ୍ଷରୁ ଜୋଫ୍ରା ଆର୍ଚର ଏବଂ ଯୋଶ ଟଙ୍ଗ୍ ପାୱାରପ୍ଲେରେ ଯେଉଁ ଘାତକ ବୋଲିଂ କଲେ, ତାର କୌଣସି ଜବାବ ଭାରତୀୟ ବ୍ୟାଟ୍ସମ୍ୟାନଙ୍କ ପାଖରେ ନଥିଲା। ଆର୍ଚର ୩ ଓଭରରେ ୨୯ ରନ୍ ଦେଇ ୩ଟି ୱିକେଟ୍ ନେଇଥିବା ବେଳେ, ଯୋଶ ଟଙ୍ଗ୍ ୪ ଓଭରରେ ମାତ୍ର ୨୮ ରନ୍ ଦେଇ ୪ଟି ସଫଳତା ହାସଲ କରିଥିଲେ। ଅଭିଷେକ ଶର୍ମାଙ୍କ ଠାରୁ ଆରମ୍ଭ କରି ଶିବମ ଦୁବେଙ୍କ ପର୍ଯ୍ୟନ୍ତ, କେହି ମଧ୍ୟ ପିଚ୍ରେ ଟିକେ ରହିବାକୁ ଚେଷ୍ଟା କରିନଥିଲେ।
ମ୍ୟାଚ୍ ଆରମ୍ଭରୁ ହିଁ ଭାରତର ୱିକେଟ୍ ପତନର ଶୋଭାଯାତ୍ରା ଆରମ୍ଭ ହୋଇଯାଇଥିଲା। ପ୍ରଥମେ ଓପନର ଅଭିଷେକ ଶର୍ମା ଡିପ୍ ଏକ୍ସଟ୍ରା କଭରରେ କ୍ୟାଚ୍ ଦେଇ ଆଉଟ୍ ହେଲେ। ତା’ପରେ ଆସିଥିଲେ ୧୫ ବର୍ଷର ଯୁବ ଖେଳାଳି ବୈଭବ ସୂର୍ଯ୍ୟବଂଶୀ। ସୂର୍ଯ୍ୟବଂଶୀ ନିଶ୍ଚିତ ଭାବେ କିଛି ଆକର୍ଷଣୀୟ ସଟ୍ ଖେଳିଲେ, ସେ ଆର୍ଚର ଏବଂ ଟଙ୍ଗ୍ଙ୍କ ବଲ୍ରେ ଦୁଇଟି ଛକ୍କା ମଧ୍ୟ ମାରିଥିଲେ। ହେଲେ ତାଙ୍କର ଏହି ଦମ୍ଭ ମାତ୍ର ୫ଟି ବଲ୍ ପର୍ଯ୍ୟନ୍ତ ସୀମିତ ରହିଲା। ଜୋଫ୍ରା ଆର୍ଚରଙ୍କ ଏକ ଦ୍ରୁତ ବାଉନ୍ସରକୁ ସେ ହୁକ୍ କରିବାକୁ ଚେଷ୍ଟା କଲେ ଏବଂ ବଲ୍ ସିଧା ୱିକେଟ୍ କିପର ଜୋସ୍ ବଟଲରଙ୍କ ଗ୍ଲୋଭସ୍କୁ ଚାଲିଗଲା। ସେ ମାତ୍ର ୧୩ ରନ୍ କରି ଆଉଟ୍ ହେଲେ। ଇଶାନ କିଷନ ମଧ୍ୟ ଗୋଟିଏ ଛକ୍କା ମାରି ଆଶା ଜଗାଇଥିଲେ, କିନ୍ତୁ ସେ ମଧ୍ୟ ବହୁତ ଶୀଘ୍ର ପାଭିଲିୟନ ଫେରିଗଲେ। ଅଧିନାୟକ ଶ୍ରେୟସ ଆୟର ଆର୍ଚରଙ୍କ ବଲ୍କୁ ଫ୍ଲିକ୍ କରିବାକୁ ଯାଇ ସେହି ସ୍ଥାନରେ ଥିବା ଏକମାତ୍ର ଫିଲ୍ଡରଙ୍କ ହାତରେ କ୍ୟାଚ୍ ଦେଇ ବସିଲେ।
ଅକ୍ଷର ପଟେଲ ଶର୍ଟ ବଲ୍ ଆଶା କରୁଥିବା ବେଳେ ଫୁଲର୍ ଲେନ୍ଥ ବଲ୍ ପାଇଲେ ଏବଂ ବ୍ୟାଟ୍ର କାନି ବାଜି ୱିକେଟ୍ ପଛରେ କ୍ୟାଚ୍ ଆଉଟ୍ ହେଲେ। ଏହିଭଳି ଭାବରେ ପ୍ରଥମ ୫ ଓଭରରେ ୫୨ ରନ୍ ଭିତରେ ଭାରତ ୫ଟି ପ୍ରମୁଖ ୱିକେଟ୍ ହରାଇ ସାରିଥିଲା ଏବଂ ସେତିକି ବେଳେ ହିଁ ଭାରତର ପରାଜୟ ସୁନିଶ୍ଚିତ ହୋଇଯାଇଥିଲା।
ଏହି ସବୁ ଭିତରେ ଟିମ୍ ମ୍ୟାନେଜମେଣ୍ଟ ଏବଂ ମୁଖ୍ୟ କୋଚ୍ ଗୌତମ ଗମ୍ଭୀରଙ୍କ କିଛି ରଣନୈତିକ ନିଷ୍ପତ୍ତି ଉପରେ ଏବେ ବଡ଼ ପ୍ରଶ୍ନବାଚୀ ସୃଷ୍ଟି ହୋଇଛି। କ୍ରିକେଟ ବିଶେଷଜ୍ଞ ଏବଂ ପ୍ରଶଂସକମାନେ ଆଶ୍ଚର୍ଯ୍ୟ ହୋଇଛନ୍ତି ଯେ, ଯେତେବେଳେ ଦଳ ବିପଦରେ ଥିଲା, ସେତେବେଳେ ଶିବମ ଦୁବେଙ୍କ ଭଳି ଜଣେ ଅଭିଜ୍ଞ ତଥା ବିସ୍ଫୋରକ ବ୍ୟାଟ୍ସମ୍ୟାନଙ୍କୁ ପଛକୁ ରଖି ପାୱାରପ୍ଲେ ସମୟରେ ନମ୍ବର ୭ରେ ହର୍ଷିତ ରାଣାଙ୍କୁ ବ୍ୟାଟିଂ ପାଇଁ କାହିଁକି ପଠାଗଲା?
ହର୍ଷିତ ରାଣା ଜଣେ ବୋଲର ଏବଂ ସେ କେବେ କେମିତି ବଡ଼ ସଟ୍ ମାରିପାରନ୍ତି, କିନ୍ତୁ ତାଙ୍କୁ ଦୁବେଙ୍କ ଆଗରୁ ପଠାଇବାର କାରଣ କଣ ଥିଲା? ଏହି ନିଷ୍ପତ୍ତିକୁ ନେଇ ପୂର୍ବତନ କ୍ରିକେଟର ମହମ୍ମଦ କୈଫ୍ ଏବଂ ଅନ୍ୟମାନେ ମଧ୍ୟ ଗମ୍ଭୀରଙ୍କ ଉପରେ ବେଶ୍ ବରଷିଛନ୍ତି। ଖୋଦ୍ ସଞ୍ଜୁ ସାମସନଙ୍କୁ ଚୂଡ଼ାନ୍ତ ଏକାଦଶରୁ ବାହାରେ ରଖିବା ଏବଂ ବୈଭବ ସୂର୍ଯ୍ୟବଂଶୀଙ୍କୁ ସୁଯୋଗ ଦେବା ପଛର କାରଣ କଣ, ତାହା ମଧ୍ୟ ସଠିକ୍ ଭାବେ ସ୍ପଷ୍ଟ ହୋଇପାରିନାହିଁ, ଯଦିଓ ଗମ୍ଭୀର ଏହା ପଛରେ କିଛି ଯୁକ୍ତି ବାଢ଼ିଛନ୍ତି।
ଯଦି ଆମେ ପ୍ରଥମ ଇନିଂସର କଥା କହିବା, ତେବେ ଭାରତୀୟ ଦ୍ରୁତ ବୋଲରମାନେ ନିଶ୍ଚିତ ଭାବେ ଭଲ ପ୍ରୟାସ କରିଥିଲେ। ଦିଲ୍ଲୀର ହର୍ଷିତ ରାଣା ୪ ଓଭରରେ ୪୦ ରନ୍ ଦେଇ ୨ଟି ୱିକେଟ୍ ନେଇଥିବା ବେଳେ ପ୍ରିନ୍ସ ଯାଦବ ବେଶ୍ ପ୍ରଭାବଶାଳୀ ବୋଲିଂ କରି ୪ ଓଭରରେ ୩୦ ରନ୍ ଦେଇ ୨ଟି ସଫଳତା ପାଇଥିଲେ। କିନ୍ତୁ ଭାରତୀୟ ସ୍ପିନରମାନେ ସମ୍ପୂର୍ଣ୍ଣ ଫ୍ଲପ୍ ସାବ୍ୟସ୍ତ ହେଲେ। ଅଭିଜ୍ଞ ଅକ୍ଷର ପଟେଲ ୪ ଓଭରରେ ୪୯ ରନ୍ ଦେଇ ମାତ୍ର ଗୋଟିଏ ୱିକେଟ୍ ନେଇଥିବା ବେଳେ ବରୁଣ ଚକ୍ରବର୍ତ୍ତୀ ୩ ଓଭରରେ ୩୫ ରନ୍ ଦେଇ କୌଣସି ୱିକେଟ୍ ପାଇନଥିଲେ। ଇଂଲଣ୍ଡ ପକ୍ଷରୁ ଓପନର ଫିଲ୍ ସାଲ୍ଟ ୭୦ ରନ୍ର ଏକ ଦମଦାର ଇନିଂସ ଖେଳିଥିଲେ ଏବଂ ଶେଷ ଆଡ଼କୁ ସାମ କରନ୍ଙ୍କ ମାତ୍ର ୨୪ଟି ବଲ୍ରେ ନଟ୍ଆଉଟ୍ ୪୧ ରନ୍ର ବିସ୍ଫୋରକ ଇନିଂସ ବଳରେ ଇଂଲଣ୍ଡ ଶେଷ ୮ ଓଭରରେ ୮୯ ରନ୍ ସଂଗ୍ରହ କରି ଭାରତ ଆଗରେ ୨୦୧ ରନ୍ର ପାହାଡ଼ ସଦୃଶ ସ୍କୋର ଛିଡ଼ା କରିଥିଲା।
ଏହି ପରାଜୟ କେବଳ ଏକ ସାଧାରଣ ପରାଜୟ ନୁହେଁ। ଏହା ଭାରତୀୟ କ୍ରିକେଟର ଚେହେରାକୁ ଆଇନା ଦେଖାଇଛି। ଗୌତମ ଗମ୍ଭୀର କୋଚ୍ ହେବା ପରେ ଦଳରେ ଅନେକ ପରୀକ୍ଷା ନିରୀକ୍ଷା ଚାଲିଛି, କିନ୍ତୁ ଏହି ପରୀକ୍ଷାର ପରିଣାମ ଯଦି ଏଭଳି ଲଜ୍ଜାଜନକ ହେବ, ତେବେ ପ୍ରଶ୍ନ ଉଠିବା ସ୍ୱାଭାବିକ। ଦଳର ସିନିୟର ଖେଳାଳିମାନଙ୍କ ଦାୟିତ୍ୱହୀନତା ଏବଂ ଯୁବ ଖେଳାଳିଙ୍କ ଉପରେ ଅତିରିକ୍ତ ଚାପ, ଆଜି ଭାରତକୁ ଏହି ଦଶା ଦେଖାଇଛି।
