ଆଜିକାଲି ଦୁନିଆରେ ଯୁଦ୍ଧ କେବଳ ସୀମାରେ ଲଢ଼ାଯାଉନି, ବରଂ କୂଟନୀତି ଏବଂ ଗୁପ୍ତ ଚିଠି ମାଧ୍ୟମରେ ମଧ୍ୟ ଲଢ଼ାଯାଉଛି। ପାକିସ୍ତାନର ସେହି ରହସ୍ୟ, ଯାହାକୁ ଆର୍ମି ଚିଫ୍ ଅସିମ ମୁନୀର ଦୁନିଆ ଆଗରୁ ଲୁଚାଇବାକୁ ଚେଷ୍ଟା କରୁଥିଲେ। କାହିଁକି ଇରାନକୁ ନେଇ ପାକିସ୍ତାନ ଭିତରେ ବିଦ୍ରୋହର ନିଆଁ ଜଳୁଛି? କାହିଁକି ଆସିମ ମୁନୀର ନିଜ ଦେଶର ସିଆ ସମ୍ପ୍ରଦାୟର ଧର୍ମଗୁରୁମାନଙ୍କୁ ଧମକ ଦେଉଛନ୍ତି?
କେବଳ ସେତିକି ନୁହେଁ, ଯେଉଁଥିରେ ଇରାନର ବଡ଼ ବଡ଼ ନେତାମାନେ ନିଜ ସୁପ୍ରିମ୍ ଲିଡରଙ୍କୁ କହିଛନ୍ତି – “ବସ୍, ଆଉ ହେବନି, ଆମ ଅଣ୍ଟା ଭାଙ୍ଗିଗଲାଣି।”
ପାକିସ୍ତାନରେ ସେନ୍ସରସିପ୍ ଏବଂ ନ୍ୟୁୟର୍କ ଟାଇମ୍ସର ବ୍ଲାଙ୍କ ପେଜ୍
ସର୍ବପ୍ରଥମେ କଥା ହେବା ପାକିସ୍ତାନର ସେନ୍ସରସିପ୍ ବିଷୟରେ। ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ପାକିସ୍ତାନରେ ପ୍ରକାଶିତ ‘ନ୍ୟୁୟର୍କ ଟାଇମ୍ସ’ର ଏକ ପୃଷ୍ଠା ସମ୍ପୂର୍ଣ୍ଣ ଖାଲି ଛଡ଼ାଯାଇଥିଲା।
କାହିଁକି? କାରଣ ସେହି ଆର୍ଟିକିଲରେ ପାକିସ୍ତାନର ଆର୍ମି ଚିଫ୍ ଆସିମ ମୁନୀରଙ୍କ ଏକ ଗୁପ୍ତ ବୈଠକର ସତ୍ୟତା ଥିଲା। ପାକିସ୍ତାନର ଲୋକେ ଯେମିତି ସତ ଜାଣି ନ ପାରିବେ, ସେଥିପାଇଁ ସେହି ଖବରକୁ ଚାପି ଦିଆଗଲା।
ଆସିମ ମୁନୀରଙ୍କ ଧମକ:
ଇରାନ ଓ ଆମେରିକା ମଧ୍ୟରେ ଚାଲିଥିବା ତିକ୍ତତା ଭିତରେ ପାକିସ୍ତାନର ସିଆ ସମ୍ପ୍ରଦାୟ ଇରାନ ସମର୍ଥନରେ ବାହାରିଛନ୍ତି। ଏହାକୁ ଦେଖି ଆସିମ ମୁନୀର ସିଆ ଧର୍ମଗୁରୁମାନଙ୍କୁ ଡାକି ଏକ ବୈଠକ କରିଥିଲେ। ସାଧାରଣତଃ ଏମିତି ସମୟରେ ଶାନ୍ତି ରକ୍ଷା ପାଇଁ ଅନୁରୋଧ କରାଯାଏ, କିନ୍ତୁ ଆସିମ ମୁନୀର ସେମାନଙ୍କୁ ଧମକ ଦେଇ କହିଲେ – “ଯାହାକୁ ଇରାନ ପ୍ରତି ଏତେ ଭଲପାଇବା ଅଛି, ସେ ଇରାନ ଚାଲିଯାଉ।”
ପାକିସ୍ତାନର ସିଆମାନେ ନିଜ ରାଷ୍ଟ୍ର ପ୍ରତି ଅନୁଗତ, କିନ୍ତୁ ସେମାନଙ୍କ ଧାର୍ମିକ ଆସ୍ଥା ଇରାନ ସହ ଜଡ଼ିତ। ଆସିମ ମୁନୀର ସେମାନଙ୍କୁ ଦେଶଦ୍ରୋହୀ ଭଳି ବ୍ୟବହାର କରିବା ଦ୍ୱାରା ପାକିସ୍ତାନ ଭିତରେ ଏକ ବଡ଼ ବିଭାଜନ ସୃଷ୍ଟି ହୋଇଛି।
ପାକିସ୍ତାନର ଦୁଇମୁହାଁ ନୀତି – ଆମେରିକାର ଗୋଲାମି
ପାକିସ୍ତାନ ନିଜକୁ ଆମେରିକା ଓ ଇରାନ ମଧ୍ୟରେ ଜଣେ ‘ମଧ୍ୟସ୍ଥି’ (Mediator) ବୋଲି ଦାବି କରୁଛି। କିନ୍ତୁ ସତ୍ୟ ହେଉଛି ପାକିସ୍ତାନ ଆମେରିକାଠାରୁ ଏତେ ଟଙ୍କା ଖାଇଛି ଯେ, ସେମାନଙ୍କ ଆଗରେ ପାକିସ୍ତାନର ପାଟି ଖୋଲିବା ଅସମ୍ଭବ। ଡୋନାଲ୍ଡ ଟ୍ରମ୍ପ ଏବଂ ଆସିମ ମୁନୀରଙ୍କ ମଧ୍ୟରେ ଯେଉଁ ଖେଳ ଚାଲିଛି, ସେଥିରେ ପାକିସ୍ତାନ କେବଳ ଏକ ମୋହରା।
ପାକିସ୍ତାନର ସାଧାରଣ ଜନତାଙ୍କୁ ଦେଖାଯାଉଛି ଯେ ସେମାନଙ୍କ ଦେଶ କୂଟନୀତିର ଶିଖରରେ ପହଞ୍ଚିଛି। କିନ୍ତୁ ବାସ୍ତବରେ ପାକିସ୍ତାନର ଅର୍ଥନୀତି ଗାତ ଭିତରେ। ସେମାନେ ଭିକ ମାଗୁଛନ୍ତି, କିନ୍ତୁ ଦୁନିଆକୁ ଦେଖାଉଛନ୍ତି ଯେ ସେମାନେ ଇରାନ ଓ ଆମେରିକା ମଧ୍ୟରେ ଶାନ୍ତି ସ୍ଥାପନ କରୁଛନ୍ତି। ପାକିସ୍ତାନର ସିଆ ଏବଂ ସୁନ୍ନି ଉଭୟ ସମ୍ପ୍ରଦାୟର ଲୋକେ ଏବେ ପ୍ରଶ୍ନ କରୁଛନ୍ତି – “ତୁମେ ଆମେରିକାର କୋଳରେ କାହିଁକି ବସିଛ?”
ଇରାନର ଭିତରି ବିଦ୍ରୋହ ଏବଂ ସେହି ଗୁପ୍ତ ଚିଠି
ଏବେ ଆସନ୍ତୁ କଥା ହେବା ଇରାନ ବିଷୟରେ। ଇରାନ ଦୁନିଆ ଆଗରେ ଏକ ‘ୟୁନାଇଟେଡ୍ ଫ୍ରଣ୍ଟ’ ଦେଖାଉଛି, ଅର୍ଥାତ୍ ସେମାନଙ୍କର କିଛି କ୍ଷତି ହୋଇନି। କିନ୍ତୁ ଭିତରେ ଭିତରେ ଇରାନର ଅବସ୍ଥା ଅତି ଶୋଚନୀୟ। ଇରାନର ରାଷ୍ଟ୍ରପତି ମସୁଦ ପେଜେସ୍କିଆନ, ବୈଦେଶିକ ମନ୍ତ୍ରୀ ଅବ୍ବାସ ଆରାଚି ଏବଂ ସଂସଦର ବାଚସ୍ପତିଙ୍କ ସମେତ ବହୁ ବରିଷ୍ଠ ନେତା ନିଜ ସୁପ୍ରିମ୍ ଲିଡର ମୁସ୍ତାବା ଖାମେନୀଙ୍କୁ ଏକ ଗୁପ୍ତ ଚିଠି ଲେଖିଛନ୍ତି।
ସେହି ଚିଠିରେ ସ୍ପଷ୍ଟ ଭାବେ ଲେଖାଯାଇଛି ଯେ, ଇରାନର ଆର୍ଥିକ ଅବସ୍ଥା ଆଉ ସମ୍ଭାଳିବା ପରିସ୍ଥିତିରେ ନାହିଁ। ଆମେରିକାର କଠୋର ପ୍ରତିବନ୍ଧକ ଯୋଗୁଁ ଦେଶର ମେରୁଦଣ୍ଡ ଭାଙ୍ଗିଗଲାଣି। ନେତାମାନେ ପରାମର୍ଶ ଦେଇଛନ୍ତି ଯେ, ଇରାନକୁ ତୁରନ୍ତ ଆମେରିକା ସହ ପରମାଣୁ ପ୍ରସଙ୍ଗ ଉପରେ ଆଲୋଚନା କରିବା ଦରକାର, ନଚେତ୍ ଦେଶ ସମ୍ପୂର୍ଣ୍ଣ ଭୁଶୁଡ଼ି ପଡ଼ିବ। ଏହି ଚିଠି ଲିକ୍ ହେବା ପରେ ଇରାନ ସରକାର ଅପ୍ରସ୍ତୁତ ହୋଇଯାଇଛନ୍ତି ଏବଂ ଏବେ ଧମକ ଦିଆଯାଉଛି ଯେ ଯିଏ ଏହି ଚିଠି ଲିକ୍ କରିଛି ତାକୁ ୧୦ ବର୍ଷ ଜେଲ୍ ହେବ।
ସିଆ-ସୁନ୍ନି ବିବାଦ ଏବଂ କର୍ବଲାର ଯୁଦ୍ଧ ସହ ତୁଳନା
ପାକିସ୍ତାନରେ ଏହି ବିଷୟଟି ଏକ ଧାର୍ମିକ ରୂପ ନେଉଛି। ଇରାନର ଶାସକଙ୍କୁ ଅନେକ ସିଆ ମୁସଲମାନ ନିଜର ଆଧ୍ୟାତ୍ମିକ ଗୁରୁ ମାନନ୍ତି। ଯେତେବେଳେ ଆମେରିକା ଇରାନ ଉପରେ ଆକ୍ରମଣ କରେ, ପାକିସ୍ତାନର ସିଆମାନେ ଏହାକୁ ନିଜ ଧର୍ମ ଉପରେ ଆକ୍ରମଣ ବୋଲି ଭାବନ୍ତି। ସେମାନେ ଏହି ସଂଘର୍ଷକୁ ସପ୍ତମ ଶତାବ୍ଦୀର କର୍ବଲା ଯୁଦ୍ଧ ସହ ତୁଳନା କରୁଛନ୍ତି।
ଏହି ସମୟରେ ଯେତେବେଳେ ପାକିସ୍ତାନର ସେନା ଆମେରିକା ସହ ହାତ ମିଳାଏ, ସେତେବେଳେ ଦେଶ ଭିତରେ ଗୃହଯୁଦ୍ଧ ଭଳି ସ୍ଥିତି ସୃଷ୍ଟି ହୁଏ। ଆସିମ ମୁନୀର ଜାଣିଛନ୍ତି ଯେ ଯଦି ସିଆ ଓ ସୁନ୍ନି ଏକାଠି ହୋଇଯାନ୍ତି, ତେବେ ତାଙ୍କ ଗାଦି ବିପଦରେ। ସେଥିପାଇଁ ସେ ପାକିସ୍ତାନର କାନ୍ଥବାଡ଼ଗୁଡ଼ିକରେ ପୁଣିଥରେ ‘ସିଆ କାଫିର’ ଭଳି ସ୍ଲୋଗାନ ଲେଖାଇ ବିଭାଜନ ସୃଷ୍ଟି କରିବାକୁ ଚେଷ୍ଟା କରୁଛନ୍ତି।
ପରିଶେଷରେ ଏତିକି କୁହାଯାଇପାରେ ଯେ, ଇରାନ ଏବଂ ପାକିସ୍ତାନ ଉଭୟ ଦେଶ ଭିତରେ ବଡ଼ ଧରଣର ବିଭାଜନ ଦେଖାଦେଇଛି। ଇରାନର ନେତାମାନେ ବାହାରକୁ ବୀରତ୍ୱ ଦେଖାଉଥିଲେ ବି ଭିତରେ ସେମାନେ ଆତ୍ମସମର୍ପଣ କରିବାକୁ ପ୍ରସ୍ତୁତ। ଅନ୍ୟପଟେ ପାକିସ୍ତାନ ନିଜର ଆର୍ଥିକ ଦୈନ୍ୟତାକୁ ଲୁଚାଇବା ପାଇଁ ଏବଂ ଆମେରିକାରୁ ଟଙ୍କା ପାଇବା ପାଇଁ ନିଜ ଦେଶର ନିରିହ ଜନତାଙ୍କୁ ଧୋକା ଦେଉଛି।
AlsoRead; https://purvapaksa.com/bjd-and-tmc-worried-about-partition/
ବିଭାଜନ ନେଇ ଚିନ୍ତାରେ ବିଜେଡି ଓ ଟିଏମସି! || BJD and TMC worried about partition!
