ରାଜଧାନୀରେ ସାମ୍ନାକୁ ଆସିଛି ପୁଣି ଏକ ଚାଞ୍ଚଲ୍ୟକର ଘଟଣା । ସୋମବାର ବିଳମ୍ବିତ ରାତିରେ ଜଣେ ହୋଟେଲ ରୋଷେୟାଙ୍କୁ ତାଙ୍କ ହେଲପର ଆକ୍ରମଣ କରିଥିବା ଅଭିଯୋଗ ହୋଇଛି । ଯାହା ଫଳରେ ସ୍ଥାନୀୟ ଅଞ୍ଚଳରେ ଖେଳିଛି ଆତଙ୍କ । ଚନ୍ଦ୍ରଶେଖରପୁର ଥାନା ଅଧୀନସ୍ଥ ପଟିଆ ଷ୍ଟେସନ ରୋଡରେ ଏହି ଘଟଣା ଘଟିଥିବା ସୂଚନା ମିଳିଛି ।
ରିପୋର୍ଟ ଅନୁଯାୟୀ, ଆହତଙ୍କ ନାମ ଆଶିଷ ମହାନ୍ତି, ଯିଏ ଏକ ସ୍ଥାନୀୟ ହୋଟେଲରେ ରୋଷେୟା ଭାବରେ କାମ କରନ୍ତି । ତେବେ ତାଙ୍କ ସହାୟକ, ଯିଏ କି କେ. ଲାଭା ରାଓ ତାଙ୍କୁ ଏକ ଧାରୁଆ ଛୁରୀରେ ଆକ୍ରମଣ କରିଥିଲେ ବୋଲି ଅଭିଯୋଗ ହୋଇଛି । ଅଭିଯୁକ୍ତ ଆଶିଷଙ୍କ ଗଳା କାଟି ଗୁରୁତର ଆହତ କରିବା ପରେ ସେଠାରୁ ଫେରାର ହୋଇଯାଇଥିବା ଜଣାପଡ଼ିଛି।
ଘଟଣା ପରେ, ସ୍ଥାନୀୟ ଲୋକମାନେ ଆହତଙ୍କୁ ତୁରନ୍ତ ଉଦ୍ଧାର କରି ଚିକିତ୍ସା ପାଇଁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଇଥିଲେ । ପରେ ପୋଲିସକୁ ଖବର ଦେଇଥିଲେ, ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା । ତାଙ୍କ ଅବସ୍ଥା ଗମ୍ଭୀର ଥିବାରୁ, ପରେ ତାଙ୍କୁ ଉନ୍ନତ ଚିକିତ୍ସା ପାଇଁ ଏକ ଘରୋଇ ମେଡିକାଲକୁ ସ୍ଥାନାନ୍ତର କରାଯାଇଥିଲା । ଏହା ପରେ ତୁରନ୍ତ ଆକ୍ସନ ନେଇ ଅଭିଯୁକ୍ତ ଲାଭା ରାଓକୁ କାବୁ କରି ଅଟକ ରଖିଛି ପୋଲିସ । ଆକ୍ରମଣ ସମୟର ପରିସ୍ଥିତି ଓ ପୁରା ଘଟଣାର ତଦନ୍ତ ପାଇଁ କରୁଛି ପଚରାଉଚରା । ତଥାପି, ଆକ୍ରମଣ ପଛର ପ୍ରକୃତ ଉଦ୍ଦେଶ୍ୟ ବର୍ତ୍ତମାନ ସୁଦ୍ଧା ଅସ୍ପଷ୍ଟ ରହିଛି । ତେବେ ଅଧିକାରୀମାନେ କହିଛନ୍ତି ଯେ ପୀଡିତା ସୁସ୍ଥ ହେବା ପରେ ଏବଂ ତାଙ୍କ ବୟାନ ରେକର୍ଡ କରିବା ପରେ ଅଧିକ ବିବରଣୀ ସାମ୍ନାକୁ ଆସିବ । ଚନ୍ଦ୍ରଶେଖରପୁର ପୋଲିସ ଘଟଣାର କ୍ରମ ଏବଂ ଆକ୍ରମଣ ପଛର କାରଣ ସ୍ଥାପନ କରିବା ପାଇଁ ତଦନ୍ତକୁ ଜୋରଦାର କରିଛି ।
also read : https://purvapaksa.com/gold-prices-crash-to-4-month-low-in-india/
