ଗହଣା କିଣିବା ପୂର୍ବରୁ ଆଜିର ସୁନା ଦର ଜାଣିବା ଅତ୍ୟନ୍ତ ଆବଶ୍ୟକ। ବଜାରରେ ଦରର ଉତ୍ତାଳତା ଚାଲିଥିବା ବେଳେ ଗ୍ରାହକମାନେ ନିଜ ନିବେଶ ପୂର୍ବରୁ ସଠିକ୍ ସୂଚନା ରଖିବାକୁ ଚାହୁଁଛନ୍ତି। ଆଜି ଭାରତୀୟ ବଜାରରେ ୨୪ କ୍ୟାରେଟ ସୁନା ପ୍ରତି ୧୦ ଗ୍ରାମ ୧,୫୬,୪୪୦ ଟଙ୍କାକୁ ପହଞ୍ଚିଛି। ସେହିପରି ୨୨ କ୍ୟାରେଟ ସୁନା ଦର ୧,୪୩,୪୦୦ ଟଙ୍କା ରହିଛି। ରୁପା ଦର ମଧ୍ୟ ବୃଦ୍ଧି ପାଇ କିଲୋପିଛା ୨,୬୮,୦୦୦ ଟଙ୍କା ହୋଇଛି।
ରାଜଧାନୀ ଭୁବନେଶ୍ୱରରେ ୨୪ କ୍ୟାରେଟ ସୁନା ୧,୫୬,୪୪୦ ଟଙ୍କା ଓ ୨୨ କ୍ୟାରେଟ ୧,୪୩,୪୦୦ ଟଙ୍କାରେ ବିକ୍ରି ହେଉଛି। ମୁମ୍ବାଇରେ ମଧ୍ୟ ଏହି ଦର ସମାନ ରହିଛି—୨୪ କ୍ୟାରେଟ ୧,୫୬,୪୪୦ ଟଙ୍କା ଏବଂ ୨୨ କ୍ୟାରେଟ ୧,୪୩,୪୦୦ ଟଙ୍କା। ଦେଶର ରାଜଧାନୀ ନୂଆ ଦିଲ୍ଲୀରେ ୨୪ କ୍ୟାରେଟ ସୁନା ୧,୫୬,୫୯୦ ଟଙ୍କା ଓ ୨୨ କ୍ୟାରେଟ ୧,୪୩,୫୫୦ ଟଙ୍କା ରହିଛି।
ଦକ୍ଷିଣ ଭାରତର ପ୍ରମୁଖ ସହର ଚେନ୍ନାଇରେ ୨୪ କ୍ୟାରେଟ ସୁନା ମୂଲ୍ୟ ୧,୫୭,୫୩୦ ଟଙ୍କା ଓ ୨୨ କ୍ୟାରେଟ ୧,୪୪,୪୦୦ ଟଙ୍କାରେ ବିକ୍ରି ହେଉଛି। ପୂର୍ବ ଭାରତର ବଡ଼ ସହର କୋଲକତା ରେ ୨୪ କ୍ୟାରେଟ ୧,୫୬,୪୪୦ ଟଙ୍କା ଓ ୨୨ କ୍ୟାରେଟ ୧,୪୩,୪୦୦ ଟଙ୍କା ରହିଛି। ସହରଭିତ୍ତିକ ଦରରେ ସାନା-ପ୍ରମାଣର ତଫାତ ଥିବାର କାରଣ ହେଉଛି ସ୍ଥାନୀୟ କର, ପରିବହନ ଖର୍ଚ୍ଚ ଓ ଚାହିଦା-ଜୋଗାଣର ପରିସ୍ଥିତି।
ବଜାର ବିଶ୍ଳେଷକମାନଙ୍କ ମତାନୁସାରେ, ଆନ୍ତର୍ଜାତୀୟ ବଜାରରେ ମୂଲ୍ୟବୃଦ୍ଧି, ଡଲାର ମୂଲ୍ୟର ଉତ୍ତାଳତା ଏବଂ ଭୂ-ରାଜନୈତିକ ପରିସ୍ଥିତି ସୁନା ଦରକୁ ପ୍ରଭାବିତ କରୁଛି। ବିବାହ ଓ ପର୍ବପର୍ବାଣୀ ଋତୁ ଆସିଲେ ଚାହିଦା ବଢ଼ିବାରୁ ମୂଲ୍ୟ ଆହୁରି ବଦଳିପାରେ। ସେଥିପାଇଁ ଗ୍ରାହକମାନେ ଦର ଯାଞ୍ଚ କରି ତାହାପରେ କ୍ରୟ ସିଦ୍ଧାନ୍ତ ନେବା ଉଚିତ।
କେମିତି ଜାଣିବେ ସୁନାର ଶୁଦ୍ଧତା?
ସୁନା କିଣିବାବେଳେ ଶୁଦ୍ଧତା ଯାଞ୍ଚ କରିବା ସବୁଠାରୁ ଜରୁରୀ। ଗ୍ରାହକମାନେ BIS Care app ମାଧ୍ୟମରେ ସୁନାର ହଲମାର୍କ ସତ୍ୟାପନ କରିପାରିବେ। ଗହଣାରେ ଥିବା ହଲମାର୍କ, ଲାଇସେନ୍ସ ନମ୍ବର କିମ୍ବା ପଞ୍ଜୀକରଣ ସଂଖ୍ୟା ଆପ୍ରେ ଦେଇ ତଥ୍ୟ ଯାଞ୍ଚ କରିହେବ। ଯଦି କୌଣସି ତଥ୍ୟ ଭୁଲ ମିଳେ, ତେବେ ସିଧାସଳଖ ଅଭିଯୋଗ କରିବା ସୁବିଧା ମଧ୍ୟ ରହିଛି। ଅଭିଯୋଗ ପରେ କେଉଁ ପଦକ୍ଷେପ ଗ୍ରହଣ ହେଲା ସେ ସମ୍ବନ୍ଧରେ ମଧ୍ୟ ଗ୍ରାହକ ଅବଗତ ହୋଇପାରିବେ।
ବିଶେଷଜ୍ଞମାନଙ୍କ କହିବା ଅନୁସାରେ, ୨୪ କ୍ୟାରେଟ ସୁନା ସବୁଠାରୁ ଶୁଦ୍ଧ (୯୯.୯%) ହୋଇଥାଏ, କିନ୍ତୁ ଗହଣା ପାଇଁ ସାଧାରଣତଃ ୨୨ କ୍ୟାରେଟ ସୁନା ବ୍ୟବହାର ହୁଏ କାରଣ ଏହା ଅଧିକ ଦୃଢ଼। ଗ୍ରାହକମାନେ କେବଳ ଦର ନୁହେଁ, ମେକିଂ ଚାର୍ଜ, ଜିଏସଟି ଓ ହଲମାର୍କ ସତ୍ୟାପନକୁ ମଧ୍ୟ ଧ୍ୟାନରେ ରଖିବା ଆବଶ୍ୟକ। ସମଗ୍ର ଭାବେ, ସୁନା ଏକ ସୁରକ୍ଷିତ ନିବେଶ ବୋଲି ଧରାଯାଏ, କିନ୍ତୁ ସଚେତନ ହୋଇ କ୍ରୟ କରିବା ଉଚିତ। ଦର ଓ ଶୁଦ୍ଧତା ଯାଞ୍ଚ କରି ସୁବିଚାରିତ ନିଷ୍ପତ୍ତି ନେଲେ ଗ୍ରାହକମାନେ ଠକେଇରୁ ରକ୍ଷା ପାଇପାରିବେ।
also read https://purvapaksa.com/solar-eclipse/
ଆସନ୍ତାକାଲି ସୂର୍ଯ୍ୟଗ୍ରହଣ, ଭୁଲରେ ବି କରନ୍ତୁନି ଏହି କାମ ? ।। Solar eclipse
