ଓଡ଼ିଶାର ରାଜନୀତିରେ ଗତ କିଛି ବର୍ଷ ଧରି ଯେଉଁ ନାମଟି ସର୍ବାଧିକ ଚର୍ଚ୍ଚିତ — ସେହି ହେଉଛନ୍ତି ଭୈରବ କାର୍ତ୍ତିକେୟନ ପାଣ୍ଡିଆନ। କେବେ ନବୀନ ପଟ୍ଟନାୟକଙ୍କ ବିଶ୍ୱସ୍ତ ସେବାକାରୀ, କେବେ ରାଜନୀତିକ ଚତୁରତାର ମାଷ୍ଟରମାଇଣ୍ଡ, ଆଉ କେବେ ବିଜେପି ରାଜନୀତିର ପ୍ରଧାନ ଟାର୍ଗେଟ। ଆଶ୍ଚର୍ଯ୍ୟ ହେଉଛି, ଯେତେବେଳେ ନିର୍ବାଚନ ନିକଟ ଆସେ, ତେବେ ମାତ୍ର ପାଣ୍ଡିଆନଙ୍କ ନାମ ପୁଣି ଛର୍ଚ୍ଚାକୁ ଆସେ।
ବିଜେଡି ଶାସନକାଳରେ ଭି.କେ. ପାଣ୍ଡିଆନଙ୍କ ଭୂମିକା ଅନେକ ଚର୍ଚ୍ଚା ମଧ୍ୟରେ ରହିଛି। ଅନେକ ନେତା ମାନନ୍ତି — ନବୀନ ପଟ୍ଟନାୟକଙ୍କ ନିଷ୍ପତ୍ତିରେ ପାଣ୍ଡିଆନଙ୍କ ପ୍ରଭାବ ଅସାଧାରଣ ଥିଲା। ସେହି ଅଧିକ ପ୍ରଭାବକୁ ନେଇ ବିରୋଧୀ ଦଳମାନେ ଏକ ମହାନ ଅସନ୍ତୋଷ ସୃଷ୍ଟି କରିଥିଲେ। ନିର୍ବାଚନ ଆସିଲେ ଏହି ଅସନ୍ତୋଷୟ ପୁଣି ସାମ୍ନାକୁ ଆସିଛି।
ଏଥର ମଧ୍ୟ ନୂଆପଡ଼ା ଉପନିର୍ବାଚନ ଅଭିଯାନରେ ସେହି ପୁରୁଣା କାହାଣୀ ନୂଆ ଭାବରେ ଫେରିଛି। ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ନିଜ ନିର୍ବାଚନୀ ସଭାରେ “ପାଣ୍ଡୁ-ଗାଣ୍ଡୁ” ଉପାଖ୍ୟାନ ଦେଇ ଯେତେବେଳେ ପାଣ୍ଡିଆନଙ୍କୁ ଟାର୍ଗେଟ କଲେ, ସେତେବେଳେ ସୋସିଆଲ ମିଡିଆରେ ନିଆଁ ଲଗିଛି।
ଲୋକମାନେ ପୁଣି ଚିନ୍ତା କରୁଛନ୍ତି- ଏହା କେବଳ ନିର୍ବାଚନୀ ସ୍ଲୋଗାନ ନା ଗଭୀର ରାଜନୀତିକ ରଣନୀତି?
ବିଜେପି ସରକାର ଆସିଲା ପରେ ନିର୍ବାଚନ ପୂର୍ବ ପ୍ରତିଶ୍ରୁତି କୁଆଡ଼େ ଗଲା?
ବିଜେପି ଯେତେବେଳେ ୨୦୨୪ରେ ଓଡ଼ିଶାରେ ସରକାର ଗଢ଼ିଲା, ସେତେବେଳେ ଲୋକମାନଙ୍କ ମନରେ ଏକ ଆଶା ଥିଲା — ଏବେ ଭିକେ ପାଣ୍ଡିଆନଙ୍କ ଦୁର୍ନୀତି ମାମଲାର ତଦନ୍ତ ହେବ, ଫାଇଭ–ଟି ପ୍ରୋଜେକ୍ଟର ହିସାବ ଆସିବ, ହେଲିକପ୍ଟର ଖର୍ଚ୍ଚର ହିସାବ ଲୋକେ ଜାଣିବେ।
ପ୍ରଧାନମନ୍ତ୍ରୀ ମୋଦୀ ନିଜେ ନିର୍ବାଚନ ସଭାରେ କହିଥିଲେ — “ନବୀନଙ୍କ ସ୍ୱାସ୍ଥ୍ୟ ଓ ପାଣ୍ଡିଆନଙ୍କ ଭୂମିକା ତଦନ୍ତ କରିବାକୁ କମିଟି ଗଠିତ ହେବ।”
କିନ୍ତୁ ଦେଢ଼ ବର୍ଷ ହୋଇଗଲା, ଏହି ଦିଗରେ କିଛି ହେଲା ନାହିଁ। କୌଣସି ତଦନ୍ତ କମିଟି ଗଠିତ ହୋଇନି, ଗୋଟିଏ ବି ମାମଲା ମଧ୍ୟ ଖୋଲିନି।
ଏବେ ଲୋକଙ୍କ ମନରେ ପ୍ରଶ୍ନ -“ନିର୍ବାଚନ ପୂର୍ବର ଅଭିଯୋଗ ଓ ପରେ ନିରବତା – ଏହା ରାଜନୀତିକ ସୁବିଧାନୁସାରେ ହେଉନି କି?”
ପାଣ୍ଡିଆନ — ରାଜନୀତିରେ ନଥିଲେ ମଧ୍ୟ ପ୍ରଭାବଶାଳୀ
ଏହା ଯଥେଷ୍ଟ ସତ୍ୟ ଯେ ଭି.କେ. ପାଣ୍ଡିଆନ ବର୍ତ୍ତମାନ ବିଜେଡିରେ ସର୍ବସାଧାରଣ ଭାବେ ସକ୍ରିୟ ନୁହଁନ୍ତି।
କିନ୍ତୁ ଦଳ ଭିତରେ ତାଙ୍କ ପ୍ରଭାବ ଏବେବି ରହିଛି। ପାଣ୍ଡିଆନ ଆଗକୁ ନ ଆସି ପରଦା ପଛରେ ରହି ଦଳ ଚଳାଉଛନ୍ତି ବୋଲି ଅନେକ ପର୍ଯ୍ୟବେକ୍ଷକଙ୍କ ମତ।
ବିଜେଡି ନିଜେ ବି ଏହି ଆଭାସକୁ ଖଣ୍ଡନ କରିନାହିଁ
ତେଣୁ ବିଜେପି ପାଇଁ ପାଣ୍ଡିଆନଙ୍କ ନାଁ ଏକ ସହଜ ଟାର୍ଗେଟ — ଯାହା ମାଧ୍ୟମରେ ସେମାନେ ଜନତାଙ୍କ ଭାବନାକୁ ମୋଡ଼ିବାକୁ ଚେଷ୍ଠା କରୁଛନ୍ତି।
ସରକାରର ନିଷ୍କ୍ରିୟତା — ଲୋକମାନେ ଅସନ୍ତୁଷ୍ଟ
ବିଜେପି ଶାସନ ଆସିବା ପରେ ଲୋକମାନେ ଆଶା କରିଥିଲେ ଯେ ଏବେ ପୂର୍ବତନ ଶାସନର ଦୁର୍ନୀତି ମାମଲାର ମୁଖା ଖୋଲିବ।
କିନ୍ତୁ ସେପରି ହୋଇନାହିଁ। ଫାଇଭ–ଟି ପ୍ରକଳ୍ପ, ହେଲିକପ୍ଟର ଖର୍ଚ୍ଚ- ଏସବୁ ଅଭିଯୋଗ ଆଜି ମଧ୍ୟ ଲୋକମାନଙ୍କ ମନରେ ପ୍ରଶ୍ନ ଭାବେ ରହିଛି।
ଏହି ଅସନ୍ତୋଷକୁ ନିର୍ବାଚନ ସମୟରେ ଦଳଗୁଡ଼ିକ ପୁଣି ଉଠାଉଛନ୍ତି। କିନ୍ତୁ ଲୋକମାନେ ଏବେ ପ୍ରଶ୍ନ କରୁଛନ୍ତି- “ବାସ୍ତବିକ ତଦନ୍ତ କେଉଁଠି? କାର୍ଯ୍ୟ କେଉଁଠି?”
ନୂଆପଡ଼ା ଉପନିର୍ବାଚନ — ପୁରୁଣା ସେଣ୍ଟିମେଣ୍ଟର ପୁନରାବୃତ୍ତି
ନୂଆପଡ଼ା ଉପନିର୍ବାଚନ ପ୍ରଚାରରେ ପୁଣି ଭି.କେ. ପାଣ୍ଡିଆନ ପ୍ରସଙ୍ଗ ହୋଇଛନ୍ତି। ମୁଖ୍ୟମନ୍ତ୍ରୀଙ୍କ ଉକ୍ତି “ପାଣ୍ଡୁ-ଗାଣ୍ଡୁ” ସୋସିଆଲ ମିଡିଆରେ ଭାଇରାଲ ହେଉଥିବା ସମୟରେ, ଅନେକ ଲୋକ କହୁଛନ୍ତି — ଏହା ଲୋକମାନଙ୍କ ଭାବନାକୁ ଆକର୍ଷିବା ପାଇଁ ଏକ ସଚେତନ ରଣନୀତି।
କିନ୍ତୁ ଲୋକମାନେ ଏବେ ଅଧିକ ସଚେତନ। ସେମାନେ ପ୍ରଶ୍ନ କରୁଛନ୍ତି —“ଗତଥର ଯେପରି ବିଜେପି ପାଣ୍ଡିଆନଙ୍କୁ ଟାର୍ଗେଟ କରି ଭୋଟ ନେଇଥିଲା, ଏଥର ବି ତାହା ହେଉନି କି?” “ସରକାର ଆସିଲା ପରେ ଯେତେବେଳେ କିଛି କଲା ନାହିଁ, ଏବେ ପୁଣି ସେହି ଗପ ଆଉ କେତେଦିନ ଲୋକମାନେ ଶୁଣିବେ?”
ଲୋକଙ୍କ ନିଷ୍ପତ୍ତି — ସେଣ୍ଟିମେଣ୍ଟ ନା ସତ୍ୟାନୁସନ୍ଧାନ?
ନିର୍ବାଚନୀ ରଣନୀତିରେ ସେଣ୍ଟିମେଣ୍ଟ ଏକ ବଡ଼ ଅସ୍ତ୍ର।
କିନ୍ତୁ ଏହି ସେଣ୍ଟିମେଣ୍ଟ ଯେତେବେଳେ ପୁନରାବୃତ୍ତି ହୋଇ ଲୋକଙ୍କ ଆଶା ଭଙ୍ଗ ହୁଏ, ସେତେବେଳେ ତାହା ଓଲଟା ପ୍ରତିକ୍ରିୟା ଦେଇପାରେ।
ଓଡ଼ିଶାବାସୀ ଏବେ ଏକ ସଚେତନ ମତଦାତା ସମୁଦାୟ। ସେମାନେ ନିଜେ ଚିନ୍ତା କରୁଛନ୍ତି —“ଆମେ କି ସେହି ଗପକୁ ପୁଣି ଶୁଣିବୁ ଯାହାର ପରିଣାମ ଆମେ ଦେଢ଼ ବର୍ଷ ଦେଖିଲୁ?”
ପାଣ୍ଡିଆନ କେବଳ ଏକ ନାମ ନୁହେଁ, ଏକ ପ୍ରତୀକ
ଭି.କେ. ପାଣ୍ଡିଆନ ଏବେ ଓଡ଼ିଶା ରାଜନୀତିରେ କେବଳ ଏକ ବ୍ୟକ୍ତି ନୁହେଁ — ସେ ହୋଇଛନ୍ତି ଏକ “ରାଜନୀତିକ ପ୍ରତୀକ”।
କେହି ପାଇଁ ଶକ୍ତିର ପ୍ରତୀକ, କେହି ଦୁର୍ନୀତିର ଚିହ୍ନ।
କିନ୍ତୁ ସତ୍ୟ ହେଉଛି — ଯେପର୍ଯ୍ୟନ୍ତ ଓଡ଼ିଶାର ରାଜନୀତି ନିଜ ଏଜେଣ୍ଡା ଓ ଜନସମସ୍ୟାକୁ ଫେରିନାହିଁ, ସେପର୍ଯ୍ୟନ୍ତ “ପାଣ୍ଡିଆନ ରଣନୀତି” ଚାଲ ଚାଲିବ।
ଲୋକେ ଏବେ ଏକ ନୂଆ ପ୍ରଶ୍ନ ଉଠାଇଛନ୍ତି —“ଏବେ ଆଉ ଆମକୁ ପାଣ୍ଡିଆନର କାହାଣୀ ନୁହେଁ, ଗଣତନ୍ତ୍ରର କାହାଣୀ ଶୁଣିବାକୁ କେବେ ମିଳିବ?”
also readhttps://purvapaksa.com/are-bangladesh-and-pakistan-scared-of-rafale-flight/
