Putin’s soldiers are playing football on a human head ! ମଣିଷ ମୁଣ୍ଡରେ ଫୁଟବଲ ଖେଳୁଛନ୍ତି ପୁଟିନଙ୍କ ସୈନିକ!

ଜଣେ ପୂର୍ବତନ ରୁଷ ସୈନିକ ଭ୍ଲାଦିମିର ପୁଟିନଙ୍କ ସେନା ମଧ୍ୟରେ ଯୁଦ୍ଧ ଅପରାଧ ଏବଂ ନିର୍ମମ ଦୁର୍ବ୍ୟବହାର ନେଇ ଗମ୍ଭୀର ଅଭିଯୋଗ କରିଛନ୍ତି । ତାଙ୍କ ଅନୁସାରେ ଋଷ ସେନାରେ ନରଭକ୍ଷୀ ଅଛନ୍ତି । ନିର୍ଯାତନା ସହ ତୁରନ୍ତ ମୃତ୍ୟୁଦଣ୍ଡ ଦେବା ଭଳି ଅପରାଧ ହେଉଛି । ୩୪ ବର୍ଷୀୟ ପୂର୍ବତନ ଋଷୀୟ ସୈନିକ ଇଲ୍ୟା ଏଲୋଖିନ ଏଭଳି ଅଭିଯୋଗ କରିଛନ୍ତି । ସେ ୟୁକ୍ରେନର ଅଧିକୃତ ଡୋନେଟସ୍କ ଅଞ୍ଚଳରେ ରୁଷର ୭୧୪୪୩ ୟୁନିଟ ସହିତ ଜଣେ ସାମରିକ କ୍ଲର୍କ ଭାବେ କାର୍ଯ୍ୟ କରୁଥିଲେ।

ଆର୍ମେନିଆରେ ଏବେ ଶରଣ ନେଇଥିବା ଇଲ୍ୟା ତଥାକଥିତ “ସୋମାଲି ବାଟାଲିୟନ”ରେ ବିତାଇଥିବା ସମୟ ଏବଂ ମୃତମାନଙ୍କର ତାଲିକା ତିଆରିରେ ତାଙ୍କର ଭାଗୀଦାରୀ ବିଷୟରେ ଗମ୍ଭୀର ବିବରଣୀ ପ୍ରକାଶ କରିଛନ୍ତି । ତାଙ୍କ ଅନୁସାରେ ସେନାରେ ଥିବାବେଳେ ସେ ମୃତଦେହର ଫଟୋ ଉଠାଇବା, ସେମାନଙ୍କର ଆଘାତର ଦସ୍ତାବିଜ କରିବା ଏବଂ ପରିଚୟ ଟ୍ୟାଗ ସଂଗ୍ରହ କରିବା ଭଳି କାମ କରୁଥିଲେ।

ଇଲ୍ୟା ଏଲୋଖିନ ଭୋଟ-ତାଙ୍କୁ ଟିଭିକୁ କହିଛନ୍ତି, ” ମୁଁ ସେଠାରେ ଥିବାବେଳେ ସେମାନେ ୟୁକ୍ରେନୀୟ, ଜର୍ମାନ ଏବଂ ଫ୍ରେଞ୍ଚ ଲୋକମାନଙ୍କୁ ଆଣୁଥିଲେ ।” ସେ ଆଗକୁ କହିଛନ୍ତି, “ମୃତ ୟୁକ୍ରେନୀୟଙ୍କୁ ଗାଡ଼ିରୁ ବାହାରକୁ ଫୋପାଡି ଲାତ ମରାଯାଉଥିଲା । ଯଦି କୌଣସି ଶବ ଅତ୍ୟଧିକ ସଢି ଯାଇଥାଏ, ତେବେ ତାହାର ମୁଣ୍ଡ କାଟି ସେମାନେ ଫୁଟବଲ ଖେଳୁଥିଲେ। ମୁଁ ଏସବୁ ଦେଖିଛି।”

ଏକ ଅତ୍ୟନ୍ତ ଭୟଙ୍କର ଘଟଣାରେ ଇଲ୍ୟା ଏଲୋଖିନ ସୈନିକମାନଙ୍କ ଦ୍ୱାରା କଟାଯାଇଥିବା ମୁଣ୍ଡଗୁଡ଼ିକୁ ଫୁଟବଲ ଭଳି ବ୍ୟବହାର କରାଯାଉଥିବାର ବର୍ଣ୍ଣନା କରିଛନ୍ତି । ଇଲ୍ୟା ଏଲୋଖିନ କହିଛନ୍ତି ଯେ ତାଙ୍କ ନିଜ କମାଣ୍ଡରମାନେ ତାଙ୍କ ସହିତ ନିରନ୍ତର ଦୁର୍ବ୍ୟବହାର କରୁଥିଲେ – ତାଙ୍କୁ ପିଟାଯାଉଥିଲା, ଧମକ ଦିଆଯାଉଥିଲା ଏବଂ ଚାପରେ କ୍ଲରିକାଲ କାର୍ଯ୍ୟ କରିବାକୁ ବାଧ୍ୟ କରାଯାଉଥିଲା।

ସେ କହିଛନ୍ତି, “ସେମାନେ ମୋତେ ଅପମାନିତ କରିଥିଲେ, ମୋତେ ପିଟିଥିଲେ, ଏବଂ ମୋତେ ଆକ୍ରମଣ ଏବଂ ଏନକାଉଣ୍ଟର କରିବାର ଧମକ ଦେଇଥିଲେ,” ସେ ରୁଷ ସୈନିକମାନଙ୍କ ଦ୍ୱାରା ମୃତ୍ୟୁଦଣ୍ଡ ପାଇଁ ବ୍ୟବହୃତ ଶବ୍ଦର ଉଲ୍ଲେଖ କରିଥିଲେ । ଯାହା ଥିଲା ‘ଜିରୋଇଁ ଆଉଟ୍’ । ସେ ବାଟାଲିୟନ ମୁଖ୍ୟାଳୟ ବାହାରେ ଖୋଳାଯାଇଥିବା ଏକ ଗାତର ବର୍ଣ୍ଣନା କରିଛନ୍ତି, ଯାହା ଅବାଧ୍ୟ ବା ପଳାୟନକାରୀ ସୈନିକମାନଙ୍କୁ ଅଟକାଇବା ପାଇଁ ବ୍ୟବହୃତ ହେଉଥିଲା। ସେ କହିଛନ୍ତି, “ଏହାକୁ ସେହି ଲୋକମାନେ ଖୋଳିଥିଲେ ଯେଉଁମାନେ ପରେ ଏଥିରେ ସମାହିତ ହୋଇଥିଲେ, ଏବଂ ମେସିନଗନ ସହିତ ସୈନିକମାନେ ଏହାକୁ ଜଗି ରହୁଥିଲେ । ସେ ଜଣାଇଛନ୍ତି ଯେ ବନ୍ଦୀମାନଙ୍କୁ ଚୌକିରେ ବାନ୍ଧି ଦିଆଯାଉଥିଲା, ସେମାନଙ୍କ ଉପରେ ପାଣି ଢାଳି ଦିଆଯାଉଥିଲା ଏବଂ ସ୍ଟନ ଗନ ଓ ବାଡ଼ି ଦ୍ୱାରା ପିଟାଯାଉଥିଲା। ସେ ଆଗକୁ କହିଛନ୍ତି, “ସେମାନେ ଅତି କମରେ ଚାରିଜଣ ଯୋଦ୍ଧାଙ୍କୁ ଗୁଳି କରିଥିଲେ।”

ଅପମାନ ଏବଂ ମାନସିକ ଦୁର୍ବ୍ୟବହାର ନିର୍ମମ ଥିଲା, ଇଲ୍ୟା ଏଲୋଖିନ ଜଣାଇଛନ୍ତି ଯେ ସାଥୀ ସୈନିକମାନେ ତାଙ୍କୁ ସ୍କର୍ଟ ଓ କଳା ମୁଖା ପିନ୍ଧାଇ ତାଙ୍କର ମଜାକ ଉଡ଼ାଇଥିଲେ ଏବଂ ତାଙ୍କ ଫଟୋ ଉଠାଇଥିଲେ। ସେ କହିଛନ୍ତି, “ସେମାନେ ଏହାକୁ ବ୍ଲାକ୍ ଜୋକ୍ ବୋଲି କହୁଥିଲେ । ମୋତେ ଏହାକୁ ସାମାନ୍ୟ ଭାବେ ଗ୍ରହଣ କରିବାକୁ କୁହାଯାଉଥିଲା । ସେ ଜଣାଇଛନ୍ତି ଯେ ଜଣେ ସାମରିକ କ୍ଲର୍କ ଭାବେ ମଧ୍ୟ ତାଙ୍କୁ ଛାଡ଼ି ଦିଆଯାଇନଥିଲା, ସେ କହିଛନ୍ତି, “ସେମାନେ ମୋତେ ସ୍ଟନ ଗନରେ ପିଟିଥିଲେ, ମୋ ଗୋଡ଼ରେ ବିଦ୍ୟୁତ୍ ଝଟକା ଦେଇ ଜଗାଇଥିଲେ ଏବଂ ମୋତେ କାଗଜପତ୍ର ପୂରଣ କରିବାକୁ ପଠାଇଥିଲେ, ଯେତେବେଳେ ସେମାନେ ମଦ ପିଉଥିଲେ ବା ଶୋଇଥିଲେ।”

ALSO READ https://purvapaksa.com/?p=30473

Dharmendra’s name in the race for BJP national president II ବିଜେପି ଜାତୀୟ ସଭାପତି ଦୌଡ଼ରେ ଧର୍ମେନ୍ଦ୍ରଙ୍କ ନାମ

ALSO READhttps://purvapaksa.com/pakistan-jem-expanding-network-in-myanmar-via-rohingya/

Pakistan JeM expanding network in Myanmar via Rohingya।। ପ୍ରତିଶୋଧ ପାଇଁ ରୋହିଙ୍ଗ୍ୟାଙ୍କୁ ସଶସ୍ତ୍ର କରୁଛି ମସୁଦ ଅଜହର,ମିଆଁମାରରେ ଖୋଲିଲା ନୂଆ ବ୍ରାଞ୍ଚ୍