Bath: ଗାଧୋଇବା ସବୁଠାରୁ ଗୁରୁତ୍ୱପୂର୍ଣ୍ଣ ଦୈନିକ ସ୍ୱଚ୍ଛତା ଅଭ୍ୟାସ ମଧ୍ୟରୁ ଅନ୍ୟତମ ବୋଲି ବିବେଚନା କରାଯାଏ।
ସୁସ୍ଥ ଓ ସଂକ୍ରମଣମୁକ୍ତ ରହିବା ପାଇଁ ବ୍ୟକ୍ତିଗତ ଯତ୍ନ ନିହାତି ଜରୁରୀ ଏବଂ ପ୍ରତିଦିନ ସ୍ୱଚ୍ଛ ପାଣିରେ ଭଲ ଭାବେ ଗାଧୋଇବା ଜରୁରୀ । ପିଲାଦିନରୁ ଆମକୁ କୁହାଯାଏ ଯେ ଗରମ ହେଉ କି ଥଣ୍ଡା, ଆମେ ଦିନକୁ ଅତି କମରେ ଥରେ ଗାଧୋଇବା ଉଚିତ । ଏପରି ନ କଲେ ଶୀଘ୍ର ସଂକ୍ରମଣ କିମ୍ବା ଶରୀରର ଦୁର୍ଗନ୍ଧ ଭଳି ସମସ୍ୟା ଦେଖାଦେଇଥାଏ। ଜଣେ ବୈଜ୍ଞାନିକ ଏହି ଧାରଣାକୁ ଚ୍ୟାଲେଞ୍ଜ କରି କହିଛନ୍ତି ଯେ ଯଦି ଆମେ ପାଞ୍ଚ ବର୍ଷ ପର୍ଯ୍ୟନ୍ତ ଗାଧୋଇନଥାଉ ତେବେ ଶରୀରରୁ ଦୁର୍ଗନ୍ଧ ବାହାରିନଥାଏ ।
ଖାଲି ସେତିକି ନୁହେଁ ଗାଧୋଇବା ପାଇଁ ବ୍ୟବହୃତ ସାମଗ୍ରୀ ଯଥା ସାମ୍ପୁ, ସାବୁନ ଓ ଅନ୍ୟାନ୍ୟ ଜିନିଷକୁ ମଧ୍ୟ ଏହି ବୈଜ୍ଞାନିକ ଅକାମୀ ବୋଲି ବିବେଚନା କରିଛନ୍ତି। ସେ ଦାବି କରିଛନ୍ତି ଯେ ଏହି ସବୁ ଉତ୍ପାଦ ଆମ ଶରୀର ଉପରେ ବହୁତ ନକାରାତ୍ମକ ପ୍ରଭାବ ପକାଇଥାଏ । ଏ କଥାକୁ ଭଲ ଭାବେ ବୁଝିବା ପାଇଁ ସେ ୫ ବର୍ଷ ପର୍ଯ୍ୟନ୍ତ ଗାଧୋଇବାକୁ ନିଷ୍ପତ୍ତି ନେଇଥିଲେ।
ସେ ଏହି ଗବେଷଣାର କାରଣ ବର୍ଣ୍ଣନା କରିଥିଲେ ଯେ ଏହା କରିବା ପଛରେ ତାଙ୍କର ଉଦ୍ଦେଶ୍ୟ ସ୍ୱଚ୍ଛତାକୁ ଚ୍ୟାଲେଞ୍ଜ କରିବା ଥିଲା; ସେ ଲୋକମାନଙ୍କୁ ବୁଝାଇବାକୁ ଚାହୁଁଥିଲେ ଯେ ଆମେ ବ୍ୟବହାର କରୁଥିବା ଉତ୍ପାଦ, ଯେପରିକି ସାବୁନ, ସାମ୍ପୁ କିମ୍ବା ବଡି ୱାଶ, ସବୁ ଆମ ସ୍ୱାସ୍ଥ୍ୟ ପାଇଁ ବହୁତ କ୍ଷତିକାରକ ଅଟେ ।
କଥାବାର୍ତ୍ତା ସମୟରେ ବୈଜ୍ଞାନିକ ଜଣକ ବୁଝାଇଥିଲେ ଯେ ବାରମ୍ବାର ସାବୁନରେ ଶରୀର ଧୋଇବା ଦ୍ୱାରା ଆମ ତ୍ୱଚା ପ୍ରାକୃତିକ ଭାବେ ବହୁତ ଖରାପ ହୋଇଯାଏ ଏବଂ ଶରୀରରୁ ବାହାରୁଥିବା ପ୍ରାକୃତିକ ତେଲ କିମ୍ବା ରାସାୟନିକ ପଦାର୍ଥ ସମ୍ପୂର୍ଣ୍ଣ ରୂପେ ନଷ୍ଟ ହୋଇଯାଏ । ଏହା ଧୀରେ ଧୀରେ ଆମ ଶରୀରରୁ ଲିପିଡ୍ କିମ୍ବା ଅନ୍ୟତେଲକୁ ସମ୍ପୂର୍ଣ୍ଣ ଭାବେ ହଟାଇ ଦିଏ।
)
ଏପରି କରିବା ସମୟରେ ସବୁଠାରୁ ବଡ ଚିନ୍ତା ହେଉଛି ଶରୀରରୁ ଦୁର୍ଗନ୍ଧ ଆସିବ କି ନାହିଁ ? ଗବେଷକ କହିଛନ୍ତି ଯେ ବ୍ୟକ୍ତିଗତ ସ୍ୱଚ୍ଛତା ବଜାୟ ନ ରଖିବା ଦ୍ୱାରା ଶରୀରର ଦୁର୍ଗନ୍ଧ ସୃଷ୍ଟି ହେବ । ତେବେ ଏହି ଗବେଷଣାରେ ସେମାନେ ଜାଣିବାକୁ ପାଇଥିଲେ ଯେ କିଛି ସମୟ ପରେ ସେମାନଙ୍କ ଶରୀର ଏହି ଅଭ୍ୟାସରେ ଖାପ ଖୁଆଇ ନେଇଥିଲା। ସେମାନଙ୍କ କହିବା ଅନୁଯାୟୀ, ବ୍ୟାୟାମ କରିବା ଦ୍ୱାରା ଶରୀରରୁ ଝାଳ ବାହାରିଥାଏ, ଯାହାକୁ କେବଳ ପାଣିରେ ଧୋଇ ଦିଆଯାଇଥାଏ।
