Which is healthier Sugar or Jaggery?: ଗୁଡ଼ ଓ ଚିନିକୁ ଆମେ ଆମ ଖାଦ୍ୟର ମୁଖ୍ୟ ଉପାଦାନ ଭାବରେ ବ୍ୟବହାର କରିଥାଉ ।
ଏମିତି ଅନେକ ଲୋକ ଅଛନ୍ତି ଯେଉଁମାନେ କି ଚିନି ବା ଚିନିରୁ ତିଆରି ମିଠା ଖାଇବାକୁ ଅଧିକ ପସନ୍ଦ କରିଥାନ୍ତି । ସେହିପରି ଏମିତି ଅନେକ ଲୋକ ଅଛନ୍ତି ଯେଉଁମାନେ ଗୁଡ଼ ଖାଇବାକୁ ବହୁତ ପସନ୍ଦ କରିଥାନ୍ତି । ଗୁଡ଼ ଓ ଚିନି ଗୋଟିଏ ପଦାର୍ଥରୁ ହିଁ ତିଆରି ହୋଇଥାନ୍ତି । ତେବେ କ’ଣ ପାଇଁ ଚିନି ଆମ ଶରୀର ପାଇଁ ଖରାପ ଗୁଡ଼ କ’ଣ ପାଇଁ ଭଲ କେବେ ଭାବିଛନ୍ତି କି ?
ଯେପରି ଆମ ଶରୀର ସୁସ୍ଥ ରହିବା ପାଇଁ ପ୍ରତିଦିନ ଲୁଣର ଆବଶ୍ୟକ ହୋଇଥାଏ । ସେହିଭଳି ଆମ ସ୍ୱାସ୍ଥ୍ୟ ପାଇଁ ଚିନି ଓ ଗୁଡ଼ ମଧ୍ୟ ସମାନ ଗୁରୁତ୍ୱପୂର୍ଣ୍ଣ । ଚିନି ଆମ ଶରୀରକୁ ଶକ୍ତି ଯୋଗାଇଥାଏ, ଯାହା ଆମକୁ ଆମର ଦୈନନ୍ଦିନ କାର୍ଯ୍ୟ କରିବାକୁ ସାହାଯ୍ୟ କରେ । ଆଖୁ ରସରୁ ଚିନି ଏବଂ ଗୁଡ଼ ତିଆରି ହୋଇଥାଏ । ଉଭୟକୁ ବିଭିନ୍ନ ଉପାୟରେ ପ୍ରସ୍ତୁତ କରାଯାଇଥାଏ । ତେଣୁ, ଚିନି ଅପେକ୍ଷା ଗୁଡ଼ରେ ଭିନ୍ନ ଉପାଦାନ ମିଳିଥାଏ । ଏଥିରେ ପ୍ରାକୃତିକ ଚିନି ରହିଥାଏ । ଏଥିରେ ଅଧିକ ଭିଟାମିନ୍ ଏବଂ ମିନେରାଲ୍ସ ଥିବାବେଳେ ସୁକ୍ରୋଜ୍ ଚିନି ଠାରୁ କମ୍ ଥାଏ ।
ଧଳା ଚିନିରେ ପ୍ରୋଟିନ୍, ଭିଟାମିନ୍ ଏବଂ ମିନେରାଲ୍ସ ମିଳିନଥାଏ, ଯେତେବେଳେ କି ଗୁଡ଼ରେ ସୁକ୍ରୋଜ୍, ଫ୍ରୁଟକୋଜ୍ ଏବଂ ଗ୍ଲୁକୋଜ୍, ଭିଟାମିନ୍ ଏ, ଭିଟାମିନ୍ ସି, ଭିଟାମିନ୍ ଇ, ପ୍ରୋଟିନ୍, ପୋଟାସିୟମ୍, ମ୍ୟାଗ୍ନେସିୟମ୍, କ୍ୟାଲସିୟମ୍, ମାଙ୍ଗାନିଜ୍, ଫସଫରସ୍ ଏବଂ ଆଇରନ୍ ଥାଏ । ତେଣୁ ଏହା ଶରୀର ପାଇଁ ଅଧିକ ଲାଭଦାୟକ ଅଟେ ।
କ’ଣ ପାଇଁ ଚିନି କ୍ଷତିକାରକ
ଅଧିକ ଚିନି ଖାଇବାର ଦ୍ୱାରା ମେଦବହୁଳତା, ମଧୁମେହ, ହୃଦରୋଗ,ଦାନ୍ତ ସମସ୍ୟା, ରକ୍ତରେ ଶର୍କରା ବୃଦ୍ଧି ହେବ ଭଳି ସମସ୍ୟା ଦେଖିବାକୁ ମିଳେ । ଏହା ସହ ହଜମ ପ୍ରକ୍ରିୟାରେ ମଧ୍ୟ ସମସ୍ୟା ଦେଖା ଦେଇଥାଏ । ଚିନି ଆମ ଶରୀରର ବହୁତ କ୍ଷତି କରିଥାଏ । ଧଳା ଚିନିରେ ପ୍ରୋଟିନ୍, ଭିଟାମିନ୍ ଏବଂ ମିନେରାଲ୍ସ ମିଳିନଥାଏ, ତେଣୁ ଏହାକୁ ଖାଇବା ଦ୍ୱାରା ଆମ ଶରୀରରେ କୌଣସି ଫାଇଦା ମିଳି ନଥାଏ ।
ଗୁଡ଼ କାହିଁକି ଲାଭଦାୟକ?
- ଗୁଡ଼କୁ ପ୍ରାକୃତିକ ଉପାୟରେ ତିଆରି କରାଯାଇ ଥାଏ, ଯେଉଁ କାରଣରୁ ଏଥିରେ ପୋଷକ ତତ୍ତ୍ୱ ଅକ୍ଷୁର୍ଣ୍ଣ ରହିଥାଏ । ଅନ୍ୟପକ୍ଷରେ ଚିନି ତିଆରି ପ୍ରକ୍ରିୟାରେ ପୋଷକ ତତ୍ତ୍ୱ ନଷ୍ଟ ହୋଇଯାଏ । ଗୁଡ଼କୁ ଆୟୁର୍ବେଦରେ ଏକ ଶକ୍ତିଶାଳୀ ଏବଂ ପୁଷ୍ଟିକର ଖାଦ୍ୟ ପଦାର୍ଥ ଭାବରେ ବିବେଚନା କରାଯାଏ । ଏଥିରେ ପ୍ରାକୃତିକ ଚିନି, ଭିଟାମିନ୍ ଏବଂ ପୋଟାସିୟମ୍, ମ୍ୟାଗ୍ନେସିୟମ୍, କ୍ୟାଲସିୟମ୍, ଆଇରନ୍ ଏବଂ ଫସଫରସ୍ ପରି ଖଣିଜ ପଦାର୍ଥ ରହିଥାଏ ।
- ଆୟୁର୍ବେଦଙ୍କ ଅନୁଯାୟୀ, ଗୁଡ଼ରେ ଆଣ୍ଟି-ଆଲର୍ଜି ଗୁଣ ରହିଛି ଯାହା ଆଜମା, ଥଣ୍ଡା, କାଶ ଏବଂ ଛାତି ଟାଣିବା ଭଳି ଅନେକ ସମସ୍ୟାର ଚିକିତ୍ସା କରିବାରେ ସାହାଯ୍ୟ କରିଥାଏ।
- ଭୋଜନ ପରେ ଗୁଡ଼ ଖାଇବା ଦ୍ୱାରା ହଜମ ପ୍ରକ୍ରିୟା ଭଲ ହୋଇଥାଏ ଏବଂ ଗୁଡ଼ ଶରୀରରେ ଜମା ହୋଇଥିବା ବିଷାକ୍ତ ପଦାର୍ଥକୁ ବାହାର କରିବାରେ ସାହାଯ୍ୟ କରେ । ଏହି ସବୁ କାରଣ ପାଇଁ, ଚିନି ଅପେକ୍ଷା ଗୁଡ଼ ଖାଇବା ବହୁତ ଭଲ ।
- ଚିନି ତୁଳନାରେ, ଗୁଡ଼ ଖାଇବା ଦ୍ୱାରା ରକ୍ତରେ ଶର୍କରା ସ୍ତର ଧୀରେ ଧୀରେ ବଢ଼ିଥାଏ, ଯାହା ଶକ୍ତି ଯୋଗାଇଥାଏ ଏବଂ ରକ୍ତରେ ଶର୍କରା ସ୍ତରରେ ପରିବର୍ତ୍ତନ ହେବାକୁ ଦିଏ ନାହିଁ । ଯେଉଁଠାରେ ଚିନି ତତକ୍ଷଣାତ୍ ଶକ୍ତି ଯୋଗାଏ । ଅବଶ୍ୟ, ଏହା ପରେ, ଶୀଘ୍ର ଥକ୍କା ମଧ୍ୟ ଲାଗିଥାଏ । ଚିନି ଖାଇବା ମଧୁମେହ ରୋଗୀଙ୍କ ପାଇଁ କ୍ଷତିକାରକ ହୋଇପାରେ ।
ALSO READ: https://purvapaksa.com/side-effects-of-fish-spa/
