ଓଡ଼ିଶାର ରାୟଗଡ଼ାରେ ଚାଲିଥିବା ଚୈତି ମହୋତ୍ସବରେ ବେଦାନ୍ତ ଆଲୁମିନିୟମର ଷ୍ଟଲ୍ ପର୍ଯ୍ୟଟକଙ୍କ ପାଇଁ ଏକ ପ୍ରମୁଖ ଆକର୍ଷଣ ପାଲଟିଛି।
ଏହି ଷ୍ଟଲରେ ସୌରା ଚିତ୍ରକଳା, ଡୋକ୍ରା କଳା, ପାରମ୍ପରିକ ଆଦିବାସୀ କଳା ଓ ହସ୍ତଶିଳ୍ପ ସହିତ ମହିଳାମାନଙ୍କୁ କ୍ଷୁଦ୍ର ଉଦ୍ୟୋଗୀ ଭାବେ ସଶକ୍ତ କରୁଥିବା ପ୍ରୋଜେକ୍ଟ ସଖୀ ଦ୍ୱାରା ପ୍ରସ୍ତୁତ ସ୍ୱୟଂ ସହାୟକ ଗୋଷ୍ଠୀ (ଏସ୍ଏଚ୍ଜି)ର ଉତ୍ପାଦ ପ୍ରଦର୍ଶନ କରୁଥିବା ଐତିହ୍ୟ କଳାର ମିଶ୍ରଣ ରହିଛି। ଏହାର ଲାଇଭ୍ ସୌରା ଆର୍ଟ ହ୍ୟାଣ୍ଡ ପେଣ୍ଟିଂ କାଉଣ୍ଟର ଦର୍ଶକଙ୍କ ମଧ୍ୟରେ ବେଶ୍ ଆକର୍ଷିତ ହୋଇଥିଲା।
ଏହି ଷ୍ଟଲରେ ବେଦାନ୍ତର ନବନିର୍ମିତ ହକି ଦଳ କଳିଙ୍ଗ ଲାନ୍ସର୍ସ ପକ୍ଷରୁ ଚାଲିଥିବା ହକି ଇଣ୍ଡିଆ ଲିଗ୍ (ଏଚ୍ ଆଇଏଲ୍ )ର ଡିଫେଣ୍ଡିଂ ଚାମ୍ପିୟନ କଳିଙ୍ଗ ଲାନ୍ସର୍ସର ପ୍ରଦର୍ଶନ ମଧ୍ୟ ରହିଛି। ଏହି ପ୍ରଦର୍ଶନୀରେ ଦଳର ମାସ୍କଟ, ଖେଳାଳି ହାଇଲାଇଟ୍ ଏବଂ ଟ୍ରଫି ସାମିଲ ଥିଲା।
ଷ୍ଟଲ ପରିଦର୍ଶନ ସମୟରେ ରାୟଗଡ଼ା ମାଲା କାଦରକା ଆଲ୍ଲାପାସ୍ୱାମୀ ସୟିଦ କହିଛନ୍ତି ଯେ ଚୈତି ମହୋତ୍ସବରେ ବେଦାନ୍ତ ଆଲୁମିନିୟମର ସମ୍ପୃକ୍ତି କେବଳ ସାଂସ୍କୃତିକ ଐତିହ୍ୟ ପ୍ରତି ସେମାନଙ୍କର ସମର୍ପଣକୁ ଦର୍ଶାଏ ନାହିଁ, ବରଂ ଆମ ସମ୍ପ୍ରଦାୟର ସାମାଜିକ-ଅର୍ଥନୈତିକ ଢାଞ୍ଚାକୁ ବୃଦ୍ଧି କରିବାରେ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ସ୍ଥାନୀୟ କାରିଗରଙ୍କୁ ସମର୍ଥନ କରିବା ଏବଂ ପାରମ୍ପରିକ ହସ୍ତଶିଳ୍ପକୁ ପ୍ରୋତ୍ସାହନ ଦେବା ପାଇଁ ପ୍ରୟାସ କରାଯାଉଛି ଯାହା ପ୍ରଶଂସନୀୟ।
ବିଷମକୁଟକ ମାଳା ନୀଳମାଧବ ହିକାକା ମଧ୍ୟ ଷ୍ଟଲ ପରିଦର୍ଶନ କରି ଆଦିବାସୀ ସଂସ୍କୃତିର ପ୍ରଚାର ପ୍ରସାର ପାଇଁ କମ୍ପାନୀର ଉଦ୍ୟମକୁ ପ୍ରଶଂସା କରିଥିଲେ।
ବେଦାନ୍ତ ଆଲୁମିନିୟମର ମୁଖ୍ୟ ପରିଚାଳନା ଅଧିକାରୀ (ସିଓଓ) ସୁନୀଲ ଗୁପ୍ତା କହିଛନ୍ତି ଯେ ଚୈତି ମହୋତ୍ସବରେ ଆମର ଅଂଶଗ୍ରହଣ ସ୍ଥାନୀୟ କାରିଗରମାନଙ୍କୁ ସମର୍ଥନ କରିବା ଏବଂ ସ୍ୱଦେଶୀ କଳାକୁ ପ୍ରୋତ୍ସାହିତ କରିବା ପାଇଁ ଆମର ପ୍ରତିବଦ୍ଧତାକୁ ପ୍ରତିଫଳିତ କରୁଛି। ଏହି ଉପାୟରେ ସମ୍ପ୍ରଦାୟ ସହିତ ଯୋଡ଼ି ହୋଇ ଆମେ ଉଦ୍ୟୋଗର ଏକ ଭାବନାକୁ ପ୍ରୋତ୍ସାହିତ କରୁଛୁ ଯାହା ବ୍ୟକ୍ତିବିଶେଷଙ୍କୁ ସଶକ୍ତ କରେ ଏବଂ ଆମର ସାଂସ୍କୃତିକ ଦୃଶ୍ୟପଟକୁ ସମୃଦ୍ଧ କରେ ।
ଉତ୍ସବର ତୃତୀୟ ଦିନରେ ରାୟଗଡ଼ା ଜିଲ୍ଲାପାଳ ପାରୁଲ ପଟୱାରୀ ବେଦାନ୍ତ ଷ୍ଟଲ ପରିଦର୍ଶନ କରିଥିଲେ। ସେ ପାରମ୍ପରିକ ଡୋକ୍ରା ଏବଂ ଶୋରା ଉତ୍ପାଦକୁ ପ୍ରଶଂସା କରିବା ସହ କିଛି ଜିନିଷ କିଣିଥିଲେ । ତାଙ୍କ ସହ ରାୟଗଡ଼ା ଏସ୍ପି ସ୍ୱାତୀ ଏସ୍ କୁମାର ମଧ୍ୟ ଥିଲେ।
ଏହାବ୍ୟତୀତ ଜିଲ୍ଲା ପ୍ରୋଗ୍ରାମ ମ୍ୟାନେଜର ଓ ଉପଖଣ୍ଡ ପୁଲିସ ଅଧିକାରୀ ଷ୍ଟଲ ପରିଦର୍ଶନ କରି କଳା, ସଂସ୍କୃତି ଓ ଗୋଷ୍ଠୀ ବିକାଶ ଦିଗରେ ବେଦାନ୍ତର ପ୍ରୟାସକୁ ସମର୍ଥନ ଜଣାଇଥିଲେ।
ଚୈତି ମହୋତ୍ସବରେ ସକ୍ରିୟ ଅଂଶଗ୍ରହଣ ମାଧ୍ୟମରେ ବେଦାନ୍ତ ଆଲୁମିନିୟମ ସ୍ଥାନୀୟ କାରିଗର, ସ୍ୱୟଂ ସହାୟକ ଗୋଷ୍ଠୀ ଏବଂ ଛାତ୍ରଛାତ୍ରୀମାନଙ୍କୁ ସେମାନଙ୍କ ଦକ୍ଷତା ଏବଂ ପ୍ରକଳ୍ପଗୁଡ଼ିକୁ ସ୍ୱୀକୃତି ଏବଂ ସମ୍ଭାବ୍ୟ ଅଭିବୃଦ୍ଧି ପାଇଁ ଏକ ପ୍ଲାଟଫର୍ମ ପ୍ରଦାନ କରି ବୃହତ ସମୁଦାୟକୁ ସେମାନଙ୍କଦକ୍ଷତା ଏବଂ ପ୍ରକଳ୍ପଗୁଡିକ ପ୍ରଦର୍ଶନ କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି । ତେଣୁ ରାୟଗଡ଼ାରେ ସାମାଜିକ-ଅର୍ଥନୈତିକ ବିକାଶ ସହ ସାଂସ୍କୃତିକ ସଂରକ୍ଷଣ ପାଇଁ କଂପାନି ଉଦ୍ୟମ ଜାରି ରଖିଛି।
୨୦୦୫ ମସିହାରୁ ଆରମ୍ଭ ହୋଇଥିବା ଏହି ବାର୍ଷିକ ସାଂସ୍କୃତିକ ମହୋତ୍ସବ ଆଦିବାସୀ କଳା ଓ ସଂସ୍କୃତିର ପ୍ରଚାର ପ୍ରସାର ପାଇଁ ଏକ ଜୀବନ୍ତ ମଞ୍ଚ ଭାବେ କାର୍ଯ୍ୟ କରି ଆସୁଛି।
ଦେଶର ବିଭିନ୍ନ ସ୍ଥାନରୁ ୫୦୦ରୁ ଅଧିକ କଳାକାର ଏହି ମହୋତ୍ସବରେ ଅଂଶଗ୍ରହଣ କରୁଥିବା ବେଳେ ୨୫ ହଜାରରୁ ଅଧିକ ପର୍ଯ୍ୟଟକ ଆକର୍ଷିତ ହୋଇଛନ୍ତି।
୩ ଜିଲ୍ଲା ପାଇଁ ୪୪,୭୯୩ କୋଟି ଟଙ୍କାର ୫ଟି ପରିବର୍ତ୍ତନଶୀଳ ଶିଳ୍ପ ପ୍ରକଳ୍ପକୁ ମଞ୍ଜୁରୀ ଦେଲେ ରାଜ୍ୟ ସରକାର
