Travel: ଅନେକ ଲୋକ ବର୍ଷର ଶେଷ ମାସରେ ଯାତ୍ରା(Travel) କରିବାକୁ ଯୋଜନା କରନ୍ତି ।
ବର୍ଷର ଶେଷ ମାସ ଯାତ୍ରା ପାଇଁ ଉପଯୁକ୍ତ ବୋଲି କୁହାଯାଏ । ଶୀତ ଋତୁରେ ଦେଶ ବା ବିଦେଶ ଗସ୍ତରେ ଯିବାର ଆନନ୍ଦ ହିଁ ଅଲଗା । ଯଦିଓ ଭାରତୀୟମାନେ ବର୍ଷସାରା ଅନେକ ସ୍ଥାନକୁ ଯାତ୍ରା କରନ୍ତି, କିନ୍ତୁ ଆପଣ ଜାଣନ୍ତି କି ଶୀତଦିନରେ କେଉଁ ବିଦେଶୀ ସ୍ଥାନରେ ଭାରତୀୟମାନେ ଅଧିକ ପରିଦର୍ଶନ କରିବାକୁ ଯୋଜନା କରୁଛନ୍ତି?
ଏହି ସ୍ଥାନଟି ହେଉଛି ଆବୁଧାବି (Abu Dhabi) ।୨୦୨୪ର ରିପୋର୍ଟ ଅନୁଯାୟୀ, ଚଳିତବର୍ଷ ଆବୁଧାବିର ବୁକିଂରେ ସର୍ବାଧିକ ବୃଦ୍ଧି ଘଟିଛି। ଯଦି ଆମେ ଆନ୍ତର୍ଜାତୀୟ ଯାତ୍ରା ବିଷୟରେ ଆଲୋଚନା କରିବା, ତେବେ ଏଠାରେ ୧୫୦ ପ୍ରତିଶତ ବୃଦ୍ଧି ଘଟିଛି । ଏଥି ସହିତ, ଡିସେମ୍ବର ୨୦, ୨୦୨୪ ରୁ ଜାନୁୟାରୀ ୨,୨୦୨୫ ମଧ୍ୟରେ ଆବୁଧାବିର ବୁକିଂ ୧୭୪ପ୍ରତିଶତ ବୃଦ୍ଧି ପାଇଛି।
ଗତ ବର୍ଷ ସମାନ ଅବଧିରେ ଫୁକେଟର ବୁକିଂ ୧୬୮ପ୍ରତିଶତ ବୃଦ୍ଧି ପାଇଥିଲା। ଥାଇଲ୍ୟାଣ୍ଡର ରାଜଧାନୀ ବ୍ୟାଙ୍କକକ୍ ବୁକିଂରେ ୧୬୬ପ୍ରତିଶତ ବୃଦ୍ଧି ପାଇଥିବାବେଳେ ଭିଏତନାମର ବୁକିଂରେ ୧୦୨ପ୍ରତିଶତ ବୃଦ୍ଧି ଘଟିଥିଲା।
ବାଲି ଏହାର ବେଳାଭୂମି ବା ବିଚ ପାଇଁ ଲୋକଙ୍କ ପ୍ରିୟ ହୋଇ ରହିଥାଏ । ଏଠାରେ ବୁକିଂରେ ୯୬ ପ୍ରତିଶତ ବୃଦ୍ଧି ଦେଖିବାକୁ ମିଳିଥିଲା । ଏଥି ସହିତ ଲଣ୍ଡନ ବୁକିଂରେ ୮୦ପ୍ରତିଶତ ବୃଦ୍ଧି ଘଟିଥିଲା। ସିଙ୍ଗାପୁରର ବୁକିଂ ୫୩ ପ୍ରତିଶତ ବୃଦ୍ଧି ପାଇଛି ଏବଂ ଭାରତୀୟଙ୍କ ପାଇଁ ପସନ୍ଦ ସ୍ଥଳ ହୋଇ ରହିଛି। ଦୁବାଇ ପରିଦର୍ଶନ କରିବାର ଚାହିଦା ବି କିଛି କମ ନୁହେଁ, ଚଳିତ ବର୍ଷ ଏଠାରେ ବୁକିଂରେ ୪୮ ପ୍ରତିଶତ ବୃଦ୍ଧି ଘଟିଛି।
ଆନ୍ତର୍ଜାତୀୟ ଯାତ୍ରା ପାଇଁ ଥାଇଲ୍ୟାଣ୍ଡ, ଭିଏତନାମ, ଲଣ୍ଡନ ଏବଂ ବାଲି ଲୋକଙ୍କ ପସନ୍ଦ ହୋଇ ରହିଛନ୍ତି । ଶୀତ ଭାରତରେ ହଇଚଇ ସୃଷ୍ଟି କରିଛି, ଯେଉଁ କାରଣରୁ ଲୋକମାନେ ବିଦେଶ ଭ୍ରମଣ କରନ୍ତି ଏବଂ ଏପରି ସ୍ଥାନ ବାଛନ୍ତି ଯେଉଁଠାରେ ମନୋରମ ପାଗ, ପ୍ରାକୃତିକ ସୌନ୍ଦର୍ଯ୍ୟ, ସୁନ୍ଦର ଅଟ୍ଟାଳିକା ଏବଂ କିଛି ଭିନ୍ନ ଅନୁଭୂତି ହୋଇପାରେ ।
ଆବୁଧାବିର ବିଶେଷତା କ’ଣ?
ଲୋକଙ୍କ ଟ୍ରାଭେଲ ତାଲିକାରେ ଆବୁଧାବି ଅନ୍ତର୍ଭୁକ୍ତ ହୋଇଥାଏ । କୁହାଯାଏ ଯେ ଆପଣ ଏଠାରେ ସବୁକିଛି ପାଇପାରିବେ ।
ଆବୁଧାବିରେ ଆକାଶ ଉଚ୍ଚ ଅଟ୍ଟାଳିକା, ସପିଂ ପ୍ଲାଜା, ପର୍ବତ ଏବଂ ବାଲୁକା ସମତଳ ସମେତ ସବୁକିଛି ଅଛି । ଆପଣ ନିଜ ସାଥୀ, ବନ୍ଧୁ କିମ୍ବା ପରିବାର ସହିତ ଏଠାରେ ଭ୍ରମଣ କରିବାକୁ ଯୋଜନା କରିପାରିବେ ।
ALSO READ: https://purvapaksa.com/homemade-hair-mask/
