ଜଗଦୀପ ଧନଖଡଙ୍କୁ ଇସ୍ତଫା ଦେବାର କାରଣ ସମ୍ପର୍କରେ ଏକ ବଡ଼ ଖୁଲାସା ହୋଇଛି । ଜଗଦୀପ ଧନଖଡ଼ ୨୧ ଜୁଲାଇରେ ଉପରାଷ୍ଟ୍ରପତି ପଦରୁ ଇସ୍ତଫା ଦେଇଥିଲେ । ସେ ସ୍ୱାସ୍ଥ୍ୟଗତ କାରଣକୁ ନେଇ ଇସ୍ତଫା ଦେଇଥିବା କହିଥିଲେ। କିନ୍ତୁ ବାସ୍ତବତା ଅନ୍ୟ କିଛି । ଜଷ୍ଟିସ ଯଶୱନ୍ତ ବର୍ମାଙ୍କ ବିରୁଦ୍ଧରେ ବିପକ୍ଷର ମହାଭିଯୋଗ ପ୍ରସ୍ତାବ ହିଁ ତାଙ୍କ ପଦ ହରାଇବାର କାରଣ ହୋଇଛି । ଯେତେବେଳେ ସେ ଜଷ୍ଟିସ ବର୍ମାଙ୍କ ବିରୁଦ୍ଧରେ ବିପକ୍ଷର ମହାଭିଯୋଗ ନୋଟିସକୁ ଗ୍ରହଣ କଲେ, ସରକାର ତାଙ୍କ ଉପରେ ନାରାଜ ହୋଇଗଲେ । ଏହାପରେ କ’ଣ ହେଲା, ତାହା ସମସ୍ତଙ୍କ ଜଣା । ସେହି ରାତିରେ ତାଙ୍କୁ ରାଷ୍ଟ୍ରପତିଙ୍କ ପାଖକୁ ଯାଇ ଇସ୍ତଫା ଦେବାକୁ ପଡ଼ିଲା । ଜଗଦୀପ ଧନଖଡ଼ ଜଷ୍ଟିସ ଯଶୱନ୍ତ ବର୍ମାଙ୍କ ବିରୁଦ୍ଧରେ ମହାଭିଯୋଗ ପ୍ରସ୍ତାବ ଗ୍ରହଣ ତ କଲେ, କିନ୍ତୁ ଗୋଟିଏ ଜାଗାରେ ସେ ମାତ୍ ଖାଇ ଯାଇଥିଲେ।
ହଁ, ମୌସୁମୀ ଅଧିବେଶନର ପ୍ରଥମ ଦିନ ରାଜ୍ୟସଭାରେ ଜଗଦୀପ ଧନଖଡ଼ ଜଷ୍ଟିସ ବର୍ମାଙ୍କ ବିରୁଦ୍ଧରେ ବିପକ୍ଷର ମହାଭିଯୋଗ ନୋଟିସକୁ ଗ୍ରହଣ କରିଥିଲେ। କିନ୍ତୁ ସରକାର ଚାହୁଁଥିଲେ ଯେ ଜଷ୍ଟିସ ବର୍ମାଙ୍କ ବିରୁଦ୍ଧରେ ତାଙ୍କର ପ୍ରସ୍ତାବ ପ୍ରଥମେ ଲୋକସଭାରେ ଉପସ୍ଥାପନ ହେଉ। ଜଗଦୀପ ଧନଖଡ଼ ନୋଟିସ ଗ୍ରହଣ ତ କଲେ, କିନ୍ତୁ ଏପର୍ଯ୍ୟନ୍ତ ଏହାକୁ ଔପଚାରିକ ମଞ୍ଜୁରୀ ଦେଇ ନଥିଲେ। ଯଦିଓ ତାଙ୍କର ଏହାକୁ ମଞ୍ଜୁରୀ ଦେବାର ଅଧିକାର ମଧ୍ୟ ନଥିଲା। ସେ ଚାହିଁଥିଲେ ମଧ୍ୟ ରାଜ୍ୟସଭାରେ ଏହାକୁ ଉପସ୍ଥାପନ କରାଇ ପାରି ନଥାନ୍ତେ। କାରଣ ସୁପ୍ରିମକୋର୍ଟ ଯେଉଁ ତଦନ୍ତ କମିଟି ଗଠନ କରିଥିଲେ, ତାହାର ରିପୋର୍ଟ ରାଜ୍ୟସଭାକୁ ମିଳି ନଥିଲା।
ଜଗଦୀପ ଧନଖଡ଼ କିପରି ମାତ୍ ଖାଇଲେ?
ସୂତ୍ରରୁ ଜଣାପଡ଼ିଛି ଯେ ଜଷ୍ଟିସ ଯଶୱନ୍ତ ବର୍ମାଙ୍କ କ୍ୟାଶ କାଣ୍ଡ ଉପରେ ସୁପ୍ରିମକୋର୍ଟ ତିନି ଜଣ ବିଚାରପତିଙ୍କୁ ନେଇ ଏକ ତଦନ୍ତ କମିଟି ଗଠନ କରିଥିଲେ । ସେହି କମିଟି ଏକ ରିପୋର୍ଟ ପ୍ରସ୍ତୁତ କରିଥିଲା । ସେହି ରିପୋର୍ଟ ଲୋକସଭା ସ୍ପିକରଙ୍କୁ ହସ୍ତାନ୍ତର କରାଯାଇଥିଲା । ରାଜ୍ୟସଭାର ସଭାପତିଙ୍କୁ ସେହି ରିପୋର୍ଟ ମିଳି ନଥିଲା । ତେଣୁ ଜଷ୍ଟିସ ବର୍ମାଙ୍କ ବିରୁଦ୍ଧରେ ମହାଭିଯୋଗ ନୋଟିସ କେବଳ ଲୋକସଭାରେ ହିଁ ଉପସ୍ଥାପନ ହୋଇପାରିଥାନ୍ତା, ରାଜ୍ୟସଭାରେ ନୁହେଁ । କିନ୍ତୁ ଏହି ବିଷୟରେ ଅଜଣା ଥାଇ ଜଗଦୀପ ଧନଖଡ଼ ବିପକ୍ଷ ସାଂସଦମାନଙ୍କ ହସ୍ତାକ୍ଷର ଥିବା ନୋଟିସକୁ ଗ୍ରହଣ ତ କରିଥିଲେ, କିନ୍ତୁ ସେ ରାଜ୍ୟସଭାରେ ଏହାକୁ ମଞ୍ଜୁର କରାଇ ପାରି ନଥାନ୍ତେ ।
ରାଜ୍ୟସଭାରୁ ପ୍ରସ୍ତାବ କାହିଁକି ପ୍ରତ୍ୟାଖ୍ୟାନ ହେଲା ?
ଏହାହିଁ କାରଣ ଯେ ଏବେ ରାଜ୍ୟସଭାରୁ ବିପକ୍ଷର ମହାଭିଯୋଗ ପ୍ରସ୍ତାବକୁ ପ୍ରତ୍ୟାଖ୍ୟାନ କରାଯାଇଛି । ସୂତ୍ରରୁ ଜଣାପଡ଼ିଛି ଯେ ଜଷ୍ଟିସ ବର୍ମାଙ୍କ ଉପରେ ବିପକ୍ଷର ପ୍ରସ୍ତାବ ରାଜ୍ୟସଭାରେ କେବେ ଔପଚାରିକ ଭାବେ ଗ୍ରହଣ ହୋଇ ନଥିଲା । ଜଗଦୀପ ଧନଖଡ଼ କେବଳ ନୋଟିସ ଗ୍ରହଣ କରିଥିଲେ । ପରବର୍ତୀ ପଦକ୍ଷେପ ଥିଲା ଏହାକୁ ଔପଚାରିକ ଭାବେ ଗ୍ରହଣ କରିବା । କିନ୍ତୁ ତାହା ପୂର୍ବରୁ ସେ ଇସ୍ତଫା ଦେଇଦେଇଥିଲେ । ଏହାପୂର୍ବରୁ ତତ୍କାଳୀନ ଉପରାଷ୍ଟ୍ରପତି ଜଗଦୀପ ଧନଖଡ଼ ୨୧ ଜୁଲାଇରେ କେବଳ ବିପକ୍ଷର ନୋଟିସ ମିଳିଥିବା ସୂଚନା ଦେଇଥିଲେ। ଏହାପରେ ହିଁ ସରକାରଙ୍କ ସହ ତାଙ୍କର ମନାନ୍ତର ହୋଇଥିଲା । ଏହାପରେ ଧନଖଡ଼ ସେହି ରାତିରେ ହଠାତ୍ ନିଜ ପଦରୁ ଇସ୍ତଫା ଦେଇଦେଇଥିଲେ।
ଏବେ ଲୋକସଭାରେ ଉପସ୍ଥାପନ ହେବ ପ୍ରସ୍ତାବ
ଏବେ ସ୍ପଷ୍ଟ ହୋଇଛି ଯେ ଜଷ୍ଟିସ ଯଶୱନ୍ତ ବର୍ମାଙ୍କୁ ହଟାଇବା ପାଇଁ କାର୍ଯ୍ୟାନୁଷ୍ଠାନ ପ୍ରଥମେ ଲୋକସଭାରେ ଆରମ୍ଭ ହେବ । ଜଷ୍ଟିସ ବର୍ମାଙ୍କୁ ହଟାଇବା ମାମଲାରେ ଶୀଘ୍ର ଏକ କମିଟି ଗଠନ ହୋଇପାରେ । ଲୋକସଭା ସ୍ପିକର ଓମ ବିର୍ଲା ଜଷ୍ଟିସ ଯଶୱନ୍ତ ବର୍ମାଙ୍କ ଉପରେ ତଦନ୍ତ ପାଇଁ ତିନି ସଦସ୍ୟ ବିଶିଷ୍ଟ ତଦନ୍ତ କମିଟି ଗଠନ କରିପାରନ୍ତି। ସୁପ୍ରିମକୋର୍ଟର ରିପୋର୍ଟ ଏପର୍ଯ୍ୟନ୍ତ ସାର୍ବଜନୀନ ହୋଇ ନାହିଁ। ମନେ ହେଉଛି ଯେ ଏହି ମୌସୁମୀ ଅଧିବେଶନରେ ଅପରେସନ ସିନ୍ଦୁର ପରେ ସରକାର ଜଷ୍ଟିସ ବର୍ମାଙ୍କ ଉପରେ ନୋଟିସକୁ ଲୋକସଭାରେ ଉପସ୍ଥାପନ କରିବ।
ALSO READ https://purvapaksa.com/modis-global-outreach-cost-rs-362-cr-between-2021-2025/
