ଆଗାମୀ ମହାକୁମ୍ଭ-୨୦୨୫ ରେ ଓଡ଼ିଶା ସରକାର ରାଜ୍ୟର ବିଭିନ୍ନ ସ୍ଥାନରୁ ଉତ୍ତରପ୍ରଦେଶକୁ ପ୍ରିମିୟମ୍ ବସ୍ ଚଳାଚଳ କରିବେ। ସରକାରୀ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଓଡ଼ିଶା ରାଜ୍ୟ ସଡ଼କ ପରିବହନ ନିଗମ (ଓଏସଆରଟିସି) ୟୁପିରେ ହେବାକୁ ଥିବା ଏହି ବିଶାଳ ଧାର୍ମିକ କାର୍ଯ୍ୟକ୍ରମରେ ରାଜ୍ୟରୁ ତୀର୍ଥଯାତ୍ରୀଙ୍କ ସୁରକ୍ଷିତ ଏବଂ ଅସୁବିଧାମୁକ୍ତ ଯାତ୍ରା ପାଇଁ ବସ୍ ସେବା ପ୍ରଦାନ କରିବ।
ଜାନୁଆରୀ ୧୩ରୁ ଫେବ୍ରୁଆରି ୨୬ ମଧ୍ୟରେ ପୁରୀ, ସମ୍ବଲପୁର, ଭବାନୀପାଟଣା ଓ ବ୍ରହ୍ମପୁରରୁ ଅଯୋଧ୍ୟାକୁ ଏହି ହାଇଏଣ୍ଡ ବସ୍ ଚଳାଚଳ କରିବ। ଓଏସଆରଟିସି ପ୍ରତ୍ୟେକ ରୁଟ୍ ପାଇଁ ଦୁଇଟି ବସ୍ ଯୋଗାଇଦେବ।
ବସ୍ ଗୁଡ଼ିକରେ ସ୍ଲିପର ସିଟ୍, ମୋବାଇଲ ଚାର୍ଜିଂ ପୋର୍ଟ ଏବଂ ଇନ୍ଫୋଟେନମେଣ୍ଟ ସିଷ୍ଟମ ସମେତ ଅତ୍ୟାଧୁନିକ ସୁବିଧା ରହିବ। ଏହାବ୍ୟତୀତ ଯାତ୍ରୀଙ୍କ ସୁରକ୍ଷା ପାଇଁ ଅଗ୍ନି ନିରାପତ୍ତା ବ୍ୟବସ୍ଥା, ପ୍ୟାନିକ୍ ବଟନ୍, ଟ୍ରାକିଂ ସିଷ୍ଟମ ଓ ଆଡଭାନ୍ସଡ୍ ଡ୍ରାଇଭର ଆସିଷ୍ଟାନ୍ସ ସିଷ୍ଟମ (ଏଡିଏଏସ୍) ଲଗାଯାଇଛି।
ଓଡ଼ିଶାର ତୀର୍ଥଯାତ୍ରୀମାନେ ସୁଲଭ ମୂଲ୍ୟରେ ଏହି ବସ୍ ସେବା ପାଇପାରିବେ। ସେମାନେ osrtc.org ୱେବସାଇଟ୍ କିମ୍ବା ଓଏସଆରଟିସି ମୋବାଇଲ ଆପ୍ ମାଧ୍ୟମରେ କିମ୍ବା ରାଷ୍ଟ୍ରାୟତ୍ତ ନିଗମର ଟିକେଟ କାଉଣ୍ଟରକୁ ଯାଇ ଟିକେଟ୍ ବୁକ୍ କରିପାରିବେ।
ରାଜ୍ୟ ସରକାର ଯାତ୍ରୀମାନଙ୍କ ପାଇଁ ଏକ ଟୋଲ୍ ଫ୍ରି ହେଲ୍ପଲାଇନ୍ ନମ୍ବର (୧୮୦୦-୩୪୫-୧୧୨୨) ଏବଂ ହ୍ଵାଟ୍ସଆପ୍ ନମ୍ବର (78490052205) ଜାରି କରିଛନ୍ତି।
ତୀର୍ଥଯାତ୍ରୀମାନେ ଓଏସଆରଟିସିର ଅଫିସିଆଲ ୱେବସାଇଟ୍ ଏବଂ ସୋସିଆଲ ମିଡିଆ ହ୍ୟାଣ୍ଡେଲରୁ ମାର୍ଗ ଏବଂ ଷ୍ଟପ୍ ପେଜ୍ ବିଷୟରେ ବିସ୍ତୃତ ସୂଚନା ପାଇପାରିବେ ।
ଓଡିଆ ତୀର୍ଥଯାତ୍ରୀଙ୍କ ସୁବିଧା ପାଇଁ ଓଏସଆରଟିସିର ଅଧିକାରୀଙ୍କୁ ବସ୍ ଏବଂ ଉତ୍ତରପ୍ରଦେଶର ବାରଣାସୀରେ ନିୟୋଜିତ କରାଯିବ।
Also read https://purvapaksa.com/odisha-to-be-a-global-tourism-leader/
