ଇରାନ ଏବଂ ଇସ୍ରାଏଲ ମଧ୍ୟରେ ବୃଦ୍ଧି ପାଇବାରେ ଲାଗିଛି ରାଷ୍ଟ୍ରୀୟ ସଂଘର୍ଷ | ଇରାନର ରାଜଧାନୀ ତେହେରାନରେ ପୁଣି ଘଟିଛି ନୂଆ ବିମାନ ଆକ୍ରମଣ | ଫାର୍ସ ନ୍ୟୁଜ୍ ଏଜେନ୍ସି ସମେତ ଇରାନୀ ଗଣମାଧ୍ୟମ ରିପୋର୍ଟ କରିଛି ଯେ ସହରର ଅନେକ ଜିଲ୍ଲା ପ୍ରଭାବିତ ହୋଇଛି | ଆକ୍ରମଣର ଜୋରଦାର ବିସ୍ଫୋରଣ ସୃଷ୍ଟି କରିଛି ବହୁ କ୍ଷୟକ୍ଷତି ।
ରିପୋର୍ଟ ଅନୁଯାୟୀ, ପ୍ରମୁଖ ଏକ୍ସପ୍ରେସ ଏବଂ ସହରାଞ୍ଚଳ ସମେତ ଜିଲ୍ଲା ୧,୪,୧୧,୧୩ ଏବଂ ୨୧ର ପ୍ରମୁଖ ସ୍ଥାନଗୁଡ଼ିକୁ ଟାର୍ଗେଟ କରାଯାଇଥିଲା । ପିରୋଜି ଷ୍ଟ୍ରିଟ୍, ଗାର୍ମଦାରେହ, ଶାହିଦ ବାବେଇ ଏକ୍ସପ୍ରେସ, ହେରାଭି ସ୍କୋୟାର ଏବଂ ହାଫେଜ୍ ଷ୍ଟ୍ରିଟ୍ ଭଳି ଅଞ୍ଚଳରେ ତୀବ୍ର ବିସ୍ଫୋରଣ ହୋଇଥିଲା | ଯାହା ସେଠିକା ବାସିନ୍ଦାଙ୍କ ମଧ୍ୟରେ ଆତଙ୍କ ସୃଷ୍ଟି କରିଥିଲା।
ପୃଥକ ଭାବରେ, ଖୋରମବାଦରେ ଜଣେ ଶିଶୁର ମୃତ୍ୟୁ ହୋଇଥିବା ରିପୋର୍ଟ ହୋଇଛି | ଯେତେବେଳେକି ଅନ୍ତର୍ଜାତୀୟ ରିପୋର୍ଟରେ ବିମାନ ଆକ୍ରମଣ ପରେ ଉର୍ମିଆରେ ମୃତାହତ ଏବଂ ବ୍ୟାପକ କ୍ଷତି ହୋଇଥିବା ସୂଚିତ ହୋଇଛି । ତେବେ ଇସ୍ରାଏଲ ପ୍ରତିରକ୍ଷା ବାହିନୀ , ଇରାନ ଶାସନ ସହିତ ଜଡିତ ଭିତ୍ତିଭୂମି ଭାବରେ ବର୍ଣ୍ଣନା କରାଯାଇଥିବା ଜିନିଷକୁ ଟାର୍ଗେଟ କରିଛି | ଏକ ନୂତନ ଅଭିଯାନ ଆରମ୍ଭ କରିବାକୁ ନିଶ୍ଚିତ ହେବ ପରେ ହୋଇଛି ଏହି ଆକ୍ରମଣ ।
ଏହାର ଜବାବରେ, ଇରାନର ଇସଲାମିକ୍ ରିଭୋଲ୍ୟୁସନାରୀ ଗାର୍ଡ କର୍ପସ ଦାବି କରିଛି ଯେ , ଏହାର ପ୍ରତିଶୋଧମୂଳକ ଅଭିଯାନ “ଟ୍ରୁ ପ୍ରୋମିଜ୍ ୪” ଅନ୍ତର୍ଗତ ୭୫ତମ କ୍ଷେପଣାସ୍ତ୍ର ଆକ୍ରମଣ କରିଛି | ଯାହା ଇସ୍ରାଇଲ ସାମରିକ ସ୍ଥାନ ଏବଂ ଏକ ପ୍ରମୁଖ ଯୁକ୍ତରାଷ୍ଟ୍ର ସାମରିକ ପ୍ରତିଷ୍ଠାନ ପ୍ରିନ୍ସ ସୁଲତାନ ବାୟୁ ଘାଟିକୁ ଟାର୍ଗେଟ କରି କରାଯାଇଛି।
ବଢ଼ୁଥିବା ଉତ୍ତେଜନା ମଧ୍ୟରେ, ଇରାନ ଚେତାବନୀ ଦେଇ କହିଛି , ଯଦି ଏହା ଦେଶର ଶକ୍ତି ଭିତ୍ତିଭୂମି ଉପରେ ବିପଦ ସୃଷ୍ଟି କରେ ତେବେ ଏନେଇ ହର୍ମୁଜ୍ ପ୍ରଣାଳୀକୁ ଦେଶ କରିପାରେ ବନ୍ଦ । ଏହି ସଂଘର୍ଷ, ବର୍ତ୍ତମାନ ଚତୁର୍ଥ ସପ୍ତାହରେ ପହଞ୍ଚିଥିବା ବେଳେ ବର୍ତ୍ତମାନର ଯୁଧ୍ୟ ପରିସ୍ଥିତି ଏକ ବ୍ୟାପକ ଆଞ୍ଚଳିକ ସଙ୍କଟ ଏବଂ ବିଶ୍ୱ ଶକ୍ତି ଯୋଗାଣ ବାବଦରେ ସମ୍ଭାବ୍ୟ ବାଧା ସୃଷ୍ଟି ହେବାର ଆଶଙ୍କା ସୃଷ୍ଟି କରୁଛି ।
also read : https://purvapaksa.com/odisha-assembly-speaker-declare-mlas-disqualified/
ଓଡ଼ିଶା ପାଇଁ ହିମାଚଳ ହେବ କି ଉଦାହରଣ ? Odisha Assembly Speaker declare MLAs disqualified !
