ଭାରତ ଏବଂ ରୁଷିଆ ମଧ୍ୟରେ ଏକ ଏପରି ଡିଲ୍ ହୋଇଛି, ଯାହା ଶୁଣିଲେ ଆମ ପଡ଼ୋଶୀ ଦେଶମାନଙ୍କୁ ନିଶ୍ଚୟ “ଲଙ୍କା ଗୁଣ୍ଡ” ଲାଗିବ। ଆମେରିକା ଯେତେ ଚେଷ୍ଟା କଲେ ବି ରୁଷିଆକୁ ଭାରତ ମହାସାଗର କିମ୍ବା ମଧ୍ୟପ୍ରାଚ୍ୟରୁ ଦୂରେଇ ରଖିପାରିଲା ନାହିଁ। ଏବେ ଭାରତ ଏବଂ ରୁଷିଆ ମଧ୍ୟରେ ହୋଇଥିବା ଏହି ଚୁକ୍ତି ଅନୁସାରେ, ଖୁବ୍ ଶୀଘ୍ର ଭାରତ ମାଟିରେ ରୁଷିଆର ଏୟାରବେସ୍ ବା ସାମରିକ ଘାଟି ଦେଖିବାକୁ ମିଳିବ। କେବଳ ସେତିକି ନୁହେଁ, ଇସ୍ରାଏଲ୍ ମଧ୍ୟ ଭାରତରେ ନିଜର ସାମରିକ ଘାଟି ସ୍ଥାପନ କରିବାକୁ ଆଗ୍ରହ ପ୍ରକାଶ କରିଛି।
କିନ୍ତୁ ମନେ ରଖନ୍ତୁ, ଏହା କେବଳ ଏକପାଖିଆ ନୁହେଁ। ଭାରତ ମଧ୍ୟ ଏବେ ଚୀନ୍ ଏବଂ ପାକିସ୍ତାନର “ମୁଣ୍ଡ ଉପରେ ଚଢ଼ି ବସିବାକୁ” ପ୍ରସ୍ତୁତ ହୋଇସାରିଛି। ରୁଷିଆର ବିଭିନ୍ନ ଗୁରୁତ୍ୱପୂର୍ଣ୍ଣ ସ୍ଥାନରେ ଭାରତୀୟ ସେନା ନିଜର ଆଡ୍ଡା ଜମାଇବ। ଚାଲନ୍ତୁ ଜାଣିବା ଏହି ଚୁକ୍ତିର ସମ୍ପୂର୍ଣ୍ଣ ବିବରଣୀ।
୧. କ’ଣ ଏହି ୩୦୦୦ ସୈନ୍ୟଙ୍କ ନିୟୋଜନ?
୨୦୨୬ ଏପ୍ରିଲ ମାସରେ ହୋଇଥିବା ଏହି ନୂତନ ଚୁକ୍ତି ଅନୁସାରେ, ଭାରତ ଏବଂ ରୁଷିଆ ପରସ୍ପରର ଦେଶକୁ ୩-୩ ହଜାର ସୈନ୍ୟ ପଠାଇବେ। ଏହା ପୂର୍ବରୁ ୨୦୨୫ରେ ‘ରେସିପ୍ରୋକାଲ ଏକ୍ସଚେଞ୍ଜ ଅଫ୍ ଲଜିଷ୍ଟିକ୍ ସପୋର୍ଟ’ (RELOS) ଚୁକ୍ତି ହୋଇଥିଲା, ଯାହା ଅନୁସାରେ ଭାରତୀୟ ବିମାନ ବା ଜାହାଜ ରୁଷିଆରେ ଏବଂ ରୁଷିଆର ଜାହାଜ ଭାରତରେ ଇନ୍ଧନ କିମ୍ବା ମରାମତି ସୁବିଧା ପାଇପାରୁଥିଲେ। କିନ୍ତୁ ଏବେର ଚୁକ୍ତି ଏହାଠାରୁ ବହୁତ ବଡ଼।
ରୁଷିଆ ଭାରତ ମହାସାଗରରେ ୫ରୁ ଅଧିକ ଯୁଦ୍ଧ ଜାହାଜ ମୁତୟନ କରିବ ଏବଂ ଭାରତର ବିଭିନ୍ନ ସ୍ଥାନରେ ପ୍ରାୟ ୧୦ଟି ସାମରିକ ଘାଟି ସ୍ଥାପନ କରିବ।
୨. ଜାମ୍ମୁ-କାଶ୍ମୀରରେ ଇସ୍ରାଏଲ୍ର ଏଣ୍ଟ୍ରି?
ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି, ଇସ୍ରାଏଲ୍ ମଧ୍ୟ ଜାମ୍ମୁ-କାଶ୍ମୀରରେ ଏକ ସାମରିକ ଘାଟି କରିବାକୁ ଇଚ୍ଛା ପ୍ରକାଶ କରିଛି। ଯଦି ଇସ୍ରାଏଲ୍ ସୈନ୍ୟ କାଶ୍ମୀର ସୀମାରେ ବସିବେ, ତେବେ ପାକିସ୍ତାନୀ ଅନୁପ୍ରବେଶକାରୀଙ୍କ ଅବସ୍ଥା କ’ଣ ହେବ, ତାହା ଆପଣ ସହଜରେ ଅନୁମାନ କରିପାରୁଥିବେ। ଇସ୍ରାଏଲ୍ ତା’ର ଜଣେ ସୈନ୍ୟ ପାଇଁ ପୁରା ଦୁନିଆକୁ ହଲାଲ କରିଦିଏ, ତେଣୁ ପାକିସ୍ତାନ ପାଇଁ ଏହା ଏକ ବଡ଼ ଚେତାବନୀ।
୩. ରୁଷିଆରେ ଭାରତୀୟ ସେନା କେଉଁଠି ରହିବ?
ଭାରତ ଏବେ ଚୀନ୍କୁ ଘେରିବା ପାଇଁ ରୁଷିଆର ଏପରି କିଛି ସ୍ଥାନ ବାଛିଛି, ଯାହା ଚୀନ୍ର ପୂର୍ବ ଏବଂ ଉତ୍ତର ସୀମାକୁ ସଂପୂର୍ଣ୍ଣ ନଜରରେ ରଖିବ:
ଭ୍ଲାଦିଭୋଷ୍ଟକ (Vladivostok): ଏଠାରେ ଭାରତୀୟ ଏୟାରବେସ୍ ହେଲେ କୋରିଆ, ଜାପାନ ଏବଂ ଚୀନ୍ର ପୂର୍ବ ଭାଗ ଉପରେ ସିଧାସଳଖ ନଜର ରହିବ।
ଚିତା (Chita): ଏହା ମଙ୍ଗୋଲିଆ ଏବଂ ରୁଷିଆ ସୀମାରେ ଅବସ୍ଥିତ। ଏଠାରେ ବସି ଭାରତୀୟ ସେନା ଚୀନ୍ର ପ୍ରତିଟି ଗତିବିଧି ଉପରେ ନଜର ରଖିପାରିବ।
କାମଚାଟକା (Kamchatka): ଏହି ଅଞ୍ଚଳ ପରମାଣୁ ସବ୍ମେରିନ ଏବଂ ମିସାଇଲ ପରୀକ୍ଷଣ ପାଇଁ ପ୍ରସିଦ୍ଧ। ଚୀନ୍ ପ୍ରଶାନ୍ତ ମହାସାଗରରେ କରୁଥିବା ସମସ୍ତ ମିସାଇଲ ପରୀକ୍ଷଣର ତଥ୍ୟ ଭାରତ ଏଠାରୁ ସହଜରେ ପାଇପାରିବ।
୪. ପାକିସ୍ତାନ ପାଇଁ ଘାତକ ରଣନୀତି
ଭାରତ କେବଳ ଚୀନ୍ ନୁହେଁ, ପାକିସ୍ତାନର ମୁଣ୍ଡ ଉପରେ ମଧ୍ୟ ବସିବାକୁ ଯାଉଛି। ତାଜିକିସ୍ତାନରେ ଭାରତର ପୂର୍ବରୁ ସାମରିକ ଘାଟି ଅଛି, କିନ୍ତୁ ଏବେ ରୁଷିଆର ସାହାଯ୍ୟରେ କାଜାକିସ୍ତାନ ଏବଂ ତାଜିକିସ୍ତାନର ବଡ଼ ବେସ୍ଗୁଡ଼ିକୁ ଭାରତ ବ୍ୟବହାର କରିବ।ଏହାଦ୍ୱାରା ମଧ୍ୟ ଏସିଆ ଏବଂ ପାକିସ୍ତାନର ଉତ୍ତର ଭାଗ ସମ୍ପୂର୍ଣ୍ଣ ଭାରତର ନିୟନ୍ତ୍ରଣକୁ ଆସିଯିବ।
୫. ଭାରତରେ ରୁଷିଆର ସ୍ଥିତି
ରୁଷିଆର ସେନା ମୁଖ୍ୟତଃ ଲଦାଖ ଏବଂ ଆଣ୍ଡାମାନ ନିକୋବର ଦ୍ୱୀପପୁଞ୍ଜରେ ମୁତୟନ ହେବେ। ଆଣ୍ଡାମାନରେ ରହି ରୁଷିଆ “ମଲାକ୍କା ଷ୍ଟ୍ରେଟ୍” (Malacca Strait) ଉପରେ ନଜର ରଖିବ, ଯେଉଁଠାରୁ ଚୀନ୍ର ଅଧିକାଂଶ ବ୍ୟବସାୟିକ ଜାହାଜ ଯାତାୟାତ କରେ।
ଏହି ସାମରିକ ବୁଝାମଣା କେବଳ ସୈନ୍ୟ ଆଦାନପ୍ରଦାନ ନୁହେଁ, ବରଂ ଏହା ଏକ ବଡ଼ ଶକ୍ତିର ପ୍ରଦର୍ଶନ। ଏହାଦ୍ୱାରା ଭାରତକୁ ଆଧୁନିକ ଅସ୍ତ୍ରଶସ୍ତ୍ର ମିଳିବ, ଉଭୟ ଦେଶର ସେନା ମିଳିତ ତାଲିମ ନେବେ ଏବଂ ଗୁପ୍ତଚର ତଥ୍ୟ (Intelligence sharing) ଆଦାନପ୍ରଦାନ କରିବେ।
ଆମେରିକା ଯେତେବେଳେ ଭାରତ ମହାସାଗରରେ ନିଜର ପ୍ରଭୁତ୍ୱ ବିସ୍ତାର କରିବାକୁ ଚାହୁଁଛି, ସେତେବେଳେ ଭାରତ ଏବଂ ରୁଷିଆର ଏହି ଯୋଡ଼ି ତା’ର ଯୋଜନାକୁ ପଣ୍ଡ କରିଦେଇଛି। ଚୀନ୍ ଯେଉଁପରି ଭାବେ ଶ୍ରୀଲଙ୍କା, ମିଆଁମାର ଏବଂ ମାଳଦ୍ୱୀପରେ ଭାରତକୁ ଘେରିବାକୁ ଚେଷ୍ଟା କରୁଥିଲା, ଏବେ ଭାରତ ରୁଷିଆ ସୀମାରେ ବସି ଚୀନ୍କୁ ଉଚିତ ଜବାବ ଦେଇଛି।
AlsoRead; https://purvapaksa.com/who-will-sit-on-the-throne-of-tamil-nadu/
କିଏ ବସିବ ତାମିଲନାଡ଼ୁ ସିଂହାସନରେ || Who will sit on the throne of Tamil Nadu?
