Bijapur encounter: ରବିବାର ଏନକାଉଣ୍ଟରବେଳେ ସୁରକ୍ଷାବାହିନୀ ୩୧ ଜଣ ନକ୍ସଲଙ୍କୁ ନିପାତ କରିଛନ୍ତି। ଏହି ଏନକାଉଣ୍ଟରରେ ଦୁଇଜଣ ସୁରକ୍ଷାକର୍ମୀ ସହିଦ ହୋଇଥିବାବେଳେ ଅନ୍ୟ ଦୁଇଜଣ ଗୁରୁତର ଆହତ ହୋଇଛନ୍ତି। ଚଳିତ ବର୍ଷ ନକ୍ସଲଙ୍କ ବିରୋଧରେ ଏହା ହେଉଛି ସବୁଠାରୁ ବଡ଼ ଅପରେସନ। ଚଳିତ ବର୍ଷ ଏପର୍ଯ୍ୟନ୍ତ ରାଜ୍ୟରେ ବିଭିନ୍ନ ଏନକାଉଣ୍ଟରରେ ସୁରକ୍ଷାବାହିନୀ ୮୧ ଜଣ ନକ୍ସଲଙ୍କୁ ନିପାତ କରିଛନ୍ତି।
ଛତିଶଗଡ଼ର ବିଜାପୁର ଜିଲ୍ଲାରେ ନକ୍ସଲଙ୍କ ବିରୋଧରେ ସୁରକ୍ଷା ବାହିନୀକୁ ଉଲ୍ଲେଖନୀୟ ସଫଳତା ମିଳିଛି। ରବିବାର ଏନକାଉଣ୍ଟରବେଳେ ସୁରକ୍ଷାବାହିନୀ ୩୧ ଜଣ ନକ୍ସଲଙ୍କୁ ନିପାତ କରିଛନ୍ତି। ଏହି ଏନକାଉଣ୍ଟରରେ ଦୁଇଜଣ ସୁରକ୍ଷାକର୍ମୀ ସହିଦ ହୋଇଥିବାବେଳେ ଅନ୍ୟ ଦୁଇଜଣ ଗୁରୁତର ଆହତ ହୋଇଛନ୍ତି। ଚଳିତ ବର୍ଷ ନକ୍ସଲଙ୍କ ବିରୋଧରେ ଏହା ହେଉଛି ସବୁଠାରୁ ବଡ଼ ଅପରେସନ। ଚଳିତ ବର୍ଷ ଏପର୍ଯ୍ୟନ୍ତ ରାଜ୍ୟରେ ବିଭିନ୍ନ ଏନକାଉଣ୍ଟରରେ ସୁରକ୍ଷାବାହିନୀ ୮୧ ଜଣ ନକ୍ସଲଙ୍କୁ ନିପାତ କରିଛନ୍ତି।
ଅତ୍ୟାଧୁନିକ ଅସ୍ତ୍ରଶସ୍ତ୍ର ଜବତ
ବସ୍ତର ରେଞ୍ଜ ର ଆଇଜି ସୁନ୍ଦର ରାଜ ପି କହିଛନ୍ତି ଯେ ସକାଳେ ଇନ୍ଦ୍ରାବତୀ ଜାତୀୟ ଉଦ୍ୟାନ ଅଞ୍ଚଳର ଜଙ୍ଗଲରେ ବିଭିନ୍ନ ସୁରକ୍ଷା ବାହିନୀର ମିଳିତ ଟିମ୍ ନକ୍ସଲ ବିରୋଧୀ ଅଭିଯାନରେ ଥିବା ବେଳେ ଏହି ଏନକାଉଣ୍ଟର ହୋଇଥିଲା। ଘଟଣାସ୍ଥଳରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଓ ବିସ୍ଫୋରକ ସାମଗ୍ରୀ ମଧ୍ୟ ଜବତ କରାଯାଇଛି। ଏନକାଉଣ୍ଟର ସ୍ଥଳରୁ ବିପୁଳ ପରିମାଣର ଏକେ-୪୭, ଏସଏଲଆର, ଇନସାସ ରାଇଫଲ, ବିଜିଏଲ ଲଞ୍ଚର ଅସ୍ତ୍ରଶସ୍ତ୍ର ଓ ବିସ୍ଫୋରକ ସାମଗ୍ରୀ ଜବତ କରାଯାଇଛି।
୬୫୦ରୁ ଅଧିକ ସୈନିକ ଏହି ଅଞ୍ଚଳକୁ ଘେରାଉ କରିଥିଲେ
ଏନକାଉଣ୍ଟର ସମ୍ପର୍କରେ ସୂଚନା ଦେଇ ଛତିଶଗଡ଼ ଗୃହମନ୍ତ୍ରୀ ବିଜୟ ଶର୍ମା କହିଛନ୍ତି ଯେ ନକ୍ସଲଙ୍କ ଉପସ୍ଥିତି ସମ୍ପର୍କରେ ଯବାନଙ୍କୁ ସୂଚନା ମିଳିଥିଲା। ଏହାପରେ ୬୦୦ରୁ ଅଧିକ ଯବାନ ଅପରେସନ ଆରମ୍ଭ କରିଥିଲେ। ଯବାନମାନେ ଯେଉଁ ସ୍ଥାନରେ ନକ୍ସଲଙ୍କୁ ମୁକାବିଲା କରିଥିଲେ ତାହା ସେମାନଙ୍କ ପାଇଁ ସବୁଠାରୁ ସୁରକ୍ଷିତ ସ୍ଥାନଭାବେ ବିବେଚନା କରାଯାଉଥିଲା ବୋଲି ସେ ଉଲ୍ଲେଖ କରିଛନ୍ତି। ନକ୍ସଲଙ୍କ ଗଡ଼ରେ ଅନୁପ୍ରବେଶ କରି ଯବାନମାନେ ଆକ୍ରମଣ କରିଥିଲେ।
ଦୁଇ ଜବାନ ଶହୀଦ ହେଲେ
ପୋଲିସ ଅଧିକାରୀ କହିଛନ୍ତି ଯେ ଏନକାଉଣ୍ଟରରେ ଦୁଇ ସୁରକ୍ଷାକର୍ମୀ ମଧ୍ୟ ଜୀବନ ହରାଇଛନ୍ତି। ଯାହାର ମଧ୍ୟରୁ ଗୋଟିଏ ରାଜ୍ୟ ପୋଲିସର ଜିଲ୍ଲା ରିଜର୍ଭ ଗାର୍ଡରୁ ଏବଂ ଅନ୍ୟଟି ବିଶେଷ କାର୍ୟ ବଳରୁ ଥିଲା। ଦୁଇ ଅନ୍ୟ ସୁରକ୍ଷାକର୍ମୀ ଗୁରୁତର ଆହତ ହୋଇଛନ୍ତି। ସେମାନଙ୍କୁ ଚିକିତ୍ସା ପାଇଁ ଉତ୍ତମ ଚିକିତ୍ସା ପ୍ରତିଷ୍ଠାନକୁ ନିଆଯାଇନ୍ତି। ପୋଲିସ ମହାନିରୀକ୍ଷକ କହିଛନ୍ତି ଯେ ଘଟଣାସ୍ଥଳକୁ ଅତିରିକ୍ତ ସୁରକ୍ଷାବଳକୁ ପଠାଇ ଦିଆଯାଇଛି ଏବଂ ଅଞ୍ଚଳରେ ତଲାସୀ ଅଭିଯାନ ଏବେ ମଧ୍ୟ ଚାଲିଛି।
ବସ୍ତର ରେଞ୍ଜର ପୋଲିସ ମହାନିରୀକ୍ଷକ ସୁନ୍ଦରରାଜ ପି କହିଛନ୍ତି ଯେ ଛତିଶଗଡ଼ରେ ନକ୍ସଲୀଙ୍କ ପାଇଁ ତିନି-ଚାରିଟି ଜାଗା ମାନାଯାଏ। ଅବୁଝମାଡ଼, ନେସନାଲ୍ ପାର୍କ ଏବଂ ସାଉଥ୍ ବସ୍ତର ମଧ୍ୟରେ ଅଛି। ଯବାନମାନେ ଯେଉଁଠାରେ ଏନକାଉଣ୍ଟର କରିଛନ୍ତି ତାହା ନକ୍ସଲଙ୍କର ଗୋପନୀୟ ଅଞ୍ଚଳ ଥିଲା।
୩ଟି ଟିମର କାର୍ଯ୍ୟାନୁଷ୍ଠାନ
ବିଜାପୁରର ଜାତୀୟ ଉଦ୍ୟାନ ଅଞ୍ଚଳରେ ଏହି ଏନକାଉଣ୍ଟର ହୋଇଛି। ଏବେବି ସର୍ଚ୍ଚ ଅପରେସନ ଜାରି ରହିଛି । ବିଜାପୁର ଡିଆରଜି, ଏସଟିଏଫ୍ ଓ ବସ୍ତର ଲଢୁଆମାନେ ନକ୍ସଲଙ୍କୁ ଚାରିଆଡ଼ୁ ଘେରି ରହିଛନ୍ତି। ବହୁ ସଂଖ୍ୟାରେ ନକ୍ସଲଙ୍କ ସମାଗମ ହୋଇଥିବା ନେଇ ସୂଚନା ମିଳିବା ପରେ ଘଟଣାସ୍ଥଳକୁ ଫୋର୍ସ ପଠାଯାଇଥିଲା ବୋଲି ଆଇଜି ସୂଚନା ଦେଇଛନ୍ତି। ସକାଳୁ ଗୁଳିବିନିମୟ ଜାରି ରହିଛି। ନକ୍ସଲ ଅପରେସନ ଯୋଗୁଁ ନକ୍ସଲଙ୍କ ବହୁ କ୍ଷତି ହୋଇଛି।
Also readhttps://purvapaksa.com/there-are-no-heads-of-the-three-major-political-parties-in-odishaa/
